żagħżugħ – One News

Notifiki

Żagħżugħ Żvediż jeħel tliet xhur ħabs sospiżi wara li kien aggressiv mal-pulizija fl-ajruport hekk kif kien fis-sakra

Żvediż ta’ 19-il sena weħel tliet xhur ħabs sospiżi għal sena u weħel multa ta’ €3,000 wara li t-Tnejn filgħodu daħal fl-ajruport fis-sakra u m’obdiex l-odnijiet tal-uffiċjali tas-sigurtà wara li ma tħalliex jitla’ fuq titjira.

L-Ispettur Silvio Magro li mexxa l-prosekuzzjoni spjega li l-Pulizija ġew mgħajta mill-uffiċjali tas-sigurtà tal-ajruport wara li kien hemm raġel li ma tħallihiex jitla’ fuq l-ajruplan. L-ispettur spjega li r-raġel rreżista l-arrest u filwaqt li beżaq fuq wieħed mill-Pulizija huwa baqa’ joffendihom u jgħajjarhom sakemm ħaduh ġewwa l-għassa tal-ajruport.

Wara l-arrest huwa ttieħed ukoll fil-poliklinika tal-Furjana fejn hemm ukoll baqa’ agressiv fil-konfront tal-Pulizija.

L-avukat tal-għajnuna legali spjega li l-ġuvni għadu kif għalaq 19-il sena u appella biex fis-sentenza tagħha l-Qorti tikkunsidra wkoll li l-ġuvni għamel li għamel waqt li kien fis-sakra. Spjega wkoll li l-ġuvni għandu fedina penali nadifa u f’pajjiżu qed jistudja kors tal-liġi.

Iż-żagħżugħ wieġeb ħati tal-akkużi miġjuba kontrih.

Għall-qorti wara ġlieda f’post ta’ divertiment

Żagħżugħ tressaq il-Qorti akkużat li għal-ħabta tat-3:15 tas-Sibt filgħodu ħebb għal ġuvni ieħor fi stabbiliment tad-divertiment fir-Rabat. Iż-żgħażugħ li ismu ma jistax jissemma fuq ordni tal-Qorti wieġeb mhux ħati li kkawżalu ġrieħi gravi u li kissirlu nuċċali. Aqra aktar

Żagħżugħ Malti fl-ITU fi Spanja wara li rriżulta pożittiv għall-Coronavirus

Malti ta’ 29 sena jinsab rikoverat f’taqsima tal-Kura Intensiva ġewwa Barċellona wara li fl-aħħar jiem irriżulta pożittiv għall-Coronavirus fi Spanja.

Il-Ministru għall-Affarijiet Barranin Evarist Bartolo qal li “aħna nafu b’persuna waħda maqbuda fi Spanja qiegħda għall-kura intensiva u mill-informazzjoni li għandna jidher li hija f’qagħda stabbli.”

Aqra aktar

Send this to a friend