Pajjiżna se jkun qed jiftaħ ambaxxata fit-Turkija, liema aħbar il-Prim Ministru Tork laqa’ b’sodisfazzjon. Kien il-Prim Ministru Joseph Muscat li ta din l-aħbar f’konferenza tal-aħbarijiet konġunta bejn il-Prim Ministru Malti u l-Prim Ministru Tork wara laqgħa li kellhom f’Kastilja bħala parti miż-żjara uffiċjali tal-President Tork f’pajjiżna. Din kienet propju l-ewwel żjara uffiċjali tal-Prim Ministru Tork.
Din hija l-ewwel żjara uffiċjali ta’ Kap ta’ Stat Tork f’pajjiżna. Tul iż-żjara tal-Prim Ministru Tork, Binali Yıldırım, mistennija jkunu d-diskussi mhux biss ir-relazzjoni bilaterali bejn Malta u t-Turkija iżda anke r-relazzjoni bejn it-Turkija u l-Unjoni Ewropea.
Il-Prim Ministru tat-Turkija Binali Yıldırım iltaqa’ mal-Prim Ministru Joseph Muscat f’Kastilja, l-Belt Valletta. Il-Prim Ministru tat-Turkija u l-Prim Ministru Malti se jkollhom laqgħa ta’ diskussjoni li se tkun qed twassal biex jiġi ffirmat memorandum of understanding.
Il-Prim Ministru tat-Turkija Binali Yıldırım wasal f’pajjiżna ma tlugħ ix-xemx. Kien il-Ministru għat-trasport Joe Mizzi li laqgħu f’pajjiżna. Aktar tard matul il-jum tal-ġimgħa, il-Prim Ministru tat-Turkija se jkun qed jiltaqa’ mal-President ta’ Malta, Marie-Louise Coleiro Preca u mal-Prim Ministru Joseph Muscat.
Nhar il-Ġimgħa, il-Prim Ministru tat-Turkija Binali Yıldırım se jagħmel żjara uffiċjali f’Malta. Miegħu se jkollu diversi Ministri tal-Gvern.
Il-qofol taż-żjara se tkun laqgħa mal-Prim Ministru Joseph Muscat u l-iffirmar ta’ memorandum of understanding.
Persuna armata sakkret lilha nnifisha f’kamra fi sptar tal-kura mentali f’Istanbul, it-Turkija, u qed jhedded li joqtol lilu nnifsu u pazjenti oħra.
Il-Prim Ministru Theresa May qalet li r-Renju Unit se jtejjeb ir-relazzjonijiet ta’ negozju mat-Turkija wara li saru diskussjonijiet mal-President Tork Recep Tayyip Erdogan.
Il-Prim Ministru Ingliż qalet li t-Turkija hija ħabiba antika ta’ pajjiżha, iżda hemm potenzjal biex ir-relazzjonijiet bejn iż-żewġ pajjiżi jissaħħu.
Il-Pulizija Torka arrestat is-suspettat ewleni fl-attakk li sar lejliet l-ewwel tas-sena fi stabbiliment tad-Divertiment f’Istanbul.
Qed ikun irrapurtat li Abdulkadir Masharipov, dak maħsub li fl-aħħar lejl tal-elfejn u sittax ħalla disgħa u tletin persuna bla ħajja, kien imħarreġ l-Afganistan, u daħal it-Turkija f’Jannar tas-sena l-oħra.
Erba’ persuni tilfu ħajjithom wara splużjoni barra bini tal-Qorti fil-belt ta’ Iżmir fit-Turkija.
Rapporti fil-mezzi tax-xandir internazzjonali qalu li l-allegat żewġ aggressuri nqatlu filwaqt li persuna ċivili u pulizija wkoll tilfu ħajjithom.
Il-Pulizija Torka arrestat tnax–il persuna waqt rejds f’Istanbul.
Dan f’operazzjoni ta’ tfittxija ma’ taqta’ xejn biex jinstab l-aggressur li fis-sigħat bikrin tal-ewwel jum tas-sena qatel 39 persuna f’post tad-divertiment.
Send this to a friend