Il-Prim Ministru Ingliż Boris Johnson u s-sieħba tiegħu Carrie Symonds isemmu lil binhom Wilfred Lawrie Nicholas, wara n-nanniet tal-koppja u t-tobba Dr. Nick Price u Dr Nick Hart li ħadu ħsieb saħħet il-Prim Ministru Ingliż meta kien rikoverat fl-isptar minħabba l-coronavirus.Aqra aktar
Fl-Amerka, omm ta’ 27 sena welldet waqt li kienet f’koma medika minħabba l-Coronavirus. L-omm kienet ittiħdet f’kura intensiva meta hi kellha 33 ġimgħa tqala. Aqra aktar
F’Singapor tarbija ġiet salvata mill-ħaddiema li jiġbru l-iskart wara li sabuha meta kienu qed jiġbru l-iskart. Aqra aktar
It-tennista Andy Murray sar missier għat-tielet darba. Dan wara li martu Kim welldet tifel. Aqra aktar
Fuq il-paġna tiegħu ta’ Facebook, is-Segretarju Parlamentari Clint Camilleri ħabbar li hu u martu Deborah saru ġenituri. Aqra aktar
Il-Pulizija ntervjeniet f’waqtu kmieni t-Tnejn filgħodu biex isalvaw tarbija mid-dar wara li l-omm issakkret fil-gallarija.
Hu mifhum li t-tarbija bdiet tibki wara xi ftit tal-ħin, iżda l-omm ma setgħetx tidħol ġewwa. Il-Pulizija ssejħu fuq il-post biex jagħtu l-għajnuna meħtieġa lill-omm u jsalvaw lit-tarbija.
Membri mid-Dipartiment tal-Protezzjoni Ċivili wkoll issejħu biex jagħtu sehemhom f’din l-operazzjoni
“Grazzi kbira lit-tim tal-ITU tat-tfal f’Mater Dei, infermiera, tobba u professuri li ħadmu fuq li ħadmu biex isalvaw lil Elise. Saħansitra anke bkew magħna.”
Kien dan il-messaġġ ta’ ringrazzjament tan-nanna ta’ Elise, it-tarbija ta’ tmien xhur li tilfet ħajjitha wara li ddaħħlet l-isptar tbati mis-settiċemija aktar kmieni din il-ġimgħa.
Hi spjegat kif id-dar kienet mżejna b’Elise u ssa żejnet id-dar bir-ritratti tagħha biex kull fejn tħares, taraha.
F’isem il-ġenituri ta’ Elise u l-qraba kollha, hi rringrazzjat lil dawk kollha li f’mument ta’ faraġġ kienu ta’ spalla.
Hi temmet il-messaġġ tagħha bi kliem ta’ tifħir u kif ukoll ta’ ringrazzjament għat-tim ta’ professjonisti fl-ITU tat-tfal fejn qalet kif it-tim hu wieħed b’saħħtu u ddedikat f’dak kollu li jagħmel.
Qalbet għall-aħjar it-tarbija tat-twelid li madwar ġimgħa ilu ddaħħlet l-isptar Mater Dei bil-meninġite.
Ħabbar dan il-Ministru għas-Saħħa, Chris Fearne, f’konferenza tal-aħbarijiet fejn spjega kif it-tifla li għandha ftit aktar minn għoxrin jum, qalbet għall-aħjar. Aqra aktar
Tarbija ta’ tmien xhur tinsab f’qagħda kritika wara li qiegħda issofri minn settiċemija, marda kkaġunata minn mikrobu fid-demm.
It-tifla ddaħħlet, l-Isptar Mater Dei għall-kura l-Ħadd waranofsinhar wara li żviluppawlha ħafna tbabar madwar ġisimha kollu u telgħalha d-deni. It-tifla qiegħda fl-NPICU, it-Taqsima tal-Kura Intensiva tat-Tfal fl-Isptar Mater Dei.
F’konferenza għall-ġurnalisti fil-Ministeru għas-Saħħa, is-Supretendent tas-Saħħa Pubblika, il-Professur Charmaine Gauci u d-Direttur Mediku Walter Busuttuil tawl l-aħħar dettalji dwar il-każjiet rapportati fil-midja ta’ tlett itfal li ddaħħlu l-isptar b’mikrobi differenti.
Fosthom tifel ta’ erba’ snin li miet bil-Meninġite u tarbija oħra tat-twelid. Huma spjegaw li t-tifla li għandha ftit aktar minn għoxrin jum qalbet għall-aħjar wara li l-ġimgħa l-oħra ntlaqtet bil-meninġite.Aqra aktar
Tarbija ta’ 11-il xahar ġie salvat minn taħt it-tifrik ta’ blokka t’appartamenti li ġġarfet fil-jiem li għaddew fil-belt Russa ta’ Magnitogorsk.
It-tifel instab f’sensih iżda jinsab f’kundizzjoni ta’ saħħa mhux daqstant tajba.
Kelliem għall-Ministeru tas-Saħħa fir-Russja saħaq li t-tifel sofra minn ġrieħi f’rasu u għandu xi ksur f’saqajh hekk kif intbagħat f’Moska għall-aktar kura.
Omm it-tifel ukoll salvat minn din it-traġedja li ħalliet minn tal-inqas disa’ persuni mejta hekk kif splużjoni ta’ gass ġarfet blokka t’appartamenti.
Iċ-ċkejken imsemmi Ivan instab aktar minn tletin 30 wara t-tiġrif u għamel dawn is-sigħat kollha f’temperaturi taħt iż-żero.
Sa issa għad hemm 32 persuna rrapurtati nieqsa.
Send this to a friend