tarbija – One News

Notifiki

Ara: Issemmi lit-tarbija għall-maħbub li kien miet f’inċident traġiku f’fabbrika tal-injam

Mateo.

Iċ-ċkejken li twieled tliet ġimgħat ilu fis-sagħtejn neqsin għoxrin ta’ wara nofshinar fl-Isptar Mater Dei.

Iben Maria u Trayden, li wara ismu hemm storja ta’ niket, li teħodna lura għall-erbgħa ta’ Ġunju tal-elfejn u ħmistax, meta fis-siegħa u l-ħin magna tal-injam f’Fabbrika f’Ħal Luqa ħasdet il-ħajja ta’ Matthew Bartolo, żagħżugħ ta’ sbatax il-sena ċajtier li kien ibiegħ is-saħħa – dakhinar l-għarus ta’ Maria Micallef.

Dakinhar iddominaw il-bnadar mezzasta, Malta u Għawdex maħsuda, ġenituri tilfu lil binhom u Maria tilfet l-ewwel imħabba ta’ ħajjitha.

Aqra aktar

Pulizija jintervjenu fil-waqt biex isalvaw tarbija wara li ommu nqabdet fil-gallarija

Il-Pulizija ntervjeniet f’waqtu kmieni t-Tnejn filgħodu biex isalvaw tarbija mid-dar wara li l-omm issakkret fil-gallarija.

Hu mifhum li t-tarbija bdiet tibki wara xi ftit tal-ħin, iżda l-omm ma setgħetx tidħol ġewwa. Il-Pulizija ssejħu fuq il-post biex jagħtu l-għajnuna meħtieġa lill-omm u jsalvaw lit-tarbija.

Membri mid-Dipartiment tal-Protezzjoni Ċivili wkoll issejħu biex jagħtu sehemhom f’din l-operazzjoni

“Bkew magħna u ħadmu qatigħ biex isalvaw il-ħajja ta’ Elise”

“Grazzi kbira lit-tim tal-ITU tat-tfal f’Mater Dei, infermiera, tobba u professuri li ħadmu fuq li ħadmu biex isalvaw lil Elise. Saħansitra anke bkew magħna.”

Kien dan il-messaġġ ta’ ringrazzjament tan-nanna ta’ Elise, it-tarbija ta’ tmien xhur li tilfet ħajjitha wara li ddaħħlet l-isptar tbati mis-settiċemija aktar kmieni din il-ġimgħa.

Hi spjegat kif id-dar kienet mżejna b’Elise u ssa żejnet id-dar bir-ritratti tagħha biex kull fejn tħares, taraha.

F’isem il-ġenituri ta’ Elise u l-qraba kollha, hi rringrazzjat lil dawk kollha li f’mument ta’ faraġġ kienu ta’ spalla.

Hi temmet il-messaġġ tagħha bi kliem ta’ tifħir u kif ukoll ta’ ringrazzjament għat-tim ta’ professjonisti fl-ITU tat-tfal fejn qalet kif it-tim hu wieħed b’saħħtu u ddedikat f’dak kollu li jagħmel.

Send this to a friend