BIL-FILMAT: “Il-ftuħ tal-iskejjel jgħin fit-tnaqqis tal-każijiet ta’ Covid-19 fil-komunità” – il-Prof. Gauci

Waqt l-aġġornament mediku ta’ kull ġimgħa, is-Supretendent tas-Saħħa Pubblika, il-Professur Charmaine Gauci tkellmet ukoll dwar il-ftuħ tal-iskejjel bil-miżuri kollha neċċessarji ta’ mitigazzjoni.

Il-Professur Gauci qalet li għall-awtoritajiet tas-saħħa, it-tagħlim edukattiv fl-iskejjel għandu jibqa’ għaddej.

Spjegat punt importanti li huwa li meta t-tfal jattendu l-iskola, dawn jikkontribwixxu fit-tnaqqis tal-każijiet ta’ Covid-19 fil-komunità.

Dan għaliex ikun hemm ċertu movimenti stabbli u konsistenti tan-nies u b’hekk it-tfal ma jkollhomx attivitajiet soċjali oħra.

Il-Professur Charmaine Gauci tat din l-ispjega ftit wara li l-Unjin tal-Għalliema, l-MUT, qalet li fi tmiem taħdidiet dalgħodu mal-Gvern kien hemm diskussjonijiet produttivi u tat indikazzjoni li fis-sigħat li ġejjin se jintlaħaq ftehim.

DIRETT: Is-Supretendent tas-Saħħa Pubblika l-Prof. Charmaine Gauci se tindirizza konferenza tal-aħbarijiet

Għall-ħabta tan-12:30, is-Supretendent għas-Saħħa Pubblika, il-Professur Charmaine Gauci se tindirizza konferenza tal-aħbarijiet bl-aħħar dettalji dwar l-imxija tal-Coronavirus f’pajjiżna.Aqra aktar

31 persuna oħra jfiqu mill-Covid-19 u jfeġġu 75 każ

Fl-aħħar 24 siegħa fiequ 31 persuna oħra mill-Covid-19 f’Malta u feġġew 75 każ minn fost 2,732 testijiet li saru. Dan qalitu s-Supretendent tas-Saħħa Pubblika, il-Professur Charmaine Gauci, waqt li kienet qed tagħti rendikont tas-sitwazzjoni tal-pandemija f’Malta.Aqra aktar

DIRETT: Is-Supretendent tas-Saħħa Pubblika tagħti dettalji b’rabta mal-imxija

Fin-12:30, is-Supretendent tas-Saħħa Pubblika, il-Professur Charmaine Gauci se tkun qed tindirizza konferenza tal-aħbarijiet b’rabta mal-aħħar żviluppi mal-imxija tal-Coronavirus f’Malta. Aqra aktar

Send this to a friend