Jingħata bidu għall-Olimpjadi fil-Ġappun… Malta b’sitt ambaxxaturi f’diversi dixxiplini sportivi

B’ħarsa lejn il-proċess fl-elfejn u tlettax li fih intagħżel il-Ġappun bħala l-pajjiż ospitanti għal-Logħob Olimpiku, il-Ġimgħa waranofsinhar ingħata bidu għall-Olimpjadi.

Dan l-avveniment li suppost sar is-sena l-oħra, ġie pospost għal din is-sena minħabba l-pandemija u sal-aħħar minuta kien hemm dubji kbar jekk hux se jsir minħabba żieda qawwija fl-infezzjonijiet.Aqra aktar

BIL-FILMAT: Il-pjanijiet għat-trakka tal-karozzi jinsabu fi stadju avvanzat

Il-pjanijiet għal faċilità ġdida li se tinkludi fiha trakka tal-karozzi jinsabu fi stadju avvanzat ħafna.

Ħabbar dan is-Segretarju Parlamentari għall-Isport Clifton Grima waqt żjara li għamel waqt sessjoni ta’ prova għall-Kampjonat Nazzjonali tal-Karting.

“Il-komunità sportiva ħa jkollha faċilità li x-xogħol preparatorju diġà wasal fi stadju avvanzat ħafna u nara li dan ix-xogħol jibda kemm jista’ jkun malajr fix-xhur li ġejjin.”

Waqt iż-żjara tiegħu Grima ħabbar ukoll li l-Federazzjoni Maltija tal-Motorsport se tibbenefika minn għotja ta’ mitt elf ewro mill-iskema ta’ Parteċipazzjoni Internazzjonali li hi amministrata minn SportMalta.

Duncan Micallef, sewwieq Malti b’esperjenza kbira anki barra minn xtutna, sostna li t-trakka tal-karting li ġiet inawgurata ftit tax-xhur ilu, kompliet ittejjeb it-talent tas-sewwieqa Maltin.

“Qabel ma kellna l-go-kart track konna diġà f’livell internazzjonali u konna qed nerbħu. Issa li għandna l-go-kart track u t-tfal sa minn 4 snin qed jipprattikaw żgur qed nara livell aktar superjuri minn dak li kellna.”

Tkellimna wkoll ma’ żewġ parteċipanti subien tal-Kampjonat, li stqarrew magħna għaliex iħobbu dan l-isport.

“Jien għandi 11-il sena dan l-isport jgħoġobni għax tmidd idejk u ssuq. – Il-go-kart inħobb nikkompeti ħafna biha.”

Illejla tibda l-EURO…kompetizzjoni tant mistennija wara sena ta’ pandemija

Illejla tibda l-kompetizzjoni tant mistennija  tal-logħba tal-ballun, il-Euro 2020, b’partita bejn l-Italja u t-Turkija fi stadio Olimpico, f’Ruma.

Il-kompetizzjoni, li ttardjat b’sena minħabba l-pandemija se tibqa’ għaddejja sal-ħdax ta’ Lulju, fi ħdax-il belt differenti.

Il-finali nhar il-Ħadd, ħdax ta’ Lulju, se tintlagħab fil-grawnd ta’ Wembley f’Londra.

Il-logħob se jintlagħbu fil-preżenza tal-partitarji; bl-ikbar folla mistennija tinġabar fil-grawnd ta’ Budapest, fl-Ungerija.

Kwotati ferm din is-sena hemm Franza, l-Italja u l-Ingilterra mhux meqjusa tiddiżappunta.

Iċ-ċampjins Ewropej renjanti, il-Portugall ukoll mistennija jagħmlu ħoss f’din il-kompetizzjoni.

Iċ-ċampjins tad-dinja tal-2014, il-Ġermanja, mhumiex daqstant favoriti li din is-sena jgħollu t-tazza.

Xogħlijiet fuq il-binja 1903 fil-Marsa

B’investiment ta’ €600,000, għaddejjin ix-xogħlijiet fuq il-binja magħrufa bħala ‘1903’ u l-proġett tal-fencing li jdawwar il-faċilitajiet sportivi fil-Marsa.Aqra aktar

Send this to a friend