Sport – One News

Notifiki

Fabbrikazzjoni dwar l-isport u l-volontarjat

Il-Gvern, permezz tal-Kunsill għas-Settur tal-Volontarjat, organizza diversi sessjonijiet ta’ informazzjoni kemm f’Malta u kemm f’Għawdex mal-għaqdiet volontarji dwar l-allokazzjoni ta’ €3 miljun, li hija l-ikbar allokazzjoni ta’ fondi diretti li qatt saret mill-Gvern fis-settur.Aqra aktar

Numru ta’ rekords ġodda fl-Atletika

Il-Kampjonati Nazzjonali tal-Atletika Cavalieri Art Hotel li saru fi tmiem din il-ġimgħa fl-istadium Matthew Micallef St John ipprovdew spettaklu mill-aqwa għad-dilettanti tal-isport b’wirja mill-aqwa minn numru ta’ talenti lokali. Waqt 30 avveniment, inksiru xejn anqas minn 16-il rekord, li jfisser li f’aktar min-nofshom tniżżlu ismijiet, ħinijiet u distanzi ġodda.

Ċertament li l-aktar prestazzjoni li se tibqa’ mfakkra minn dawn il-Kampjonati kienet dik ta’ Janet Richards (Pembroke Athleta) li kisret ir-rekord tal-400m, li kien twaqqaf minn Tanya Blake 17-il sena ilu fil-Logħob tal-Pajjiżi ż-Żgħar li kienu saru fi xtutna. Richards kellha wirja impekabbli u temmet it-tellieqa f’54.06s. Minkejja dan l-isforz, hija kellha l-enerġija biex tirritorna lura fuq it-trakka l-Ħadd b’rebħa oħra fil-200 metru.

Aqra aktar

“Issa ċ-ċans” – Jirritorna wara korriment f’saqajh

F’għodwa sajfija nżilna sax-xatt ta’ Birżebbuġa biex niltaqgħu ma’ Dailin Zammit ta’ 21 sena u Cory Joyce, tifel ta’ 9 snin li kienu qed isuqu r-rota fl-iskatepark li jinsab fil-Bajja s-Sabiħa.Aqra aktar

Il-kampjonat tal-futbol se jibda inqas minn xahar ieħor wara l-bibien magħluqa

F’konferenza tal-Aħbarijiet, il-President tal-Assoċjazzjoni Maltija tal-Futbol, l-MFA Bjorn Vassallo, ħabbar li l-Kampjonat Premier se jkun qed jibda fil-11 ta’ Settembru li ġej, iżda bil-bibien magħluqa għall-partitarji.

Bjorn Vassallo ħabbar ukoll li l-Kunsill tal-Assoċjazzjoni ddeċieda li jekk fil-futur jerġa’ jiġri bħall-aħħar kampjonat u jkunu ntlagħbu ħamsa u sebgħin fil-mija tal-partiti u l-kampjonati jkollhom jieqfu ħesrem, il-klassifika tibqa’ tgħodd. Min-naħa l-oħra jekk ikunu ntlagħbu anqas minn dan il-perċentwal u l-kampjonati jkollhom jieqfu ħesrem, dawn jiġu abbandunati. Is-Sur Vassallo spjega wkoll li kemm il-darba matematikament ikun hemm diġà verdett din għandha tiġi rispettata.

Il-President ħabbar ukoll li l-MFA ħatret kummissjoni medika biex tevalwa s-sitwazzjoni preżenti tal-imxija u żied jgħid li l-logħob tal-klabbs Maltin fl-Ewropa se jintlagħbu  f’konformità mad-direttivi mediċi tal-UEFA.

Fl-istess konferenza tal-aħbarijiet tħabbar ukoll li l-eks uffiċjal internazzjonali Alan Mario Sant se jkun qed jinħatar bħala Chairman tal-Kumitat tar-referees tal-MFA.

Bjorn Vassallo għalaq billi qal li fil-pożizzjoni li qiegħed il-futbol bħalissa, bħal assoċjazzjonijiet oħra, l-MFA ma tistax tagħti garanziji li l-qafas ippjanat jinżamm għaliex dan jiddependi minn ħafna fatturi minħabba li s-sitwazzjoni hija fluwida ħafna.

L-MFA se tkun qed tiddependi ħafna mid-dħul finanzjarju internazzjonali jekk il-baġits finazjarji jiġux riveduti.

Tkellem ukoll is-Segretarju Ġenerali Angelo Chetcuti li qal li l-MFA bdiet taħdem għall-installazzjoni ta’ kameras speċjali li permezz tagħhom jintwerew l-partiti kollha jew fuq it-televiżjoni jew permezz ta’ live-streaming.

 

 

 

 

Artie III jirbaħ is-60 edizzjoni tal-Malta-Syracuse Race

Il-jott HH42 ta’ Lee Satariano rebaħ is-60 edizzjoni tal-Malta – Syracuse Race, ospitata mir-Royal Malta Yacht Club u l-Lega Navale Italiana (Sezione Siracusa) li seħħet fl-1 ta ’Awwissu. Din it-tellieqa kienet ġie posposta mid-data tas-soltu f’nofs Lulju minħabba restrizzjonijiet tas-saħħa. Fiċ-ċirkostanzi, din is-sena rat parteċipazzjoni mnaqqsa meta mqabbla mas-snin ta ‘qabel.  Madankollu, tmintax-il jott kienu mal-linja tat-tluq – inklużi veterani Taljani Ottovolante u Malafemmena.Aqra aktar

Owen Grech ikkonfermat bħala President ta’ Badminton Malta

Owen Grech ġie kkonfermat bħala President ta’ Badminton Malta għas-sentejn li ġejjin wara li serva bħala President Interim għal dawn l-aħħar xhur. Dan seħħ waqt il-Laqgħa Ġenerali Annwali ta’ Badminton Malta li saret fil-Valletta Volunteer Centre. Owen diġa ħadem bis-sħiħ fuq inizjattivi waqt l-aħħar perjodu u issa qed jħares ‘il quddiem biex ikompli jibni assoċjazzjoni li tippromwovi il-Badminton bħala l-għażla sportiva għal kulħadd.

Aqra aktar