F’Marzu ta’ għaxar snin ilu seħħ l-aktar terremot qawwi li qatt ġie rreġistrat fil-Ġappun, li laqat il-kosta tal-Lvant tal-pajjiż.Aqra aktar
“Se tixrob? Issuqx” – Titnieda l-kampanja ta’ Transport Malta għas-sigurtà fit-toroq għal żmien il-festi
Transport Malta qed tniedi uffiċjalment il-kampanja annwali tal-Milied. Minħabba li f’dawn iż-żminijiet ħafna nies jieħdu grokk tal-okkażżjoni, jiżdiedu dawk li potenzjalment isuqu taħt l-effett tal-alkoħol. Sfortunatament ħafna jirriskjaw għax jemmnu li jifilħu għax-xorb mingħajr ma jikkunsidraw il-konsegwenzi. Mhuwiex aċċettabli li ssuq wara li tixrob, il-konsegwenzi jistgħu ikunu koroh wisq. Kulħadd għandu jaħseb fil-familjari tiegħu, fih innifsu u f’dawk kollha ta’ madwaru u jevita l-inċidenti, speċjalment f’dawn iż-żminijiet tal-festi.Aqra aktar
Jaf qiegħed tirriskja l-privatezza tiegħek meta tkun qed tara kif se tidher fil-futur- FaceApp
Huwa għaqli li tirriskja l-privatezza tiegħek biex tara kif se tkun tidher fil-futur? Din il-mistoqsija tqajmet din il-ġimgħa wara li ħafna użaw il-FaceApp, li tuża ritratt riċenti u permezz tal-intelliġenza artifiċjali tibdel l-apparenza tal-persuna u ġġibu jidher akbar. Aqra aktar
Kif tista’ tgħallem lit-tfal dwar is-sigurtà online minn logħba ‘Snakes and Ladders’?
Riżorsi ġodda se jkunu qed jintużaw fl-iskejjel primarji biex jgħallmu lit-tfal kif ikunu siguri waqt li jużaw l-internet.
Programm ġdid bl-isem ta’ Safety Snakes se tuża l-logħba popolari snakes and ladders, sabiex tgħallem lit-tfal il-perikli tad-dinja virtwali. Aqra aktar
Jean Todt f’Malta biex iqajjem kuxjenza dwar is-sigurtà fit-toroq
L-Uffiċjal għas-Segretarju Ġenerali tal-Ġnus Magħquda dwar is-sigurtà fit-toroq, Jean Todt, jinsab Malta biex flimkien mal-Ministeru għas-Saħħa jqajjem aktar għarfien dwar is-sigurtà fit-toroq madwar id-dinja.Aqra aktar
Biex inkunu iktar siguri fuq l-internet
Daqs erba’ sekli u nofs ilu niddefendu gżiritna bil-kanuni u x-xwabel mid-dagħdigħa li tefgħu fuqna t-Torok u llum niddefendu l-assi diġitali tagħna b’mod virtwali u teknoloġiku.
Propju fil-Forti Sant’Anġlu li żamm sod għal ħbit, wieħed wara l-ieħor, il-MITA nediet it-tieni fażi tal-kampanja tagħha dwar is-sigurtà diġitali. Aqra aktar
Spiża kbira għas-sigurtà waqt it-tieġ Irjali ta’ nhar il-Ġimgħa li ġej
Il-Pulizija f’Windsor, l-Ingilterra, qalu li kellhom japplikaw għal fondi żejda biex ikunu jistgħu ikopru s-somma ta’ £2miljun għal serviżżi ta’ sigurtà għaż-żewġ tiġijiet Irjali ta’ din is-sena. Ħames xhur wara ż-żwieġ tal-Prinċep Harry u Meghan Markle fil-kastell ta’ Windsor, il-Prinċipessa Eugenie mistennija tiżżewweġ lil Jack Brooksbank iktar tard din il-ġimgħa.Aqra aktar
FILMAT: Sigurtà mal-kosta Maltija
Mal-attività fil-kosta Maltija f’dawn ix-xhur tas-Sajf jiżdied ukoll il-bżonn t’ iktar sigurtà hekk kif l-għajtiet għall-għajnuna jiżdiedu wkoll. Permezz tal-ħidma fuq il-bajjiet minn Life Guards u l-Community First Responder, is-Soċjeta’ tas-Salib l-Aħmar qed jagħmlu minn kollox biex fil-waqt li jiġu preventiti l-aċċidenti, meta dawn iseħħu l-pazjent jingħata l-ewwel għajnuna iktar malajr.
Fil-fatt is-Soċjetà tas-Salib l-Aħmar li ilha taħdem sitta u għoxrin sena illum għandha mitejn u għoxrin membru li mija u ħamsin minnhom huma volontarji. Sittin membru tas-Soċjeta’ huma mħarrġin fis-salvataġġ fl-ilma fil-waqt li l-oħrajn għandhom taħriġ mediku. Tul dawn l-aħħar sentejn is-Soċjeta’ tar-Red Cross qiegħda wkoll tħaddem proġett tal-Community First Responder. Tkellimna mad-direttur tal-operazzjonijiet tas-Soċjetà tas-Salib l-Aħmar, Robert Brincau li spjegalna iktar x’inhuma r-responsabilitajiet u x-xogħol tal-first responder.
L-Inwadar mgħasses bil-kameras
L-inħawi tal-Inwadar f’Wied il-Għajn, li ftit tax-xhur ilu ġie ddikjarat bħala Park Nazzjonali, issa huma attrezzati b’numru ta’ CCTV cameras. Dan bil-għan li jitnaqqsu l-abbużi ta’ rimi ta’ skart. Miżura li jidher li qed tagħmel id-differenza, hekk kif meta ġew installati għadu ma kienx hemm abbuż wieħed.
Pass ’il quddiem għall-ħidma tal-pulizija u għas-sigurtà fl-Ewropa
“L-isfidi li l-Ewropa qed tħabbat wiċċha magħhom illum il-ġurnata fil-qasam tas-sigurtà wasslu biex l-Unjoni Ewropea tikkunsidra mill-ġdid kif taġixxi fil-konfront ta’ tħassib dwar is-sigurtà u fejn għandha tiffoka l-enerġiji tagħha. Għalhekk, id-dħul fis-seħħ ta’ qafas legali ġdid għall-aġenzija tal-UE għall-infurzar tal-liġi, l-Europol, illum mhux biss huwa f’waqtu iżda wkoll kruċjali; huwa tabilħaqq pass ’il quddiem għall-ħidma tal-pulizija u għas-sigurtà fl-Ewropa,” qal il-Ministru għall-Intern u s-Sigurtà Nazzjonali, Carmelo Abela. Huwa kien qed jindirizza lill-membri tal-Bord tat-Tmexxija tal-Europol li ltaqgħu fil-Palazz tal-Granmastru, fil-Belt Valletta.
Il-Ministru Abela qal li l-Europol għamlet ħafna progress minn mindu nħolqot fl-1998. Tul is-snin, kellha rwol essenzjali biex ressqet lejn xulxin l-awtoritajiet tal-infurzar tal-liġi tal-Istati Membri tal-UE u biex serviet ta’ pont sabiex jitwessgħu l-possibbiltajiet ta’ kollaborazzjoni ma’ pajjiżi terzi, aġenziji oħrajn, u partijiet interessati.