sħana – Page 3 – One News

Notifiki

Evitaw li toħorġu barra bejn il-11.00 u l-16.00

Li s-Sajf jinsab fl-eqqel tiegħu, mhijiex aħbar, iżda li s-sħana se tkompli żżid hija l-aħbar għal bidu ta’ din il-ġimgħa. Is-sħana mistennija tkompli tippersisti fil-fatt, din il-ġimgħa se tkun ir-raba’ mewġa ta’ sħana għal dan is-Sajf bit-temperatura se tinħass 40°C.

Aqra aktar

Għall-erwieħ!

Qed tħoss li l-arja inbidlet ftit? Infatti hekk hu! Skont is-sit elettorniku Firstmalta.com, jista’ jkun li jkollna anke xi ftit xita bejn għada u nhar it-Tnejn!

Għal min ħaseb li jista’ joħroġ l-umbrella, però, sejjer żball, għax mistennija tinżel vera ftit, jew traxxax ħarira.

Li hu żgur hu li  t-temperaturi mistennija jinżlu viċin il-medja staġjonali wara li arja friska minn fuq l-Ewropa mistennija tinżel lejn iċ-ċentru tal-Mediterran.

Temperaturi aktar għoljin fil-jiem li ġejjin

It-temperatura mistennija tkompli tgħola aktar fil-jiem li ġejjin. Dan ġie sostnut fi stqarrija mibgħuta t-Taqsima tas-Saħħa li xtaq javża lill-pubbliku dwar l-importanza li wieħed jixrob aktar ilma fix-xhur tas-Sajf.

Temperaturi għoljin jikkawżaw lil kull persuna biex titlef aktar ilma mill-ġisem milli mistenni fejn persuna tispiċċa deidrata.

Dan jista’ jwassal ukoll biex wieħed iħoss għajja kbira minħabba s-sħana jew saħansitra heatsroke.

Is-sħana tista’ taffettwa lil kwalinkwe persuna iżda dawk li huma l-aktar vunnerabbli huma l-anzjani, it-trabi u t-tfal u kif ukoll persuni li għandhom kundizzjoni kronika.

It-Taqsima tas-Saħħa semmiet dawn il-punti li wieħed għandu jimxi magħhom bħala prekwazzjoni għal dawn il-jiem ta’ sħana:

  • Toqgħodx fix-xemx u espost għas-sħana għalxejn waqt l-agħar ħinijiet tal-jum; normalment bejn l-10:00 ta’ filgħodu sal-16:00 ta’ wara nofsinhar.
  • Għażel kmamar fejn ikun hemm l-inqas sħana d-dar jew fuq il-post tax-xogħol
  • Ixrob b’mod regolari u għażel li tiekol ikel li jkun frisk
  • Fittex l-għajnuna jekk ikollok bżonn xi ħaġa

 

Il-Maltin jagħżlu l-baħar biex jiġġieldu s-sħana

Hekk kif illum hija festa pubblika, l-Imnarja, u l-maġġoranza tan-nies ma jkunux xogħol, bosta rħewla lejn il-bajjiet Maltin biex jiġġieldu s-sħana u jiffriskaw fil-baħar.

Dan jidher ċar minn Skyline Webcams, li juru kif il-bajjiet huma mimlijin daqs bajda. Fost oħrajn, bosta nies għażlu l-Bajja ta’ Għajn Tuffieħa u l-Bajja ta’ San Ġorġ f’San Ġiljan.

Illum it-temperatura qed tinħass 39 grad celcius u din hija waħda mill-iktar jiem sħan sa issa fix-xahar ta’ Ġunju. Huma ħafna ukoll li għażlu li jeħduha franka mix-xogħol anke l-Ġimgħa u għalhekk se jkunu qed igawdu minn vaganza twila.

Aqra aktar

Aktar sħana tul il-ġimgħa li ġejja

It-temperatura illum u għada l-Ħadd mistennija tilħaq it-32 Grad Celsius u tibda tinħass sa 35 Grad Celsius, fejn filgħaxija mistennija tinżel għal 22 Grad Celsius.

Ir-riħ mistenni jibda b’Forza 2/3 mill-Punent sakemm jilħaq Forza 3/4 sal-Ħadd.

Hekk kif tibda l-ġimgħa l-ġdida, ir-riħ mistenni jkun Forza 3/4 mill-Punent u t-temperatura mistennija titla’ għal 33 Grad Celsius, tinħass 35 Grad Celsius, bit-temperatura filgħaxija mistennija tinżel għal 23 Grad Celsius. Dan skont rapport fuq First Malta. 

Aqra aktar

Mejju mgħarraq fid-dawl tax-xemx iżda ftit li xejn xita

  • Temperaturi medji tal-arja u tal-baħar 1°C ogħla min-norma klimatika
  • Viżibbiltà mnaqqsa f’erba’ okkażjonijiet minħabba partikoli tat-trab u ċpar
  • Ħafna anqas xita mill-ammont mistenni f’dan iż-żmien tas-sena

Temperaturi ogħla min-norma klimatika u sigħat twal ta’ xemx ikkaratterizzaw ix-xahar ta’ Mejju, u żgur li niżlu tajjeb ma’ koppji li kellhom it-tieġ ippjanat għax-xahar li għadda. Madankollu, dan it-temp sabiħ kien interrott minn żewġ maltempati bir-ragħad u s-sajjetti, fit-12 u t-13 tax-xahar. 12.9 sigħat ta’ xemx irrekordjati fil-31 ta’ Mejju, ġabu x-xahar fi tmiemu fuq nota tassew imdawla.

Ix-xahar li għadda kien ħafna aktar xemxi milli mistenni, u fil-fatt gawda minn ’il fuq minn 21 siegħa aktar min-norma għal dan iż-żmien tas-sena. B’kuntrast, ir-rekords meteoroloġiċi juru li fl-14 ta’ Mejju ix-xemx ma ħarġet xejn u b’hekk dan kien l-aktar jum mudlam tax-xahar.

Barra minn hekk, kopertura ta’ sħab medja ta’ 2.7 oktas tindika li, b’mod ġenerali, sħab imferrex kien osservat mill-Ajruport Internazzjonali ta’ Malta tul ix-xahar. Madankollu, il-viżibbiltà kienet imnaqqsa f’erba’ okkażjonijiet differenti; fil-11 u t-12 ta’ Mejju minħabba partikoli tat-trab sospiżi fl-arja, u fis-6 u s-16 ta’ Mejju minħabba ċ-ċpar.

It-temperaturi medji tal-arja u tal-baħar f’Mejju t-tnejn kienu 1°C ogħla min-norma klimatika ta’ 19.8°C u 18.0°C rispettivament, u ħajru lil ħafna jaqbżu l-ewwel qabża l-baħar. It-temperatura minima l-aktar baxxa – 12.8°C – ġiet irreġistrata fl-ewwel ta’ Mejju, filwaqt li ogħla temperatura massima laħqet it-30.8°C fit-tieni Ġimgħa tax-xahar.

Dan il-jum kien pjuttost mirjieħ u fih ġiet irreġistrata buffura riħ ta’ veloċità ta’ 44 knot. Tul ix-xahar għamlet ukoll anqas xita milli mistenni u t-total imkejjel kien dak ta’ 0.6mm, jiġifieri 7.9mm anqas min-norma klimatika għal Mejju. Nida li niżlet fi tlitt ijiem separati kkontribwiet għal dan l-ammont.

Lestu ruħkom għas-sħana!

It-temperaturi matul tmiem il-ġimgħa mistennija li jgħolew għal 29 grad Celsius, dan kawża tal-livelli ta’ umdità, id-direzzjoni tar-riħ u kif ukoll it-temperatura baxxa tul il-lejl ta’ 19-il grad Celsius. Dan skont rapport fuq FirstMalta.com.

Aqra aktar

Se jkollna Frar mhux tas-soltu

Wara t-temp kiesaħ li għamel fl-aħħar xhur, huwa mistenni li jkollna temp xemxi tul Frar. Normalment Frar ikun l-aktar xahar kiesaħ iżda din is-sena jidher li dan mhux se jkun il-każ. Minkejja li t-temperatura xorta se tkun waħda Xitwija, xorta waħda qed jiġi mbassar li tkun aktar mit-temperatura medja ta’ Frar. Din mhux daqshekk aħbar tajba għal dawk li jħobbu l-maltemp, iżda dawk li diġa’ qed jgħoddu l-ġranet biex imorru jixxemxu, żgur li se jkunu qed jieħdu gost b’temperatura aktar sħuna.

Aqra aktar

Send this to a friend