sewwieqa – One News

Notifiki

Illejla nibdew nużaw l-ewwel toroq ġodda tal-Kappara

Mil-lejla, is-sewwieqa ser jibdew jużaw żewġ slip roads ġodda li nbnew għall-Proġett tal-Kappara, hekk kif ix-xogħol fuq in-naħa tal-pixxina huwa prattikament lest.  Il-karozzi li ġejjin min-naħa ta’ San Ġiljan lejn ir-roundabout tal-Universita’, ser jibdew jgħaddu mill-islip roads il-ġodda, minflok l-arranġament temporanju li kien qed jintuża, u  se jerġa’ jkollhom aċċess għal Triq Tas-Sliema mill-ġdid.
Il-ħaddiema taw l-ewwel saff t’asfalt u żebgħu linji tat-traffiku temporanji f’dawn is-slip roads. Eventwalment ser jagħtu żewġ saffi t’asfalt oħra meta l-proġett ikun wasal fl-aħħar.

Aqra aktar

Ħu ħsieb jekk se tgħaddi minn Sa Maison!

F’messaġġ fuq Facebook, il-Pulizija qed twissi lis-sewwieqa, b’mod partikolari dawk li jsuqu l-muturi, biex jieħdu ħsieb jekk se jaqbdu r-rotta ta’ Sa Maison li tagħti għar-‘roundabout’ direzzjoni Furjana.

Dan minħabba li fl-istess post hemm tixrid ta’ fjuwil u jaf ikun perikoluż għal min ikun qed isuq.

Aqra aktar

Il-gwardjani lokali se jkunu jistgħu jwaqqfu sewwieq xurban

Fil-ġejjieni, meta l-gwardjani lokali li jilmħu sewwieqa taħt l-effett tax-xorb żejjed, se jkollhom is-setgħa li jwaqqfu lis-sewwieq u jseħju lill-Pulizija.

Meta introduċa l-Abbozz ta’ Liġi li jemenda l-Ordinanza dwar ir-Regolament tat-Traffiku, il-Ministru għall-Ġustizzja Owen Bonnici qal li din hija waħda minn seba’ riformi li se jkun qed iressaq, iżda hija l-aktar waħda “kontroversjali imma meħtieġa”.

Hekk, ser li b’din il-liġi, il-gwardjani se jkollhom rwol ta’ assistenti tal-Pulizija, iżda l-poter tagħhom se jkun biss li jwaqqfu u jżommu lis-sewwieqa.

Aqra aktar

Sewwieqa, ħudu ħsieb

Transport Malta ser tagħmel xogħol ta’ manutenzjoni fil-bypass tal-Marsa/il-Ħamrun direzzjoni lejn il-Marsa, mil-lejla sa nhar l-Erbgħa 7 ta’ Settembru 2016 bejn it-8.00 ta filgħaxija u l-5.00 ta’ filgħodu.

Waqt il-ħin tax-xogħol, din it-triq ser tkun magħluqa għat-traffiku, għalhekk is-sewwieqa huma mitluba jevitaw iż-żona u jsibu toroq alternattivi.

Transport Malta ser tagħmel xogħol ta’ manutenzjoni f’parti oħra ta’ Triq Aldo Moro u  Triq Diċembru 13, mil-lejla sa nhar il-Ħamis 8 ta’ Settembru 2016 bejn id-9.00 ta’ filgħaxija u l-5.00 ta’ filgħodu. It-triq ser tibqa’ aċċessibbli, fejn f’ċertu partijiet it-traffiku ser jgħaddi minn karreġġjata waħda biss. Sewwieqa mitluba jsuqu b’attenzjoni u jsegwu l-istruzzjonijiet tal-uffiċċjali.

Intant ix-xogħol fi Triq ix-Xatt Tal-Pieta’ ser jitkompla illejla kif avżat.

 

 

 

Send this to a friend