Fiequ 120 persuna mill-Covid-19 u feġġew 48 każ

Fl-aħħar sigħat fiequ 120 persuna mill-Coronavirus f’pajjiżna u feġġew 48 każ minn fost 3,508 testijiet, biex bħalissa hawn 1,134 każijiet attivi.

B’kollox fiċ-ċentri tal-ittestjar saru 1,110,077 test.

Ingħataw ukoll 770,496 doża tal-vaċċin. Minnhom, 403,261 persuna ħadu l-ewwel doża u 392,100 huma kompletament imlaqqma.

L-awtoritajiet tas-saħħa ħabbru li hemm 36 persuna pożittiva għall-COVID-19 li qed jieħdu l-kura fl-Isptar Mater Dei, b’4 minnhom fit-Taqsima għall-Kura Intensiva.

Qalu wkoll li l-età medja tal-każijiet tal-Ħamis kienet ta’ 38 sena.

Fl-aġġornament tal-lum ma ġew irrappurtati l-ebda mwiet b’rabta mal-COVID-19.

“Appell b’saħħtu favur ċertifikazzjoni Covid-19 Ewropea għall-ġid tal-ħaddiema Maltin u Għawdxin” – Cyrus Engerer

“Wasal iż-żmien biex il-ħaddiema u n-negozji ż-żgħar Maltin u Għawdxin jingħataw is-serħan il-moħħ mill-Unjoni Ewropea li se tkun qiegħda tagħmel minn kollox biex fl-iqsar żmien possibbli jerġa’ jibda ċ-ċaqliq ħieles bejn l-Istati Membri tal-Unjoni Ewropea b’mod sigur,” qal dan il-Membru Parlamentari Ewropew tal-Partit Laburista Cyrus Engerer waqt li kien qiegħed jindirizza laqgħa tal-Grupp tas-Soċjalisti u d-Demokratiċi dwar il-proposta tal-Kummissjoni Ewropea għat-tnedija ta’ ċertifikat diġitali Ewropew dwar it-tilqim kontra l-virus Covid-19.Aqra aktar

Send this to a friend