Pajjiżna se jkollu titjiriet għal 19-il pajjiż

Pajjiżna mistenni jiftaħ it-titjiriet minn u lejn 19-il pajjiż.

Dan tħabbar mill-Ministru għat-Turiżmu Julia Farrugia Portelli, il-Ħadd filgħaxija waqt programm fuq ix-xandir tal-istat.

Farrugia Portelli aċċennat li l-ajruport se jkun qed jinfetaħ fl-1 ta’ Lulju wara li l-Gvern tkellem mal-awtoritajiet tas-saħħa.

Qalet li dawn il-pajjiżi, li imbagħad jistgħu jiżdiedu, se jitħabbru fis-sigħat li ġejjin.

Spjegat li qed isir diversi xogħol anki fuq livell diplomatiku wara li qabel il-Gvern kien qed iħares lejn dawk imsejħa bħala “safe corridors” u li issa minn dakinhar, il-lista tal-pajjiżi żdiedet.

Waqt il-programm Insights, il-Ministru għat-Turiżmu qalet li fl-ajruport se jkunu qed jittieħdu l-prekawzjonijiet kemm fis-sala tat-tluq u anki tal-wasliet, fosthom fejn iċ-check-ins isiru b’mod virtwali, tinżamm id-distanza soċjali eżatt qabel tirkeb l-ajruplan u anki titieħed it-temperatura qabel ittir u anki mal-wasla.

Spjegat ukoll li fuq l-ajruplan se jintlibsu l-maskri.

Mistoqsija jekk hux se tinżamm kwarantina għal kull min jiġi f’Malta, il-Ministru Farrugia Portelli kienet ċara u qalet li dan ma jagħmilx sens għaliex stajna nħallu l-ajruport magħluq.

Siefer in-Norveġja għal ġimgħa sħiħa b’€50

Żmien ilu ħafna, is-safar kien jitqies bħala lussu u kienu jsiefru biss dawk in-nies biex ngħid hekk sinjuri u li jaffordjaw vaganza f’xi pajjiż ieħor. Illum il-ġurnata hawn min jaffordja jsiefer kull xahar, anzi tkun essenzjali li taqta’ minn pajjiżek, meta l-ħin u ż-żmien jippermettu naturalment. Aqra aktar

Is-safar tal-Maltin jiżdied b’mod sinifikanti

Aktar minn 158,000 Malti u Maltija siefru lejn pajjiż ieħor fit-tieni kwart tas-sena.

Statistika tal-Uffiċċju Nazzjonali tal-Istatistika turi żieda ta’ tmienja punt tnejn fil-mija fis-safar tal-Maltin bejn April u Ġunju ta’ din is-sena meta mqabbel mal-istess perjodu tas-sena l-oħra. Aqra aktar

Sifirna aktar dan is-sajf!

Statistika tal-Uffiċċju Nazzjonali tal-Istatistika wriet li matul dan is-sajf, il-Maltin siefru aktar. Dan meta mqabbel mal-perjodu ta’ bejn Lulju u Settembru tas-sena l-oħra.

Kienu kważi 200,000 dawk li ħallew il-gżejjer Maltin matul it-tielet kwart tas-sena. Żieda ta’ 16.2% meta mqabbel mal-istess perjodu tal-2017.Aqra aktar

Send this to a friend