Fl-aħħar sigħat komplew jaslu f’idejn ONE News aktar messaġġi li ġew illikjati minn gruppi ta’ Whats App tal-Partit Nazzjonalista.
Din id-darba ONE News jista’ jiżvela messaġġi li ġew illikjati mill-grupp “Kap Retweeters”. Kif jixhed l-isem tal-grupp, il-grupp jintuża minn dawk il-persuni qrib l-Kap Nazzjonalista Adrian Delia, sabiex ixerrdu propaganda tal-Kap.Aqra aktar
L-amministrazzjoni tal-Partit Nazzjonalista żiedet bi 11% il-pagi tagħha tul is-sena li għaddiet. Dan jirriżulta minn analiżi li analisti finanzjarji għamlu tal-kontijiet tal-Partit Nazzjonalista ppreżentati lill-Kummissjoni Elettorali. L-analiżi kienet ippubblikata fil-gazzetta KullĦadd.Aqra aktar
Id-diskors lill-partitarji nazzjonalisti dwar id-dejn tal-partit irid ikun mgħarbul sew sostnew magħna imkejjen fid-Dar Ċentrali.
Għax jirriżulta li d-dejn li deher li kien ikkontrollat minn naħa intefa fuq naħa oħra. Il-Partit Nazzjonalista tefa dejn fuq il-kumpaniji tiegħu biex id-diskors ta’ Simon Busuttil dwar kemm tejjeb il-qagħda finanzjarja fil-verita jiswa ftit li xejn.
Meta fil-Qorti komplew jinstemgħu l-proċeduri b’rabta maż-żewġ siġġijiet żejda li ngħata l-Partit Nazzjonalista rriżulta li s-Segretarju Ġenerali tal-Partit Nazzjonalista, Rosette Thake, ma kienet involuta xejn fin-negozjati ta’ kolazzjoni bejn il-Partit Nazzjonalista u l-Partit Demokratiku.
Wara 24 siegħa li saret akkuża mill-aktar serja li kumpanija kienet qed tħallas il-pagi tas-Segretarju Ġenerali u CEO tal-Partit Nazzjonalista, l-istess partit ħareġ b’attentat ta’ spjegazzjoni falza ħafna. 24 siegħa ta’ silenzju li jgħidu aktar minn din it-tweġiba falza.
Dan qalu l-Partit Laburista fi stqarrija. Il-Partit żied jgħid:
Tard illejla l-grupp DB, li se jinvesti fuq is-sit tal-ITS ireaġixxa, għal diskors ta’ Simon Busuttil waqt maratona ġbira ta’ fondi iktar kmieni llum u żvela għall-ewwel darba li wara li Simon Busuttil sar Kap tal-Partit Nazzjonalista l-grupp kien qed iħallas is-salarji tas-Segretarju Ġenerali Rosette Thake u l-Kap Eżekuttiv tal-Partit Nazzjonalista, Brian St John.
Fi stqarrija, l-grupp ikkonferma li wara l-attakk fuqhom li sar dalgħodu kitbu lil Simon Busuttil u qallu li qed jitolbu laqgħa urġenti miegħu biex il-Partit Nazzjonalista irodd lura dak kollu li l-grupp ġie mitlub iħallas matul iż-żmien. Qalu li huma qatt ma talbu pjaċiri mill-Partit Nazzjonalista.
Fil-paniku li għandu bħalissa l-Partit Nazzjonalista qed ikompli jinqabad fil-gideb tiegħu stess, tant li spiċċa minn ġot-taġen għal ġon-nar, għax issa sar magħruf li jeżistu djun oħra ma’ Zaren Vassallo li jkomplu jqajjmu aktar dubji u suspetti.
Fl-istess ħin li l-Partit Nazzjonalista nieda l-iskema ċedoli biex jissellef il-flus u jibdel f’ċedoli dejn li diġa’ jeżisti l-uffiċjali tiegħu qed jibqgħu ma jridux jgħidu kemm għandu dejn il-partit. F’intervista ma’ The Malta Independent, il-President tal-Eżekuttiv u l-moħħ wara l-iskema, Ann Fenech qalet li : “din mhix xi ħaġa li nista’ ngħid. Hija figura interna u ma nistax ngħid kemm hi.”
Aqra aktar
Jum wara jum u ġimgħa wara ġimgħa kollox jibqa’ jsir kif jiżvelaw l-imkejjen ta’ ONE NEWS mid-Dar Ċentrali. Kien fit-tmienja ta’ Awwissu li one.com.mt żvela li se jibdew sensiela ta’ artikli favur il-kap biex itaffu l-kritika u hekk qed jiġri.Aqra aktar
• Twissi dwar dak li jidher konkors ta’ għażla tal-ġudikant
Il-Qorti ma’ laqgħetx it-talba tal-Partit Nazzjonalista biex jinbidel Imħallef fil-kawża li l-Partit Nazzjonalista qed jagħmel kontra l-awtoritajiet b’rabta mal-avviż legali li jirregola l-billboards fit-toroq.
Il-Partit Nazzjonalista lmenta għaliex skont hu fi stadju ieħor tal-proċeduri il-ġudikant għamel “pronunzjament kategoriku” li bih “il-ġustizzja żgur mhux ħa tidher li qed issir.” Għall-Partit Nazzjonalista, irrappreżentat mill-ogħla uffiċjali, huwa superfiċjali li jinstemgħu l-provi.Aqra aktar
Send this to a friend