puttinu – Page 2 – One News

Notifiki

FILMAT: ELUF jimxu mill-Mellieħa sal-Isla b’risq Puttinu

Fis-sigħat bikrin tal-Ġimgħa l-Kbira, eluf ingħaqdu għall-mixja b’risq Puttinu. F’lokalitajiet differenti madwar pajjiżna n-nies jinġabru għal xi pageant, jitilgħu s-salib tal-għolja u jduru l-knejjes biex jagħmlu l-visti iżda kien hemm dawk li għażlu li mis-2.00 ta’ filgħodu jibdew il-mixja li ta’ kull sena tiġbor ammont sabiħ ta’ flus għal Puttinu.

Aqra aktar

Mill-uffiċini għall-parkeġġ jaħslu l-karozzi b’risq Puttinu

Minn ġranet impenjativi fl-uffiċċini tal-Awtorità tal-Ipjannar għal ġurnata ta’ ħasil ta’ karozzi għal għan nobbli.

L-Erbgħa filgħodu, il-Kap Eżekuttiv tal-Awtorità tal-Ippjanar, Johann Buttigieg, flimkien mat-tmien Diretturi u assistenti Diretturi ħaslu l-karozzi tal-impjegati tal-istess awtorità.

B’kollox inħaslu aktar minn ħamsa u tlettin karozza.

Aqra aktar

Kaċċaturi jgħinu lil Puttinu fl-Aħrax tal-Madonna tal-Mellieħa

Nhar il-Ħadd li ġej, kull min qed ifittex attività għall-familja jista’ jżur l-Aħrax tal-Madonna tal-Mellieħa. Hemm se jkun hemm bost affarijiet x’wieħed jista’ jagħmel mill-għaxra ta’ filgħodu ‘l quddiem. Fosthom jista’ jduq l-ikel li se jkun hemm eżebit, jipparteċipa fit-taħwil ta’ siġar, jieħu lit-tfal għal pony rides, fuq bouncing castles, għal sumo wrestling…insomma l-attivitajiet huma bosta. Hemm anke falkunerija u wirjiet tal-klieb għal min hu dilettant.

Dan kollu b’risq Puttinu Cares. Ta’ min jgħid li għall-kaċċaturi Melleħin, din se tkun it-tieni darba li se jorganizzaw l-attività, wara li l-maltemp sfratta kollox meta kellha ssir oriġinarjament. Għalhekk din id-darba l-ħeġġa sabiex l-attività tirnexxi hija kbira.

Aqra aktar

Kif il-figolli ta’ dawn l-istudenti se jgħinu lill-Puttinu

Il-Ministru għall-Familja u Solidarjetà Soċjali Michael Farrugia żar il-fabbrika Neriku Caterers f’Kordin fejn iltaqa’ ma’ grupp studenti u l-għalliema tagħhom illi bħalissa jinsabu impenjati jżejnu l-figolli.

Din hija inizjattiva li daħlet fil-kalendarju ta’ kull sena għall-Kulleġġ San Nikola ta’ Ħad-Dingli fejn permezz tal-bejgħ tal-figolli l-qliegħ imur kollu għal Puttinu Cares.
Aqra aktar

Se jgħinu bil-figolli

Għas-sitt sena, l-iskola sekondarja ta’ Ħad-Dingli, parti mill-kulleġġ San Nikola, għandha proġett mimli eċitament għall-istudenti tagħha. Se jagħmlu l-figolli b’risq it-tfal li għandhom bżonn l-għajnuna. Il-Figolla Challenge saret avveniment li ħafna studenti jistennew. L-istudenti jaħdmu id f’id ma’ Neriku Caterers u jitgħallmu kif isir dan it-tip ta’ ħelu tradizzjonali Malti, li wara jkun ippreżentat għall-bejgħ fid-daħla tal-Ministeru għall-Familja u Solidarjetà Soaċjali, f’Palazzo Ferreria li jinsab fi Triq ir-Repubblika l-Belt Valletta.

B’hekk l-għan huwa doppju; igawdi Puttinu u tradizzjoni Maltija tinżamm ħajja wkoll.

Kull min mhux bi ħsiebu jagħmel il-figolli hu din is-sena, almenu jista’ jiżgura ruħu li l-figolli li se jixtri se jmorru għal għan nobbli.

Aqra aktar

Għala ddeċieda jisfrakassa ktieb u kif se tgħin lit-tfal bil-kanċer

Mhix biċċa xogħol faċli. Anzi, trid saħħa fenomenali. Din hi t-tip ta’ saħħa li għandu Tony Farrugia, li qed idawwar dan il-filmat biex juri li qed jipprepara għal nhar il-Ħadd li ġej.

Nhar it-12 ta’ Marzu se ssir attività b’risq it-tfal morda bil-kanċer u Puttinu Cares.  Farrugia se jkun qed jagħti wirja bħala parti mill-“All German Car Show in Aid of Puttinu”, li se ssir fil-pjazza tal-Mellieħa bejn id-09:00 u s-13:00.

Dan huwa eżempju ta’ kif it-talenti li jkollok, f’dak il-każ saħħa kbira, tista’ tintuża għal għan tajjeb…l-intenzjoni kollox!

Aqra aktar

Il-memorja ta’ Mark u l-imħabba lejn it-trakkijiet tfisser ġabra ta’ €3,510 b’risq Puttinu

F’Novembru ħabbarna li f’għeluq it-tielet sena mill-mewt ta Mark Gauci, b’xewqa ta’ ħafna ħbieb li kienu midħla tiegħu fis-sewqan tat-trakkijiet, saret dawra ma’ Malta bit-trakkijiet.

Mark Gauci kien żagħżugħ Mellieħi ta’ 27 sena, li miet fl-2013 wara inċident f’barriera, limiti tal-Imġarr. Konna għedna li d-donazzjonijiet kollha miġbura kienu se jmorru għal Puttinu Cares.

Fi stqarrija, l-organizzatur Dario Vella qal li s-somma li nġabret  tammonta għal €3,510.

“Somma sabiħa ħafna u minn qalbna nixtiequ nirringrazzjaw lil kumpaniji kollha li kienu nvoluti f din l-attività u li anke offrew it-trakkijiet tagħhom flimkien ma’  donazzjoni. Grazzi lit-taqsima tal-Puluzija tat-traffiku li kkordinaw b’mod professjonali ghall-ahhar din l-attività” qal Dario, filwaqt li rringrazzja numru ta’ nies li għenu biex il-memorja ta’ Mark tibqa’ ħajja u tibqa’ tagħmel ġid.

FILMAT: Tax-Xatt “wieqfa” għal Puttinu

Ħaddiema tax-xatt 25B waqfu għal ftit minuti għall-isfida popolari li tissejjaħ il-manequin challenge. Sfida mhux tas-soltu li waslet biex tinġabar somma ta’ flus għal Puttinu.
Din l-isfida tara lill-parteċipanti jieqfu tal-post u ma jiċċaqalqux fejn b’kanzunetta għaddejja fl-isfond il-kamera tibda ddur madwar kull parteċipant.

Send this to a friend