Notifiki

Il-PM jgħid li l-Gvern se jerfa’ r-responsabilità tal-implimentazzjoni tar-rakkomandazzjonijiet tal-inkjesta pubblika

Il-Prim Ministru Robert Abela saħaq li l-Gvern se jerfa’ r-responsabilità tal-implimentazzjoni tar-rakkomandazzjonijiet tal-inkjesta pubblika.

F’konferenza tal-aħbarijiet fil-berġa ta’ Kastilja, il-Prim Ministru tkellem dwar ir-rapport tal-inkjesta pubblika dwar il-qtil ta’ Daphne Caruana Galizia u qal kif it-talba tiegħu biex ir-rapport ikun diskuss il-Ħamis filgħodu fil-Parlament, ġiet milqugħa.

Aqra aktar

Il-PM jinawgura l-proġett tax-xatt ta’ Marsalforn

Il-Prim Ministru Robert Abela inawgura l-bini mill-ġdid tax-xatt ta’ Marsalforn f’Għawdex, li b’investiment ta’ tliet miljun ewro, issa jista’ jitgawda mill-familji mingħajr karozzi.

F’dan il-proġett, ix-xatt inqala’ mill-qiegħ u sarlu tisbiħ estensiv, fl-istess waqt li solva l-problema tal-ilma baħar meta kienet tagħmel ix-xita jew ikun riħ qawwi, bil-bini ta’ culverts ġodda.

Tbiddlu wkoll servizzi relatati mal-ilma u d-drenaġġ u sar il-pavimentar fit-toroq prinċipali kollha: ta’ Triq il-Port, Triq il-Forn, Triq San Ġużepp, Triq ir-Rabat u Misraħ Sir Michelangelo Refalo.

Jikkumplimenta x-xatt ta’ Marsalforn sar ukoll il-bini mill-ġdid tal-moll fil-Menqa li qed jagħti servizz aħjar lis-sajjieda.Aqra aktar

Send this to a friend