PL – One News

Notifiki

Approvata b’mod unanimu l-mozzjoni biex jinbidel l-istatut tal-PL sabiex jinħatar id-Deputat Mexxej għall-Affarijet tal-Partit

Ftit tal-ħin ilu, il-Konferenza Ġenerali tal-Partit Laburista approvaw mozzjoni mressqa mill-Eżekuttiv Nazzjonali sabiex jiskatta mekkaniżmu għall-bidla fl-istatut dwar il-kariga ta’ Deputat Mexxej għall-Affarijiet tal-Partit Laburista, sabiex min jinħatar f’din il-kariga ma jkunx membru parlamentari u ma jikkontestax l-elezzjoni ġenerali sa sentejn wara li jirriżenja minn din il-kariga. Aqra aktar

Kundanna oħra għal Jason Azzopardi – Il-PL

Għal darb’oħra, id-deputat Nazzjonalista Jason Azzopardi reġa’ nstab ħati li abbuża mill-privileġġ parlamentari fl-ogħla istituzzjoni tal-pajjiż meta għamel allegazzjonijiet qarrieqa u mill-aktar gravi, qal dan fi stqarrija l-Partit Laburista. Aqra aktar

Deċiżjoni biex Konrad Mizzi ma jibqax parti mill-grupp parlamentari tal-PL

F’laqgħa konġunta tal-Eżekuttiv Nazzjonali u l-Grupp Parlamentari Laburista li saret it-Tlieta filgħaxija fiċ-Ċentru Nazzjonali Laburista, ġie deċiż li b’effett immedjat, id-Deputat Konrad Mizzi ma jibqax jifforma parti mill-Grupp Parlamentari Laburista.

Din id-deċiżjoni ttieħdet wara vot sigriet għall-mozzjoni li ressaq il-Prim Ministru u Mexxej tal-Partit Laburista, Robert Abela.

F’dan il-vot sigriet, kien hemm 71 vot favur, vot wieħed biss kontra u astenzjoni waħda.

Il-Prim Ministru Robert Abela stqarr: “Id-deċiżjoni li ttieħdet mill-Eżekuttiv flimkien mal-Grupp Parlamentari hi dik li Konrad Mizzi mhux se jibqa’ jifforma parti mill-Grupp Parlamentari Laburista.”

Fi tmiem il-laqgħa, il-Prim Ministru ta l-kummenti lill-ġurnalisti u saħaq kif l-Eżekuttiv Nazzjonali u l-Grupp Parlamentari qed jieħdu deċiżjonijiet f’waqthom sabiex ma tiġix imtappna l-ħidma tal-Partit Laburista fil-Gvern.

Dr Abela qal: “Aħna llum issettjajna l-ogħla standards ta’ governanza, ta’ imġiba etika u tajba mill-aspett politiku u għaldaqstant id-deċiżjonijiet ittieħdu, id-deċiżjoni ttieħdet.”

Il-Prim Ministru spjega d-deċiżjoni li ttieħdet. Huwa sostna: “Il-pożizzjoni dwar Konrad Mizzi, id-deċiżjoni dwar Konrad Mizzi ttieħdet minħabba l-implikazzjonijiet illi kien hemm illi hu kellu konnessjonijiet mal-Panama Papers ma’ ta’ 17 Black. Fil-każ ta’ Joseph Muscat m’hemm ebda minn dawk l-allegazzjonijiet.”

Il-Prim Ministru qal li dan il-Gvern għad fadallu mandat b’saħħtu.

“Fadlilna sentejn li fihom irridu nagħmlu ħafna u ħafna ġid għal poplu tagħna”, saħaq il-Prim Ministru.

 

Jitlaqqa’ l-eżekuttiv tal-PL biex jiddiskuti bidla fl-istatut

Fiċ-Ċentru Laburista ta’ Marsaxlokk qed jitlaqqa’ l-eżekuttiv tal-Partit Laburista fejn qed tiġi diskussa l-possibilità ta’ bidla fl-istatut biex il-kariga ta’ Deputat Mexxej għall-Affarijiet tal-Partit timtela’ minn persuna li ma tkunx Membru Parlamentari ħalli tkun iffukata biss fuq il-ħidma tal-Partit. Aqra aktar

Aġir kundannabbli minn Oppożizzjoni immatura

L-Oppożizzjoni għażlet li tabdika mir-responsabbilitajiet tagħha billi tibbojkottja l-proċess ta’ skrutinju li sar illum fil-Kumitat Parlamentari tal-Ħatriet Pubbliċi fil-konfront tan-nominat għall-kariga ta’ Kummissarju tal-Pulizija, is-Sur Angelo Gafà. Aqra aktar

Send this to a friend