Sal-aħħar ta’ din is-sena hu mistenni li kull passaport validu jkun biometriku.
Dan se jagħmilha possibli biex filwaqt li tiżdied is-sigurtà ta’ dan id-dokument tant importanti, iċ-ċittadini Maltin ikunu jistgħu jużaw faċilitajiet awtomatiċi f’diversi ajruporti internazzjonali. Aqra aktar
Barranin li jistgħu joffru kontribut siewi fl-oqsma tax-xjenza, ir-riċerka, l-isport, l-arti u il-qasam tal-kultura se jkunu jistgħu jsiru ċittadini Maltin.
Meta ntroduċa l-Abbozz ta’ Liġi li jemenda l-Att dwar iċ-Ċittadinanza Maltija, l-Ministru għall-Ġustizzja Owen Bonniċi qal li din il-liġi qed iddaħħal triq oħra biex isiru Maltin dawk il-barranin li jgħollu l-livell f’dawn l-oqsma.
Biex ikunu eliġibbli, dawn il-barrani jridu jkun wettqu servizzi eċċezzjonali għar-Repubblika ta’ Malta jew lill-umanità, jew li n-naturalizzazzjoni tiegħu hi ta’ interess eċċezzjonali għar-Repubblika ta’ Malta.Aqra aktar
Serb ta’ 41 sena kien ikkundannat disa’ xhur ħabs sospiżi għal sentejn wara li ammetta li daħal Malta b’dokumenti foloz.
Huwa wasal Malta l-Ġimgħa b’titjira mill-Bulgarija u mill-ewwel kontrolli tal-Pulizija tal-Immigrazzjoni rriżulta li kellu dokumenti foloz.
Id-Difiża irrimarkat li l-akkużat ikkollabora mill-ewwel mal-awtoritajiet u ammetta fi stadju bikri. Qalet ukoll li lest iħalli Malta immedjatament jekk il-Qorti tikkundannah għal sentenza sospiża.
Huwa se jinżamm taħt detenzjoni sakemm jaqbad titjira lura lejn pajjiżu l-Ħadd.
Fi tliet każi separati, tliet irġiel tressqu l-Qorti akkużati bil-pussess ta’ dokumenti foloz.
Il-passaporti foloz kienu interċettati waqt kontrolli fl-ajurport f’mument fejn l-arranġament taż-Żona Schengen huwa temporanjament sospiż. Dan minħabba s-summit li se jsir f’pajjiżna l-ġimgħa d-dieħla.
Frank Agyei, li għandu 19-il sena u li ġej mill-Ghana ngħata senteza ta’ tliet xhur priġunerija sospiżi għal sena, wara li ġie akkużat li kellu dokument tal-ivjaġġar u karta tal-identità foloz.
Il-ġuvni għandu permess tar-residenza Taljana u nqabad b’dawn id-dokumenti mal-wasla tiegħu hawn Malta, meta kien għadu fl-Ajruport Internazzjonali ta’ Malta.
Meta Prim Ministru Ungeriż Viktor Orbán jiddiskuti l-immigrazzjoni, ma tantx iżomm lura fi kliemu, sakemm m’hemmx fin-nofs il-flus. Hekk josserva l-ġurnal Politico.
Orbán tkellem b’saħħa dwar il-migrazzjoni, tant li sejjaħ referendum dwar l-iskema tal-kwoti kontroversjali tal-Unjoni Ewropea għar-rilokazzjoni tar-refuġjati. Jemmen fil-“kontroll totali” tal-fruntieri esterni tal-Unjoni kif ukoll fil-ħolqien ta’ “belt ġganteska għar-refuġjati” fil-Libja biex jiġu proċessati talbiet għall-ażil.
Fl-istess ħin Budapest qiegħda toffri permessi ta’ residenza lil ċittadini li ġejjin barra mill-Unjoni Ewropea. Qiegħda toffri aċċess bla viża għal żoni Schengen tal-Unjoni Ewropea, għas-somma ta’ €300,000 minfuqa fuq bonds li nħolqu apposta mill-Gvern Ungeriż.
Libjan intbagħat sitt xhur ħabs wara li prova juża l-passaport ta’ xi ħadd ieħor. Il-każ seħħ nhar il-ħadd meta fic-check in tal-ajruport il-Libjan wera passaport li ma kienx tiegħu. Wara li ħarab għal darba tnejn il-mistoqsija diretta jekk l-akkuża kontrih hijiex minnha, l-Libjan wieġeb li ma kienx jaf li ma tistax tuza l-passaport ta’ ħaddiehor.
Send this to a friend