Partit Nazzjonalista – Page 3 – One News

Notifiki

Jgħajjarhom primadonni u b’ossessjoni ta’ mibegħda

Fil-jum li l-Kunsill Ġenerali tal-Partit Nazzjonalista tlaqqa’ biex jiftaħ it-triq għall-konferma tal-Kap jew elezzjoni ġdida għat-tmexxija tal-partit, esponenti miż-żewġ fazzjonijiet użaw il-gazzetti biex iwasslu l-messaġġi tagħhom u jinfexxu f’tgħajjir lejn xulxin.

Fuq l-Independent, Edwin Vassallo sejjaħ lil dawk kontra Delia bħala prima donnas li ma joqogħdu għal ħadd, lanqas għal Kap li ntgħażel b’mod leġittimu.

Aqra aktar

Arrigo jikkampanja għal Delia flok imur jivvota fil-Parlament

Il-Viċi Kap Nazzjonalista Robert Arrigo nhar l-Erbgħa ma marx il-parlament jivvota favur sitt liġijiet li ressaq il-Gvern immirati li jagħmlu r-riformi fil-ġudikatura, tisħiħ fis-saltna tad-dritt u l-governanza t-tajba.

Minflok mar għal dan il-vot storiku, Arrigo għażel li jmur jikkampanja għal Adrian Delia sabiex il-kunsilliera jagħżlu li jmorru biex it-tesserati jivvotaw għal vot ta’ fiduċja f’Adrian Delia.

Fuq it-Times ġie rappurtat li d-deputati Nazzjonalisti li sfiduċjaw lil Adrian Delia kienu irritati bin-nuqqas ta’ vot ta’ Arrigo.

Insistew li dan ma kienx il-mument li Robert Arrigo iġib l-interess tal-partit qabel l-interess tan-nazzjon.

Iżda mat-Times ukoll Arrigo qal li vot kien se jittieħed fis-sebgħa ta’ filgħaxija iżda kellu zewġ attivitajiet politiċi fil-ħamsa u fis-sebgħa u nofs ta’ filgħaxija. Qal li fl-aħħar minuta l-vot mexa għas-sitta ta’ filgħaxija u Arrigo ma kienx fil-Parlament, iżda kien għaddej b’attivitajiet politiċi.

Arrigo qal li hu għamel sagħtejn sħaħ il-parlament, fl-aħħar ġurnata ta’ ħidma parlamentari qabel mal-parlament aġġorna għal vaganzi tas-sajf.

Ma kienx biss Robert Arrigo li ma ivvotax f’dan il-vot storiku. Id-deputat nazzjonalista Claudio Grech ma ivvutax minħabba li kien imsiefer u Stephen Spiteri m’attendiex għal raġunijiet mediċi.

Fredrick Azzopardi wkoll m’attendiex hekk kif mhux jattendi l-parlament minħabba li jinsab ma jiflaħx.

Eks kaxxier tal-PN jiftħilha kontra dawk li għamlu bsaten fir-roti lill-Kap

Dak li fi tliet snin taħt it-tmexxija ta’ Adrian Delia, għamel sena u nofs kaxxier tal-Partit Nazzjonalista fetħilha kontra dawk li deherlu li għamlu bsaten fir-roti lill-Kap.

David Camilleri, li missieru kien jaħdem bħala stampatur fl-istamperija espona l-gravità tal-ġlied u l-intriċċi fil-Partit Nazzjonalista fejn fazzjoni ma tiflaħx lill-oħra.

Aqra aktar

Illejla jissokta Kunsill Ġenerali jaħraq fl-isfond ta’ intriċċi kbar li qed iseħħu fil-PN

Illejla jitlaqqa’ Kunsill Ġenerali ieħor tal-Partit Nazzjonalista fl-eqqel tal-kriżi u l-inkwiet intern fil-partit f’tal-Pietà.

Il-membri tal-ogħla oragnu tal-Partit Nazzjonalista qed jiġu mitluba jagħżlu jekk it-tesserati jivvutaw vot ta’ konferma tal-Kap Adrian Delia jew issirx tellieqa oħra għal Kap tal-partit.

Iż-żewġ fazzjonijiet, jiġifieri dik ta’ Delia u ta’ Simon Busuttil qed jimbuttaw għażliet differenti fost il-kunsilliera.

Aqra aktar

Send this to a friend