parlament – Page 11 – One News

Notifiki

REKORD ta’ viżitaturi f’siti storiċi Maltin – 1.3 miljun

Il-Ministru għall-Kultura Owen Bonnici ħabbar li s-sena l-oħra, inkiser ir-rekord tan-numru ta’ viżitaturi fis-siti storiċi: 1,287,585. Dawn iġġeneraw l-akbar ammont ta’ flus fi dħul għal Heritage Malta.

Huwa qal li dan id-dħul għamel tajjeb għat-telf li sofriet Heritage Malta wara li ngħalaq il-Palazz tal-President minħabba l-Presidenza Ewropea u mill-għeluq tal-Ipoġew ta’ Ħal Saflieni sakemm sar ir-restawr.

Aqra aktar

De Marco jitlob skuża

“L-aktar ħaġa faċli fil-ħajja hija li ninjoraw l-eżistenza ta’ bidla u rrid ngħid li l-partit li jiena kburi li nifforma parti minnu ukoll forsi ħass dan it-toqol. U dawn it-toroq fil-passat żammewna lura milli ngħixu b’pass aktar determinat u mgħaġġel sabiex ngħarfu din il-bidla.

“Ta’ dan, jien irrid nitlob skuża!”

Kliem id-deputat kap tal-oppożizzjoni Mario de Marco il-bieraħ fil-parlament waqt id-diskussjoni dwar l-Abbozz ta’ Liġi li jemenda l-Att dwar iż-Żwieġ u liġijiet oħrajn.

Aqra aktar

L-aqwa ċerimonja? Għid tiegħek!

“Nibqgħu nagħmlu l-istess ċerimonji, bl-istess protokol li qatt ma’ jiġi ddubitat, biex nqattgħu jum jew tnejn nikkummentaw u niżżufjettaw fuq l-ilbiesi, ingravajjet u kpiepel”.

Dan kitbu l-perit Daniel Micallef, President tal-Partit Laburista, wara ċ-ċerimonja li mmarkat il-ftuħ tat-tlettax-il Parlament Malti.

Aqra aktar

Illum l-ewwel seduta Parlamentari

Illum d-deputati parlamentari tal-leġislatura l-ġdida jiltaqgħu għall-ewwel seduta parlamentari tagħhom. One News tkellem mal-whip tal-Gvern Byron Camillieri li spjegalna x’hemm fuq l-aġenda Parlamentari għall-ġimgħat li ġejjien.

Fost l-oħrajn hemm l-approvazzjoni tal-estimi finanzjari tal-entitajiet tal-gvern għall-elfejn u sbatax.
Aqra aktar

Mill-ġdid fin-nofs tal-kamra

Anġlu Farrugia, se jerġa’ jkun il-President tal-Kamra tar-Rappreżentanti. Fl-aħħar leġiżlatura daħal b’ruħu u b’ġismu għal dan l-irwol u jekk wieħed jista’ jkun kritiku tiegħu f’ċerti aspetti żgur ħadd ma jista’ jgħid li ma ħax dan l-irwol bis-serjetà. Fil-bidu ta’ leġiżlatura ġdida l-gazzetta KullĦadd tkellmet miegħu dwar dak li nkiseb fl-aħħar ħames snin u dak li rridu għal li ġej.

Fl-aħħar leġiżlatura int kont l-ewwel speaker full time wara ħafna snin. Hekk beħsiebek terġa’ tkun fiż-żmien li ġej?

Għall-ewwel domanda nista’ nwieġeb mal-ewwel; Iva, jien kont l-ewwel Speaker full-time minn l-Indipendenza ’l hawn matul it-12-il Leġiżlatura, li jien ippresedejt bejn l-2013 u l-2017, preċiżament sal-1 ta’ Mejju 2017 meta l-Parlament ġie xolt. Ċertament se nerġa’ nkun Speaker full-time għat-13-il leġiżlatura wkoll.

Aqra aktar

Deputati tal-PN mhux komdi bil-bidla fil-liġi taż-żwieġ… grupp Parlamentari jaħraq

Għalkemm fil-grupp Parlamentari tal-Ġimgħa diskussjoni dwar il-koalizzjoni kienet waħda skomda, l-ikbar dibattitu kien dwar il-liġi taż-żwieġ. Fil-grupp Parlamentari Nazzjonalista kien hemm min qal lil Busuttil li bħal-ftehim tal-koalizzjoni hu ddikjara vot favur il-liġi taż-żwieġ bejn persuni tal-istess sess mingħajr ma kien jaf x’se jkun propost.

Fil-fatt il-grupp Parlamentari ħaseb li se jkun hemm bidla biss fl-isem tal-unjoni ċivili imma l-Gvern ippropona bidla fl-att dwar il-liġi taż-żwieġ. Għax inkella kienet tinħoloq sitwazzjoni fejn ikunhemm żewġ liġijiet taż-żwieġ. Deputati Nazzjonalisti xejn mhuma komdi b’dan, anke jekk aċċettaw li jivvutaw iva. Kienet il-gazzetta KullĦadd li żvelat dawn id-dettalji li tirrapporta dwarhom ukoll it-Times of Malta.

Aqra aktar

Programm ta’ Gvern għal poplu magħqud

Il-messaġġ ewlieni fil-programm tal-gvern kif moqri mill-President tar-Repubblika fil-ftuħ tat-tlettax il-Parlament kien li dak tagħna hu pajjiż li jrid jaħdem għall-għaqda.

Il-President Marie-Louise Coleiro Preca qalet “pajjiżna jista’ jimxi verament ’il quddiem, bħala poplu wieħed, bl-għaqda u fl-għaqda.”

Dan il-messaġġ il-gvern ħadu billi anke d-diskors li qrat il-President kien nieqes mill-kontroversja politika u saħansitra kien diskuss magħha. Il-messaġġ tal-gvern f’dan id-diskors kien ċar. Hemm bżonn li l-pajjiż ikun magħqud biex jimxi iktar ‘il quddiem.

Aqra aktar

LIVE: Illum jerġa’ jiftaħ il-Parlament

Illum isir il-ftuħ uffiċjali tal-Parlament għat-tlettax-il leġiżlatura fejn f’din l-okkażjoni l-jum jibda fid-9:00 ta’ filgħodu b’quddiesa mill-Arċisqof Charles Scicluna fil-Kon-Katidral ta’ San Ġwann fil-Belt Valletta.

Wara l-membri Parlamentari ġodda jmorru fil-Parlament fejn minn hemm jingħaqdu flimkien fil-Kamra tar-Rappreżentanti.

Aqra aktar

Claudette Buttigieg l-għażla tal-PN bħala Deputat Speaker… xejn għall-koppja Farrugia

Claudette Buttigieg se tkun id-Deputat Speaker tal-Oppożizzjoni filwaqt li David Agius se jkun qed jibqa’ bħala Whip.

Iż-żewġ kandidati eletti tal-PN-PD, Marlene Farrugia u Godfrey Farrugia, mhux se jkun qed ikollhom irwol fil-Parlament mal-Oppożizzjoni. Dan tħabbar fi stqarrija li ntbgħatet mill-Partit Nazzjonalista b’lista li turi l-irwoli fil-grupp Parlamentari tal-PN.

Aqra aktar

Send this to a friend