MFA – One News

Notifiki

Il-kampjonat tal-futbol se jibda inqas minn xahar ieħor wara l-bibien magħluqa

F’konferenza tal-Aħbarijiet, il-President tal-Assoċjazzjoni Maltija tal-Futbol, l-MFA Bjorn Vassallo, ħabbar li l-Kampjonat Premier se jkun qed jibda fil-11 ta’ Settembru li ġej, iżda bil-bibien magħluqa għall-partitarji.

Bjorn Vassallo ħabbar ukoll li l-Kunsill tal-Assoċjazzjoni ddeċieda li jekk fil-futur jerġa’ jiġri bħall-aħħar kampjonat u jkunu ntlagħbu ħamsa u sebgħin fil-mija tal-partiti u l-kampjonati jkollhom jieqfu ħesrem, il-klassifika tibqa’ tgħodd. Min-naħa l-oħra jekk ikunu ntlagħbu anqas minn dan il-perċentwal u l-kampjonati jkollhom jieqfu ħesrem, dawn jiġu abbandunati. Is-Sur Vassallo spjega wkoll li kemm il-darba matematikament ikun hemm diġà verdett din għandha tiġi rispettata.

Il-President ħabbar ukoll li l-MFA ħatret kummissjoni medika biex tevalwa s-sitwazzjoni preżenti tal-imxija u żied jgħid li l-logħob tal-klabbs Maltin fl-Ewropa se jintlagħbu  f’konformità mad-direttivi mediċi tal-UEFA.

Fl-istess konferenza tal-aħbarijiet tħabbar ukoll li l-eks uffiċjal internazzjonali Alan Mario Sant se jkun qed jinħatar bħala Chairman tal-Kumitat tar-referees tal-MFA.

Bjorn Vassallo għalaq billi qal li fil-pożizzjoni li qiegħed il-futbol bħalissa, bħal assoċjazzjonijiet oħra, l-MFA ma tistax tagħti garanziji li l-qafas ippjanat jinżamm għaliex dan jiddependi minn ħafna fatturi minħabba li s-sitwazzjoni hija fluwida ħafna.

L-MFA se tkun qed tiddependi ħafna mid-dħul finanzjarju internazzjonali jekk il-baġits finazjarji jiġux riveduti.

Tkellem ukoll is-Segretarju Ġenerali Angelo Chetcuti li qal li l-MFA bdiet taħdem għall-installazzjoni ta’ kameras speċjali li permezz tagħhom jintwerew l-partiti kollha jew fuq it-televiżjoni jew permezz ta’ live-streaming.

 

 

 

 

Vassallo seren u m’għandux indiema għax l-MFA eżegwit fir-rispett tar-regolamenti

Fi stqarrija li għamel ma’ ONE News, il-President tal-Assoċjazzjoni Maltija tal-futbol, l-MFA, Bjorn Vassallo saħaq li m’għandux l-iċken indiema dwar dak li eżegwit l-MFA matul l-aħħar ġimgħat permezz tal-istrutturi tagħha għaliex dak kollu li sar huwa fuq bażi ta’ fatti, evidenza u dejjem fir-rispett tar-regolamenti tal-MFA.

Aqra aktar

Il-clubs tal-futbol f’Għawdex iridu li jitwaqqfu l-Kampjonati

Il-clubs tal-futbol f’Għawdex ma jixtiqux li l-Kampjonati 2019/2020 ikomplu anke jekk l-awtoritajiet tas-saħħa jagħtu l-approvazzjoni tagħhom. Huwa mifhum li l-Assoċjazzjoni tal-futbol f’Għawdex marret b’din it-talba għand l-Assoċjazzjoni tal-futbol f’Malta fejn jidher li ser tkun qed tevalwa din ix-xewqa u b’kull probabilità taċċetta dak li jridu l-clubs f’Għawdex. Aqra aktar

Send this to a friend