metsola – One News

Notifiki

Metsola favur pajjiżi oħra, iżda kontra Malta!

It-Tnejn li għadda kellu jittieħed il-vot fuq it-tielet viċi president tal-Kumitat għal-Libertajiet Ċivili, il-Ġustizzja u l-Affarijiet Interni tal-Parlament Ewropew. Iżda, il-vot ma tteħidx. Dan għaliex kif il-Gazzetta kulħadd żvelat nhar il-Ħadd li għadda, l-ewroparlamentari Nazzjonalista, Roberta Metsola, baqgħet tippersisti li tressaq isem li hu meqjus mhux aċċettabbli.

Din hi t-tieni darba li l-vot kellu jkun pospost u l-kumitat baqa’ mingħajr it-tielet viċi president tiegħu, li issa ilu nieqes għal diversi xhur minħabba l-ebusija tar-ras ta’ Roberta Metsola.  Aqra aktar

Metsola tieħu biss 45 minuta biex tikxef dak li ntqal fil-magħluq

Id-Deputata Nazzjonalista tal-Parlament Ewropew Roberta Metsola ħadet biss 45 minuta biex kixfet dak li ntqal lilha, b’kunfidenzjalità fil-Parlament Ewropew, waqt seduta speċjali tal-grupp ta’ ħidma fi ħdan il-kumitat għal-libertajiet ċivili LIBE.

Dan il-grupp ta’ ħidma tlaqqa’ l-Erbgħa 11 ta’ Lulju biex jiddiskuti ma’ uffiċjali tal-Europol, tal-FBI u tal-Eurojust flimkien ma’ uffiċjali Maltin u Slovakki, iż-żewġ każijiet ta’ qtil tal-ġurnalisti Daphne Caruana Galizia u Jan Kruciak.

Din is-seduta saret bil-bibien magħluqa u l-prassi f’seduti bħal dawn huma li ma joħroġ xejn fuq dak li jkun intqal, peress li f’dawn is-seduti jkunu ngħataw dettalji sensittivi, speċjalment fuq il-każijiet tal-qtil taż-żewġ ġurnalisti.Aqra aktar

Metsola tinkixef f’Xarabank; għamlet emenda biex timmina lil Malta

 

Rapport dwar il-midja fl-Ewropa, li imkien ma kien isemmi lil Malta, saritlu emenda minn Roberta Metsola biex jiddaħħal isem pajjiżna f’dawl ikrah.

Dan kien żvelat waqt dibattitu f’Xarabank bejn Roberta Metsola u Miriam Dalli, bl-MEP tal-Partit Laburista tiżvela din l-emenda bħala prova oħra ta’ kif Metsola qiegħda kontinwament tipprova timmina lil Malta.Aqra aktar

Metsola tista’ titfagħha fl-aħħar b”sorpriża’

Roberta Metsola jaf titfa n-nomina tagħha għal Kap tal-PN illum, wara ġimgħat tgħid li mhix se tikkontesta l-kariga.

Sorsi fil-PN qalulna li wara li rat lil min ħareġ għall-kariga sal-lum, Metsola reġgħet bdiet tikkonsidra li tikkontesta. Fuq kollox imbottawha biex titfa’ isimha għal Kap biex ma jgħatux ċans lill-avukat Adrian Delia jirbaħ it-tiġrija.

Metsola hija l-għazla ta’ Busuttil u huwa sigriet magħruf li kien qed iħeġġiġha tikkontesta. Jekk filfatt tikkontesta b”sorpriza’, tkun hi dik li tiġi mbuttata fil-ġimgħat li ġejjin.

Jekk tiddeciedi li tgħamel din il-U-turn Metsola mistennija titfa’ n-nomina tagħha fis-sighat li ġejjin meta llum jagħlqu n-nomini għall-kariga ta’ Kap tal-PN.

METSOLA BI KSUR SFAĊĊAT TAR-REGOLI EWROPEJ

Il-każ ta’ frodi minn fondi Ewropej bil-kiri tal-uffiċini fid-Dar Ċentrali mhux l-uniku wieħed li jikser ir-regoli tal-Unjoni Ewropea mill-Membri tal-Partlament Ewropew tal-Partit Nazzjonalista.

Mill-2009 ‘l hawn, ir-regoli tal-Parlament Ewropew jgħidu li l-Membri Parlamentari Ewropej ma jistgħux iħaddmu magħhom persuni li jiġu minnhom.

Iżda meta wieħed iħares lejn il-lista tal-impjegati li tħaddem magħha l-Membru Parlamentari Ewropew Nazzjonalista Roberta Metsola, isib l-isem ta’ Matthew Tabone mniżżel bħala assistent akkreditat.

Matthew Tabone huwa r-raġel ta’ oħt l-istess Metsola, u b’hekk, il-Membru Parlamentari Ewropew Nazzjonalista qed tikser ir-regoli Ewropej.

Assistent akkreditat, bħalma huwa Matthew Tabone, jkun ibbażat f’wieħed mit-tliet postijiet ta’ ħidma tal-Parlament Ewropew, iġifieri Brussell, Lussemburgu jew Strasburgu.Aqra aktar

Metsola ddur Brussell titkellem kontra Malta

Il-Membru Parlamentari Ewropew tal-Partit Nazzjonalista Roberta Metsola ħadet l-irwol fi Brussel li ddur il-ġurnalisti u titkellem kontra l-Gvern Malti u kontra Malta biex tipprova timmina l-Presidenza ta’ tal-Kunsill tal-Ministri ta’ Malta.
Aqra aktar

Fi sforz biex jiġbru l-Kap

Jum wara jum u ġimgħa wara ġimgħa kollox jibqa’ jsir kif jiżvelaw l-imkejjen ta’ ONE NEWS mid-Dar Ċentrali.  Kien fit-tmienja ta’ Awwissu li one.com.mt żvela li se jibdew sensiela ta’ artikli favur il-kap biex itaffu l-kritika u hekk qed jiġri.Aqra aktar

Send this to a friend