Tħassib fuq xogħol ta’ skavar li qed isir biswit sit protett mill-UNESCO

Il-Gvern Messikan ikkundanna xogħol ta’ bini mhux awtorizzat li qed isir biswit il-belt antika ta’ Teotihuacán, viċin Mexico City.

Il-Kunsill Internazzjonali tan-Nazzjonijiet Magħquda dwar il-monumenti u s-siti storiċi qal li l-gaffi fuq is-sit qed jippreżentaw theddida għal madwar seba’ tomniet ta’ art fuq is-sit protett.

Is-sit ta’ Teotihuacán hija protetta mill-UNESCO, u hija waħda mill-aktar żoni popolari mat-turisti fil-pajjiż.

Il-Kunsill tan-Nazzjonijiet Magħquda qal li x-xogħol ta’ skavar li qed isir, qed jhedded il-fdalijiet arkeoloġiċi u monumentali li hemm fis-sit, u sejjaħ lill-Gvern tal-Messiku biex jintervjeni ħalli l-esperti jkunu jistgħu jevalwaw il-ħsara li qed issir.

Minn tal-inqas 13-il Pulizija maqtula f’attakk fil-Messiku

Minn tal-inqas 13-il persuna nqatlu waqt attakk fuq għadd ta’ pulizija li sar minn suspettat grupp kriminali fiċ-ċentru tal-Messiku.

Il-vittmi kienu kollha uffiċjali tal-Pulizija u aġenti mill-uffiċċju tal-prosekutur tal-istat.

L-attakk seħħ f’Coatepec Harinas, fl-Istat tal-Messiku.

Bosta ritratti ġew imxerrda fuq il-midja soċjali fejn urew vetturi tal-pulizija milquta b’diversi tiri kif ukoll iġsma bla ħajja fil-ġenb tat-toroq.

S’issa ebda grupp għadu ma refa’ r-responsabbiltà b’rabta ma’ dan l-attakk.

 

Send this to a friend