Notifiki

Il-Pulizija tarresta suspettat fl-omiċidju tal-Marsa

Ftit tas-sigħat wara li seħħ l-ewwel omiċidju tas-sena, l-Pulizija, fid-Depot arrestat raġel ta’ 25 sena mill-Għana b’rabta mad-delitt tal-Ħamis filgħaxija.

Il-każ seħħ fi Triq it-Tiġrija, il-Marsa, meta qam argument bejn żewġt irġiel fejn wieħed minnhom spiċċa ferut b’daqqiet ta’ sikkina.Aqra aktar

BIL-FILMAT: Omiċidju fil-Marsa – Il-Pulizija bi tfittxija għall-aggressur

Il-Ħamis filgħaxija argument bejn żewġt irġiel fil-Marsa wassal għall-ewwel omiċidju tas-sena. Il-każ seħħ għall-ħabta tal-22:00 fi Triq il-Ġerrejja.

Immedjatament fuq il-post issejjaħ tim mediku mill-isptar Mater Dei li beda jagħti CPR lill-vittma madankollu r-raġel ġie ċċertifikat mejjet ftit tal-minuti wara l-wasla tiegħu fl-Isptar Mater Dei.

Minn informazzjoni miksuba minn fuq il-post tar-reat, ONE News jista’ jikkonferma li r-raġel inqatel permezz ta’ daqqiet ta’ sikkina. Xhieda linraw il-każ allegatament identifikaw lill-aggressur u immedjatament skattat tfittxija mill-Pulizija tar-Rapid Intervention Unit.

Fuq ix-xena tar-reat waslu l-investigaturi mill-Iskwadra tar-Reati Maġġuri u tal-Omiċidji mmexxija mill-Assistent Kummissarju Sandro Gatt u s-Supretendent Keith Arnaud flimkien mal-Ispetturi Wayne Camilleri u Kurt Zahra. Huma bdew ikellmu lix-xhieda kif ukoll permezz tal-assistenza tal-esperti forensiċi ddokumentaw ix-xena tar-reat.

F’filmati miġbuda minn ONE News l-esperti forensiċi dehru wkoll jelevaw kampjuni minnn għadira demm li tħalliet mill-vittma.

Fuq il-post bdiet ukoll tfittxija għall-arma li ntużat fil-qtil madankollu din it-tfittxija rriżultat fin-negattiv.

 

Iweġġa’ gravi wara li waqa’ bil-mutur u tkaxkar f’siġra

Ungeriż ta’ 31 sena qed isofri minn ġrieħi gravi wara li l-Ġimgħa filgħaxija kien involut f’inċident b’mutur f’Tal Pietà.

Fi stqarrija l-Korp tal-Pulizija spjega li l-inċident seħħ fis-sebgħa ta’ filgħaxija fi Triq ix-Xatt.

Mill-investigazzjonijiet preliminari li saru, rriżulta li l-Ungeriż ta’ 31 sena u residenti San Ġwann, kien qiegħed isuq mutur tat-tip Benelli meta tilef il-kontroll u waqa’. Il-mutur u x-xufier baqgħu jitkaxkru sakemm ħabtu ma’ siġra.

Tim mediku ta l-ewwel għajnuna, ambulanza ħadet lill-vittma l-Isptar Mater Dei għall-kura u ġie ċċertifikat li weġġa’ gravi.

L-investigazzjonijiet tal-Pulizija dwar dan l-inċident għadhom għaddejjin.

Send this to a friend