Notifiki

Qrib xulxin aktar milli xtaqu

Ftit tal-ħin ilu żewġ vetturi kienu involuti f’inċident li jidher drammatiku, iżda li fortunatament irriżulta li ħadd ma weġġa’.

L-inċident seħħ fi Triq Aldo Moro direzzjoni lejn il-Furjana.

Ritratt: Glenn Zammit

Mil-lum, ROTTA ALTERNATTIVA

B’effett mil-lum, dawk li joqogħdu n-naħat tal-Kottonera, Ħaż-Żabbar u l-Fgura, għandhom rotta alternattiva għall-Marsa permezz tal-ftuħ tal-aċċess għat-triq tal-baċir numru sebgħa.

Ftuħ li għalissa se jkun temporanju iżda li l-gvern diġa għaddej b’ħidma biex tinstab alternattiva permanenti.

Aqra aktar

Għada se jkollna baġit ta’ Gvern bi pjan – JM

“Għada se jkollna baġit soċjali” hekk iddeskriva l-baġit għall-2017, il-Prim Ministru Joseph Muscat waqt attivitá politika fil-Marsa li ntemmet ftit tal-minuti ilu.

Permezz tar-roadmap tal-gvern, il-baġit għas-sena d-dieħla se jkompli jferrex il-ġid fost dawk il-membri tas-soċjetà li l-ġid għadu mhux qed jasal għandhom, saħaq Joseph Muscat għalhekk se jkollna baġit soċjali.

“Dan huwa gvern li minflok jieħu, jagħti. Se jkollna baġit pro business iżda wasal iż-żmien li ż-żgħir nett jieħu iktar, min ġenwinament ibagħti, u mhux min jabbuża”

Fakkar kif fi tlett snin il-gvern stabilizza l-ekonomija, attratta investiment u ħeġġeġ iktar nies, b’ mod speċjali lin-nisa joħorġu jaħdmu biex kompliet tikber l-ekonomija. Il-pass ta’ wara kienet il-ġlieda kontra l-abbuż. Iżda issa l-gvern se jiffoka fuq dawk in-nies li ġenwinament jirsistu kemm jirsistu ma jistgħux jimxu ‘l quddiem u jibqgħu jissieltu mal-ħajja.

Il-Prim Ministru saħaq li dan ma setax isir qabel għaliex il-gvern ma setax iqassam dak li ma kellux.

Aqra aktar

Mijiet jistennew lill-Prim Ministru Joseph Muscat

Lejliet il-baġit mijiet ta’ Maltin u Għawdxin inġabru fiċ-ċentru Laburista tal-Marsa għall-attivitá politika tal-Prim Ministru Joseph Muscat. Mir-ritratti li bagħtulna qarrejja ta’ one.com.mt jidher li t-triq kellha tingħalaq minħabba l-influss qawwi ta’ nies.
Aqra aktar

Bomba mill-istess ID

Il-bomba li tpoġġiet ma’ vann u li ħalliet raġel fil-periklu tal-mewt iktar kmieni din il-ġimgħa hija l-istess bħal bomba oħra li splodiet f’karozza sentejn ilu f’Marsaxlokk u ħallliet persuna mejta.

Żvelat dan il-gazzetta KullĦadd li ppubblikat dawn id-dettalji esklussibi fil-faċċata tal-ħarġa tal-Ħadd.
Aqra aktar

Il-moħħ wara l-bomba X’AKTARX KIEN VIĊIN

Splużjoni wara li bomba tqiegħdet taħt vann fi Triq Aldo Moro l-Marsa qanqlet numru ta’ mistoqsijiet li weġibhom fuq il-programm Il-Pjazza ix-xjentist forensiku irtirat Anthony Abela Medici.
Spjega li bomba ta’ dan it-tip mhux fenomenu ġdid f’pajjiżna, bl-ewwel każ seħħ fl-1969.
Abela Medici spjega li dawn it-tip ta’ splużjonijiet iseħħu permezz ta’ switch mekkaniku, li jwasslu biex malli ċċaqlaq il-karozza, il-bomba tisplodi. Kunċett qadim li issa qed jitħaddem permezz ta’ teknoloġija ġdida, fosthom mobile phones.
Dawn it-tip ta’ bombi jitpoġġew fil-post permezz ta’ kalamita, jew inkella jitwaħħlu bl-idejn. Pero’ jrid ikollhom detonatur li jaħdem permezz ta’ mobile. Sabiex tisplodi l-bomba, il-karozza trid tgħaddi minn punt fejn ikun hemm xi ħadd li jkun qed isegwi  mill-qrib. Għalhekk hemm probabiltà kbira li min sploda l-karozza kien viċin.

Aqra aktar

BIL-FILMAT: Ix-shield terġa’ tmur il-Marsa

Għal sena oħra kien id-distrett tal-Marsa li rebaħ is-shiel tar-Regatta f’kategorija A wara li l-qaddiefa bl-aħmar u l-blu għelbu l-isfida ta’ dawk tal-Isla. Wara l-ewwel erba’ tlielaq iż-żewġ distretti kienu ras imb’ras, bil-Marsa tidħol għat-tellieqa bl-aktar punti b’ 40 punt u l-Isla 38. Ir-rebħa tal-Marsa fissret li aċċertaw is-shield b’ 64 punt. L-Isla, li fl-aħħar tellieqa kisbet it-tielet post klassifikat wara l-Marsa b’ 46 punt. Kategorija B intrebħet mid-distrett ta’ Bormla.

Aqra aktar

Send this to a friend