Kmieni wara nofsinhar, l-Ispeaker tal-Kamra tad-Deputati Anġlu Farrugia rċieva żjara ta’ kortesija mis-Sur Leo Brincat, Membru Malti tal-Qorti Ewropea tal-Awdituri. Aqra aktar
Żjara uffiċjali mis-Sur Leo Brincat, fl-Uffiċċju Nazzjonali tal-Verifika
Fi żjara fl-Uffiċju Nazzjonali tal-Verifika, il-membru Malti fil-Qorti Ewropea tal-Awdituri Leo Brincat ippreżenta lill-Awditur Ġenerali Charles Deguara kopja tar-Rapport Annwali tal-Qorti Ewropea kif ukoll rapport maħruġ dan l-aħħar dwar l-immigrazzjoni. Aqra aktar
Sodisfatt li l-gvern qed iwettaq ir-rakomandazzjonijiet
L-Awditur Ġenerali Charles Deguara qal li jinsab sodisfatt li l-Gvern qiegħed iwettaq rakkomandazzjonijiet lil bosta entitajiet governattivi bil-għan li tkompli tiżdied il-governanza t-tajba u l-kontabilità.
L-effettività tal-FEIS trid tkun issostanzjata aħjar, jgħidu l-Awdituri talUE.
Skont rapport ġdid li nħareġ mill-Qorti Ewropea tal-Awdituri, il-Fond Ewropew għall-Investimenti Strateġiċi (FEIS) kien effettiv fil-ksib ta’ finanzjament għall-investimenti fl-UE, iżda huwa possibbli li l-ammonti ta’ investimenti mmobilizzati ġew iddikjarati b’mod eċċessiv.
L-istakeholders ewlenin Ewropej jiddiskutu lkoll flimkien rapport tar-rappreżentant Malti fil-qorti Ewropea tal-awdituri
L-istakeholders ewlenin Ewropej iddiskutew lkoll flimkien rapport tar-rapprezentant Malti fil-Qorti Ewropea tal-Awdituri Leo Brincat f’konferenza ta’ nofs ta’ nhar li giet organizzata mill-istess Qorti gewwa il-bini tal-Kumitat tar-Reġjuni fi Brussels.
Importanti li l-qorti Ewropea tal-awdituri tingħata aktar viżibilità – Helena Dalli
Il-Ministru għall-Affarijiet Ewropej u l-ugwaljanza, l-Onor. Helena Dalli, fetħet il-laqgħa tal-Kunsill Malti għall-Iżvilupp Ekonomiku u Soċjali (MCESD) li saret illum il-Ġimgħa 11 ta’ Mejju 2018 billi saħqet fuq l-importanza li Qorti Ewropea tal-Awdituri għandha tingħata aktar viżibiltà fejn jidħol l-operat tagħha.
Dan b’hekk iwassal sabiex iċ-ċittadini Ewropej ikunu aktar konxji ta’ kif u fejn qegħdin jintefqu t-taxxi tagħhom dovuta lill-Unjoni Ewropea.
Il-laqgħa kompliet bi preżentazzjoni mis-sur Leo Brincat li huwa l-membru Malti appuntat fil-Qorti Ewropea tal-Awdituri. Beda billi hu wkoll kompla jisħaq fuq l-importanza li tiżdied il-viżibilta’ tax-xogħol li qiegħed isir min-naħa tagħhom sabiex il-poplu jkun konxju ta’ dan kollu. Kompla billi tenna li bħala Qorti Ewropea tal-Awdituri, dawn jaħdmu spalla ma’ spalla kemm mal-kummisjoni u kif ukoll il-Parlament Ewropew sabiex ikomplu jsaħħu u jikkonsolodaw djalogu kontinwu għall-benefiċċju taċ-ċittadini Ewropej.
Semma wkoll kwistjonijiet u affarijiet kurrenti li bħalissa bħala Qorti Ewropea tal-Awdituri qegħdin jiddiskutu fosthom l-impatt li se jħalli ‘Brexit’, il-‘Multiannual Financial Framework’ u ‘cyber security’ fost oħrajn. Tenna ukoll fuq l-importanza u l-frott li qegħda tħalli l-introduzzjoni tal-awditjar fuq bażi ta’ prestazzjoni.
Min-naħa l-oħra, semma ukoll u enfasizza l-importanza tal-bank tal-Iżvilupp Malti u kif dan se jagħti lok sabiex jitjiebu u jkomplu jikkonsolidaw ir-rabtiet preżenti ta’ Malta mal-EFSI.
Għalaq din il-laqgħa billi sostna li l-irwol aħħari tal-Qorti Ewropea tal-Awdituri huwa dak li jservi ta’ element essenzjali fejn tidħol il-katina tar-responsabilta fi ħdan l-Unjoni Ewropeja.
Wara l-preżentazzjoni tas-Sur Leo Brincat, is-Sħab Soċjali kellhom l-opportunita’ li jiddiskutu u jikkjarifikaw ċertu punti li ssemmew.
San Pawl f’Malta
Il-festa tal-miġja ta’ San Pawl f’Malta. Ġrajja kbira li poġġiet isem artna fl-aqwa storja. Min jixtri l-Bibbja, u hawn b’kull ilsien u bil-miljuni, illum ikun jixtri t-Testment il-Qadim u t-Testment il-Ġdid li fih ukoll l-Atti Tal-Appostli.
Fil-Kapitlu 28, insibu l-aqwa riklam għal min irid iżur pajjiżna. U nittama li nibqgħu bl-istess timbru fuqna, li bħala poplu aħna nies ta’ qalb tajba u nilqgħu lill-barrani fil-bżonn.
Din il-ġrajja ġġib wiċċ-imb-wiċċ ma’ aspett ieħor tal-ġrajja ta’ artna. Konna kolonja tar-Rumani, li kien jużawna U bis-saħħa ta’ San Pawl kellna l-ewwel isqof Malti, San Publiju, li spiċċa matri. It-tnejn kellhom missjoni waħda, jwasslu l-messaġġ ta’ Kristu bħala l-aħbar it-tajba…..għax dik tfisser il-kelma Evanġelu.
U ma nistgħux ma ngħidux li kellna bosta li mxew fuq l-istess passi ta’ San Pawl u San Publiju u xandru l-Evanġelu, l-aħbar it-tajba. Mhux biss fi gżirtna imma mal-erbat irjieħ tad-dinja. Il-missjunjarji Maltin dejjem taw sehem kbir, meta nqisu ċ-ċokon relattiv ta’ pajjiżna. Nistqarr li ħadt gost għall-ħabta tal-Milied li mort fi Triq Merkanti biex nixtri presepju li ridt nagħti rigal, u kien mill-Uffiċċju Missjunarju bil-voluntiera.
Meta nara dawn, ngħid li San Pawl ma ġiex ta’ xejn.
Imma daqstant ieħor niddejjaq meta jew semmiegħa fuq ir-radju jew qarrejja tal-kitbiet fuq facebook, jiġuni kummenti kemm jiddejqu n-nies li l-medja suppost tal-Knisja f’Malta, (ngħidu mnissla minn San Pawl) tinsa dak kollu li hemm fl-Evanġelu u jinfexxu jxandru l-aħbar…..imma tal-partit nazzjonalista.
Ma naħsibx li San Pawl kien ikun kuntent! Xi wħud fil-Partit Nazzjonalista jistennewh bħala “patrimonju” tagħhom, u l-kotra tiddisprezza.
Ejja ma ninħbewx wara d-dritt tal-espressjoni. Meta l-qassis Baget Bozzi ħareġ mas-soċjalisti għall-elezzjonijiet fl-Italja, iddardart. Meta mbagħad inxteħet ma’ Berlusconi aktar. Kulħadd għandu dritt tal-libertà tal-espressjoni, imma kulħadd irid iġib rispett l-istatus li jkun għażel fil-ħajja.
Ħadd qatt ma lmenta miegħi fuq xi priedka li tibqa’ fuq il-binarju tal-Evanġelu, imma hemm min jitmasħan meta jisma’ qassis jagħmel propaganda politika. U n-nies jafu li meta kien hemm partit nazzjonalista fil-gvern kien idawwar sold sewwa.
San Pawl għadu attwali sal-lum, u mad-dinja kollha. Imma qassisin politikanti f’Malta u f’pajjiżi oħra jafu (jew messhom jafu) li qed jagħżqu fl-ilma, u għadda żmienhom. Ma jinfluwenzaw lil ħadd. Hudu mill-aħħar elezzjoni…..
Il-Qorti tikkundanna n-Nazzjon…bnew storja fuq qlajja ta’ DCG
Illum inqata’ libell li fetaħ Leo Brincat kontra l-ġurnal in-Nazzjon.
Dawn tal-aħħar kwotaw storja miktuba mill-blogger Daphne Caruana Galizia u qalu li Brincat nefaq miljun ewro fi vjaġġar fi ftit xhur.
Il-Partit Nazzjonalista ma ġabx provi biex jissostanzja din l-allegazzjoni. Għaldaqstant Brincat rebaħ il-libell u ngħata kumpens ta’ €3,000.
L-ewwel żjara tat-tip tagħha għal Leo Brincat
Illum, il-Membru Malti tal-Qorti Ewropea tal-Awdituri Leo Brincat għamel l-ewwel żjara uffiċjali tiegħu fl-Uffiċċju Nazzjonali tal-Verifika fejn ġie milqugħ mill-Awditur Ġenerali Charles Deguara u d-Deputat Awditur Ġenerali Noel Camilleri.
Brincat appella biex jinstab mezz effettiv sabiex ir-Rapporti Speċjali tal-Qorti Ewropea jaslu għand l-entitajiet u d-dipartimenti tal-gvern ta’ kull stat membru, u dan indipendentament minn jekk jagħmlux referenza speċifika għall-pajjiżi individwali, biex b’hekk ikun qed jiżdied dejjem aktar il-valur miżjud tar-rapporti nfushom.
Ippreżentat ir-Rapport Annwali tal‑Qorti għall-2015 lill‑Parlament
“Biex taħdem u tagħti l-frott mixtieq, kull riforma trid tkun ibbażata fuq it-trasparenza u l‑kontabilità flimkien ma’ sisien finanzjarji sodi. Iċ‑ċittadini lanqas biss jistgħu jibdew jafdaw lill‑istituzzjonijiet tal‑Unjoni Ewropea (UE) jekk ma jkunux konvinti li qegħdin nieħdu ħsieb flushom b’mod xieraq u li qed inżommu kont tajjeb ta’ kif qed nagħmlu dan.”