Wirja Fotografika: 100 Ikona- Il-Fidi f’Triqat iż-Żejtun

It-Taqsima tal-Kultura u t-Turiżmu fi ħdan il-Kunsill Lokali taż-Żejtun għar-reba’ sena konsekuttiva se ttella’ wirja dwar il-wirt Żejtuni. Din il-wirja fotografika 100 IKONA b’fotografija ta’ Angelo Caruana u Glen Chircop se tkun qed tiġi mtella’ bejn illum il-Ġimgħa 28 u l-Ħadd 30 ta’ Settembru, 2018 fiċ-Ċentru Arti u Artiġjanat, Triq San Girgor, iż-Żejtun. Il-ftuħ uffiċjali se jsir illum il-Ġimgħa 28 ta’ Settembru fis-7.00 p.m. Il-pubbliku hu mistieden jattendi. Il-wirja se tkun miftuħa wkoll waqt l-attività Żejt iż-Żejtun.

Aqra aktar

Il-Kunsill Lokali Ħad Dingli jilqa’ r-rapport tal-Awditur Ġenerali dwar iċ-Ċentru Interpretattiv

Il-Kunsill Lokali ta’ Ħad Dingli laqa’ l-konklużjonijiet pożittivi tar-rapport investigattiv tal-Uffiċċju Nazzjonali tal-Verifika li kkonferma li ma kien hemm l-ebda irregolarità jew ħażen mill-uffiċjali tal-kunsill lokali fl-iżvilupp u l-operat taċ-Ċentru ta’ Interpretazzjoni ta’ Ħad Dingli u proġetti oħra marbuta miegħu.

Aqra aktar

Iż-Żejtun imur lura għall-1942

Dalgħodu l-Pjazza taż-Żejtun marret lura għall-1942 bl-avveniment iż-Żejtun Taħt in-Nar li għal darb’ oħra kien ta’ suċċess. Dan l-avveniment ifakkar it-traġedja li seħħet fi żmien it-Tieni Gwerra Dinjija fil-Pjazza taż-Żejtun fit-2 ta’ Mejju tal-1942.

Aqra aktar

Il-PN jista’ jwaħħal biss fih innifsu

Il-Partit Laburista fi stqarrija qal li l-Partit Nazzjonalista jrid jieqaf jipprova jwaħħal f’ħaddieħor għall-problemi li ħoloq hu f’San Pawl il-Baħar. Li wara l-ħatra ta’ Adrian Delia bħala Kap l-PN ma kienx kapaċi jżomm il-maġġoranza li kellu f’din il-lokalità mhux tort tal-Partit Laburista. Iżda, huwa tort tan-nuqqas tat-tmexxija tal-istess Delia.Aqra aktar

Iffirmat ftehim bejn Sportmalta u l-Kunsill Lokali taż-Żurrieq

Intlaħaq ftehim bejn SportMalta u l-Kunsill Lokali taż-Żurrieq biex il-pitch tal-boċċi li jinsab fi Vjal il-Blue Grotto jingħadda lil Kunsill Lokali ħalli huma jagħmlu fih Open Gym. 

Il-ftehim sar fil-preżenza tas-Segretarju Parlamentari għar-Riċerka, Innovazzjoni, Żgħażagħ u Sport Chris Agius li spjega kif dan il-ftehim tal-lum sar wara ħidma miż-żewġ naħat.  Huwa qal li issa minn post li mhux qed jintuża, ir-raħal taż-Żurrieq ser ikun jista’ jgawdi minn faċilità sportiva.

Is-Segretarju Parlamentari tenna li din hija ħolqa oħra minn serje ta’ proġetti sportivi fil-lokalitajiet differenti.  Fil-fatt ftit tal-jiem ilu għadha kemm kien inawgurat it-tisbiħ tal-jogging track f’Santa Luċija u tnieda l-proġett tal-Fgura Adventure Park.

Aqra aktar

San Patrizju sors ta’ inkwiet f’San Ġiljan

San Patrizju jista’ jispiċċa l-Qorti. Din il-festa li issa daħlet sew fil-kalendarju Malti fejn dak li jkun jiltaqa’ għal żewġ pinet birra iktar mis-soltu, waslet għal kunflitt bejn il-Kunsill Lokali ta’ San Ġiljan u negozji fl-istess lokalità.

Saħansitra anke d-dipartiment tal-Gvern Lokali wissa lill-Kunsill Lokali ta’ San Ġiljan li qed jikser il-liġi bil-mod kif ħareġ il-konċessjoni lill-kumpanija biex tarma fit-triq bi prominenza fil-jum tas-sbatax ta’ Marzu.

It-tmexxija tal-Kunsill Lokali ta’ San Ġiljan, li Sindku għandu lil Guido Dalli, ħarġet permessi lill-Massive Promotions , kumpanija li ġieli tintuża mill-Partit  nazzjonalista. Fil-Bajja ta’ Spinola ngħatat f’idejha permess għal daqq ta’ mużika u bejgħ ta’ xorb minkejja li din il-kumpanija m’għandiex ħanut fl-akkwati .

Aqra aktar

“Hemm bżonn li din tieqaf darba għal dejjem!” – residenta mis-Siġġiewi

Residenta mis-Siġġiewi bagħtitilna ritratti ta’ Triq Ramija. Urtata, qalet li f’din it-triq hemm min jinsisti li jarmi ż-żibel illegalment, minkejja li kull darba l-post battal biswit residenzi jitnaddaf mill-awtoritajiet.

“Din hija ħaġa li ilha għaddejja snin. Jiġu jnaddfu, imma jerġa jintela’ żibel li jibqa’ jakkumula. Hemm bżonn li din tieqaf darba għal dejjem”.

Aqra aktar

22 kunsilli lokali temmew l-2015 bit-telf

Għall-mistoqsija tad-deputat Laburista Anthony Agius Decelis, il-Ministru tal-Ġustizzja, Kultura u Gvern Lokali Owen Bonnici qal li dawk il-kunsilli li spiċċaw b’telf f’Malta kienu l-Imdina, il-Birgu, Ħaż-Żebbuġ, Birkirkara, Birżebbuġa, Ħad-Dingli, il-Gudja, il-Kalkara, Ħal Lija, Marsaxlokk, l-Imsida, l-Imqabba, il-Mosta, San Pawl il-Baħar u x-Xgħajra waqt li f’Għawdex kienu r-Rabat, l-Għarb, Kerċem, il-Munxar, in-Nadur, Sannat u x-Xagħra.

Il-kunsill li temm is-sena bl-ikbar telf kien dak ta’ Ħaż-Żebbuġ li spiċċa l-2015 b’defiċit ta’ €551,568. Warajh ġew dawk ta’ Victoria (Għawdex) b’telf ta’ €510,734 u ta’ Birkirkara b’telf ta’ €406,537.

Aqra aktar

Send this to a friend