korea ta’ fuq – Page 3 – One News

Notifiki

Ara: Il-Korea ta’ Fuq u l-Iżvezja f’laqgħat bilaterali qabel żmienhom

 

Il-Ministru għall-Affarijiet Barranin tal-Korea ta’ Fuq iltaqa’ f’laqgħat bilaterali fi Stokholma mal-Prim Ministru Svediż Stefan Lofven. Dan sar qabel il-laqgħa li mistennija jkun hemm bejn il-President Donald Trump u l-Mexxej tal-Korea ta’ Fuq Kim Jong-Un.

Fil-passat l-Isvezja mexxiet diversi laqgħat ta’ medjazzjoni bejn Washington u Pyongyang.

Il-Ministeru għall-Affarijiet Barranin fl-Iżvezja qal li d-diskussjonijiet ser jiffukaw fuq it-tensjonijeit bejn il-Korea ta’ Fuq u dik ta’ Isfel.

Din iż-żjara mistennija tibqa’ għadejja sa nhar il-Ħadd li ġej.

Kien il-ġimgħa l-oħra lill-President Trump aċċetta l-istedina tal-mexxej Korean biex jiltaqgħu għad-diskussjonijiet.

Dan ħasad lil bosta għall-fatt li ż-żewġ mexxejja heddew u insulentaw lil xulxin għal xhur sħaħ.

Il-UN tgħid li l-Korea ta’ Fuq qed tforni lis-Sirja b’materjal kimiku għall-armamenti

Il-midja tal-Istati Uniti qed tikkwota dak li nstab minn esperti tan-Nazzjonijiet Magħquda, iġifieri li l-Korea ta’ Fuq qed tibgħat tagħmir lejn is-Sirja li jista jintuża fil-manifattura tal-armi kimiċi.

Il-materjali jinkludu madum li huwa reżistenti għall-aċtu, valve u pajpijiet. In-New York Times qalet li r-rapport li għadu mhux ippubblikat qal ukoll li l-ispeċjalisti tal-missili ta’ Pyongyang intlemħu f’faċilitajiet fejn isiru l-armi fis-Sirja.

L-allegazzjonijiet ġew wara rapporti ġodda li ntuża l-gass tal-kloru minn forsi Sirjani, bil-gvern jiċħad dan.

Il-mexxejja tal-Korea jfaħħru lil xulxin

Il-mexxej tal-Korea ta’ fuq, Kim Jong-un faħħar il-Korea t’isfel talli laqgħu il-Korea ta’ fuq fl-Olimpjadi tax-Xitwa u appella biex tibqa’ tisaħħaħ ir-rikonċiljazzjoni bejn iż-żewġ naħat.

Il-kummenti waslu wara li d-delegazzjoni uffiċjali tal-Korea ta’ fuq, immexxija minn oħt Kim, Kim Yo-jong, waslet lura miż-żjara fi Pyeongchang.

Qed ikun irrapurtat li Kim sejjaħ l-isforzi mill-Korea t’isfel bħala impressjonanti. Minkejja dan, kien hemm tħassib li l-Korea ta’ isfel ippermettiet lill-Korea ta’ fuq biex tirbaħ rebħa propogandista.

Il-Korea ta’ Fuq torganizza parata militari qabel is-soltu

Il-midja tal-Korea t’ Isfel qalet li jidher li l-Korea ta’ Fuq organizzat parata militari, jum qabel l-Olimpjadi tax-Xitwa.

L-attivita annwali normalment issir f’April, iżda Pyongyang wieġeb lura għall-kritika mill-Istati Uniti fuq id-deċiżjoni li din saret qabel.

It-televiżjoni tal-istat beda juri filmati partijottiċi f’dak li deher bħala preludju għal xandira live. Iżda rapporti iktar tard qalu li l-parata kienet ġa saret.

Il-plejers Koreani ta’ Fuq jaslu fil-Korea ta’ Isfel

Il-plejers nisa tal-hockey ta’ fuq is-silġ, tal-Korea ta’ Fuq waslu fil-Korea t’Isfel biex jiffurmaw tim konġunt għall-Olimpjadi ta’ Pyeongchang.

It-12-il plejer qasmu l-fruntiera b’delegazzjoni uffiċjali u se jibdew it-taħriġ mat-tim min-Nofsinhar.

Fi ftehim li qatt ma sar bħalu, iż-żewġ pajjiżi l-ġimgħa li għaddiet qablu li jaħdmu bħala tim konġunt biex jikkompetu taħt bandiera waħda.

Aqra aktar

Il-Korea timmarċja taħt bandiera waħda fil-logħob Olimpiku

Il-Korea Ta’ Fuq u l-Korea T’Isfel qablu li jmexxu tim konġunt tal-hockey tas-silġ tan-nisa wara taħdidiet rari f’villaġġ tat-truppi ta’ Panmunjom.
Dawn huma l-ewwel taħditiet ta’ livell għoli bejn iż-żewġ pajjiżi Koreani f’aktar minn sentejn.
Il-Logħob se jsir bejn id-9 u s-27 ta’ Frar f’Pyeongchang fil-Korea t’Isfel.
Kemm il-kowċ tal-hockey tal-Korea t’Isfel kif ukoll il-gazzetti konservattivi esprimew tħassib dwar il-prospett ta’ tim tal-hockey magħqud, fejn qal li dan il-fatt jista’ jagħmel ħsara fir-rigward tal-possibiltajiet li l-Korea t’Isfel tirbaħ midalja.

Jidher li anke l-Ġappun innota xi suspetti f’dan il-pass.

Dan it-taħditiet ġew segwiti wara l-avvanzi mgħaġġla riċentament fil-programmi nukleari u konvenzjonali ta’ l-armi fil-Korea Ta’ Fuq.

Il-Korea ta’ Fuq se tibgħat tim fil-logħob Olimpiku ta’ Pyeongchang

Il-Korea ta’ Fuq għandha tibgħat delegazzjoni għal-Logħob Olimpiku tax-Xitwa tal-2018, li se ssir fil-Korea t’Isfel fi Frar. Dan qaluh uffiċjali mill-Korea t’Isfel. It-tħabbira progressiva seħħet hekk kif il-pajjiżi ltaqgħu għall-ewwel taħditiet ta’ livell għoli wara aktar minn sentejn. Id-delegazzjoni ser tinkludi atleti, uffiċjali u kif ukoll partitarji.


Il-Korea ta’ Isfel ipproponiet ukoll laqgħat familjari matul l-Olimpjadi tax-Xitwa għal nies li sfaw isseparati minħabba l-gwerra Koreana. Din il-kwistjoni hija waħda ferm emozzjonali għaż-żewġ pajjiżi, u l-Korea t’Isfel kontinwament qed tinsisti biex isiru aktar laqgħat.


Il-laqgħat huma mistennija li jsiru matul il-vaganzi tas-Sena lunari l-Ġdida, li jiġu ċċelebrati matul il-Logħob Pyeongchang. Seoul appella wkoll għall-atleti miż-żewġ pajjiżi Koreani biex jimxu flimkien fiċ-ċerimonja tal-ftuħ tal-Logħob Olimpiku. Għadu mhux magħruf kif il-Korea ta’ Fuq wieġbet għal dawn l-offerti. L-aħħar darba li ż-żewġ pajjiżi mxew flimkien taħt il-bandiera tal-Peniżola Koreana kien aktar minn 10 snin ilu, fl-Olimpjadi tax-Xitwa tal-2006.

L-Istati Uniti titlob iktar sanzjonijiet kontra l-Korea ta’ Fuq

Bl-aħħar test nukleari li għamel, Kim Jong-un, il-Kap tal-Korea ta’ Fuq “qed jitlob għall-gwerra” qal il-mibgħut speċjali tal-Istati Uniti għan-Nazzjonijiet Uniti,Nikki Haley.

Waqt laqgħa b’urġenza tal-Kunsill tas-Sigurtà f’New York, il-mibgħut speċjali qal li l-Istati Uniti ma jridux gwerra iżda “il-paċenzja tagħhom għandha limitu”.Aqra aktar

Send this to a friend