Italja – Page 7 – One News

Notifiki

Madwar 90 persuna għerqu wara li nqalbet id-dgħajsa

Huwa mifhum li madwar 90 imigrant għerqu ‘il barra mill-kosta Libjana wara li d-dgħajsa li kienu fuqha nqalbet kmieni llum il-ġimgħa. Jidher li 3 persuni li salvaw inġarru lejn ix-xatt, skond l-Organizzazzjoni Internazzjonali tal-Migrazzjoni.

Il-persuni li salvaw qalu li l-persuni abboard kienu fil-maġġoranza taghhom Pakistani li kienu fi triqthom lejn l-Italja. Dan qalitu Olivia Headon lil agenzija tal-aħbarijiet ta’ Geneva.

F’ dawn l-aħħar 4 snin, huwa kkonsidrat li madwar 600,000 persuna għamluha għal-Italja mil-Libja.

Imut Azeglio Vicini, eks kowċ tat-tim nazzjonali Taljan

Miet Azeglio Vicini; il-kowċ magħruf li ta l-hekk imsejħa żminijiet sbieħ  lill-partitarji Taljani. Huwa miet fl-età ta’ 84 sena.

Vicini mexxa t-tim nazzjonali mill-1986 sa l-1991, u mexxihom ukoll għall-istadji tas-semi-finali tal-Kampjonati Ewropej tal-1988 kif ukoll fit-Tazza tad-Dinja ta’ l-1990 – li saret fl-Italja.

Vicini miet it-Tlieta bil-lejl fid-dar tiegħu f’B Brescia, skond rapporti fl-Italja.

Kriżi fl-amministrazzjoni tal-football fl-Italja

Wara ġurnata ta’ diskorsi u votazzjonijiet, il-Federazzjoni Taljan tal-futbol ma’ rnexxiliex teleġġi President għal erbgħa snin li ġejjin. Dan kellhu jieħu post Carlo Tavecchio li ġie mġiegħel jirriżenja wara l-falliment tat-tim nazzjonali.    Kienu tlieta l-kandidati li qed jikkontestaw il-kariga: Cosimo Sibilia, Gabriele Gravina u l-ex player ta’ Roma Damiano Tommasi.

Fl-ewwel tlett votazzjoni, Sibilia ġab punt perċentwali iktar minn Gravina, b’Tomassi it-tielet.  Peress li ħadd ma’ ġab is-65% mitluba fl-Istatut, kien imiss ir-raba votazzjoni bil-kandidat li ġab l-inqas voti: Tomassi jiġi elimat.

Fir-raba votazzjoni ġara dak li kullħadd kien qed ibassar.  Kemm Sibilia u Tommasi qalu lill-votanti tagħhom biex iħallu l-vot vojt, b’hekk Gravina ma jkunx jista jġib il-50% u vot wieħed biex jiġi elett. Fil-fatt huwa ġab biss 39% tal-voti u għalhekk ma ġie elett ġadd.

Issa jidħol fl-azzjoni il-Kumitat Olimpiku Taljan, li fil-15 ta` Frar ser jiltaqa’ biex jappunta Kummissarju interim sakemm terġa’ ssir elezzjoni.  B’hekk il-kriżi tal-futbol fl-Italja tkompli u wara l-eliminazzjoni mill-fażi finali tat-tazza tad-dinja, issa fallew ukoll biex jeleġġu president. Dan ifisser ukoll li id-deċiżjoni sabiex jiġi appuntat kowċ nazzjonali ġdid ser tibqa’ tistenna, u Gigi Di Biagio, il-care taker coach ser jibqa’ fil-kariga.

Żewġ persuni mejta, għexieren imweġġa’ f’inċident ferrovjali

Ferrovija reġjonali nqalgħet minn fuq il-binarji tagħha u b’konsegwenza t’ hekk mietu żewġ persuni u weġġgħu għexieren oħra.

Ħaddiema tat-tifi tan-nar qed jippruvaw joħorġu diversi nies li għadhom maqbuda ġo vagun, bejn l-istazzjonijiet ta’ Treviglio u Pioltello.

Il-ferrovija Ternord kienet fi triqitha lejn Milan minn Cremona. Għadu mhux ċar x’ikkawża l-inċident, li seħħ fis-sebgħa ta’ filgħodu.

Aġġornat: Salvati t-tlett aħwa

Il-Prim Ministru esprima s-soledarjeta’ tiegħu mal-poplu u l-Gvern Taljan wara t-terrimot f’Ischia,

Ftit tal-ħin ilu l-ħaddiema tal-Protezzjoni Ċivili salvaw it-tielet tifel  ta’ 11-il sena li kien maqbud taħt it-terrapien wara t-terrimot f’Ischia. Iktar kmieni filgħodu tissalva tarbija ta’ 7 xhur.

Sfortunatament ġie identifikat katavru ta’ mara. B’hekk jitla’ għall-tnejn in-numru ta’ vittmi. Mara oħra tilfet ħajjitha  u bosta persuna oħra ndarbu kawża ta’ terremot li tard it-Tnejn filgħaxija laqat il-gżira turistika ta’ Ischia fl-Italja.

Aqra aktar

Il-Golfo Azzuro fl-ibħra Taljani

Daħal fl-ibħra Taljani l-bastiment Golfo Azzuro. Tagħrif li għandu ONE NEWS jgħid li l-bastiment li fl-aħħar jiem spiċċa maqbud bejn sema u ilma, b’immigranti fuqu, għaliex ma tħalliex jidħol la Malta u lanqas l-Italja issa qed ikun akkumpanjat minn lanċa tal-militar Taljan lejn Sqallija.

Kien ilbieraħ li l-bastiment reġa’ telaq lejn Sqallija.

Fl-aħħar jiem l-Gvern Malti argumenta li skont regoli internazzjonali l-immigranti kellhom jittieħdu lejn l-eqreb port sigur u dak ma kienx f’Malta. Il-vapur jitmexxa minn għaqda mhux governattiva Spanjola u qabel ittieħdet id-deċiżjoni li jmur lura Sqallija ħaddiema minn tiegħu tniżżlu Malta minn fejn qabdu ajruplan lejn pajjiżhom.

Aqra aktar

Send this to a friend