Ingilterra – Page 8 – One News

Notifiki

John Cauchi deċiż – u jgħid tiegħu lil Bloomberg

F’lejl frisk Malti, ċertu John Cauchi kien jinsab f’kafetterija (le, mhux is-Serkin) u flimkien ma’ sħabu kien qed jagħmel wieħed mill-aktar passatempi għall-qalbu: jilgħab l-isnooker fl-Anglo Maltese League Club, il-Belt Valletta.

Xejn ta’ barra minn hawn, li kieku ma marrux ikellmuh ta’ Bloomberg.

Aqra aktar

Il-familja McCann “b’diżappunt kbir”

Il-ġenituri ta’ Madeleine McCann, it-tifla Ingliża li sfat nieqsa waqt ġita ma’ familtha fil-Portugal għaxar snin ilu, jinsabu diżappuntati wara li tilfu l-battalja li ilha għaddejja għal dawn l-aħħar tmien snin kontra eks-uffiċjal tal-Pulizija li kien akkuża lill-ġenituri li bdew jaħbu xi informazzjoni rigward il-ħtif ta’ binthom.

Aqra aktar

Jaf taqbiżlek demgħa

Ftit tal-jiem ilu d-dinja fakkret fost l-agħar avvenimenti fl-istorja: l-olokawst.

Fl-1939, lejliet it-tieni gwerra dinjija, negozjant Ingliż bl-isem ta’ Nicholas Winton għamel xi ħaġa pjuttost inkredibbli. Poġġa ħajtu fil-periklu biex salva xejn inqas minn 669 tifel u tifla Lhudija miċ-Czechoslovakia. Kien jara li jaslu l-Ingilterra b’mod sigur.

Ta’ eroj li hu, qatt ma’ tkellem dwar x’għamel, sakemm għaddew ħamsin sena. Martu sabet ktieb li fih kien hemm l-ismijiet, stampi, u dokumenti tat-tfal kollha li daħħal l-Ingilterra.

Sir Nicholas kien ippremjat diversi drabi, inkluż mir-Reġina tal-Ingilterra, iżda fost l-iktar mumenti li jmissu l-qalb hemm meta kien mistieden fuq programm televiżiv fl-Ingilterra, fl-1988. Hemm, mingħajr ma jaf, dawk kollha li kien biqiegħda ħdejh setgħu jgħidu li huma ħajjin grazzi għalih. Huwa mument li verament iħalli impatt fuq min jarah.

Aqra aktar

BIR-RITRATTI: ‘Tour bus’ għall-klieb f’Londra

Illum il-ġurnata l-klieb saru jagħmlu kollox minn sidhom, isiefru, jixtru, restoranti u saħansitra jakkumpanjawhom fuq il-post tax-xogħol. Issa lill-klieb tiegħek tista’ teħodhom ukoll fuq tour bus l-Ingilterra. Din hija l-ewwel waħda tat-tip tagħha u toffri vjaġġi lil kull tip ta’ kelb madwar l-Ingilterra, liema vjaġġi matulhom il-kelb tiegħek jista’ jieqaf u jgawdi ukoll żoni apposta għal klieb.

Aqra aktar

Politiċi Ingliżi jiddibattu jħallux lil Trump iżurhom jew le

Membri tal-Parlament Ingliż se jkunu qed jiddibattu dwar iż-żjara statali tal-President amerikan Donald Trump.

Id-dibattitu mistenni jsir fl-20 ta’ Frar wara li aktar minn 1.6 miljun persuna ffirmaw petizzjoni kontra ż-żjara.

Ftit wara inħolqot petizzjoni oħra favur iż-żjara ta’ Trump, li se tkun diskussa wkoll, wara li ġabret 100,000 firma.

Ir-Reġina mhux komda bl-istedina ta’ Trump

Id-deċiżjoni ta’ Theresa May dwar l-istedina ta’ Donald Trump għal żjara statali poġġiet lir-Reġina Eliżabetta f’pożizzjoni kemmxejn skomda, dan skont eks-mexxej tal-Uffiċċju Barrani.

F’ittra lil The Times, Lord Ricketts qal li l-istedina kienet waħda li saret mingħajr ħsieb.

Aqra aktar

KURT CASSAR: il-leħen Malti li ntgħoġob sew mis-suq Ingliż…

It-talent Malti qed jispikka f’diversi oqsma, partikolarment dak mużikali. Kanzunetta bit-titlu ‘Rising Up’ se  tkun l-ewwel single imqassma fis-swieq  mużikali tar-Renju Unit għal Kurt Cassar.

Hija kanzunetta prodotta ġewwa record label u artist development studio Ingliż bl-isem ta’ ‘Downtown Artists’ f’Oxford, Londra. L-istess label rat artisti internazzjonali jibdew il-karriera tagħhom minn ġewwa fiha.

Aqra aktar

243,000 jiffirmaw petizzjoni biex titħassar iż-żjara ta’ Trump fl-Ingilterra

“Donald Trump m’għandux jintlaqa’ fl-Ingilterra waqt li jabbuża mill-valuri tagħna wara l-ordni li ta li twaqqaf Musulmani u l-attakki fuq refuġjati u d-drittijiet tan-nisa.”

Dan kien il-messaġġ li kiteb Jeremy Corbyn, il-mexxej tal-Partit Laburista Ingliż, fuq il-paġna tas-sit soċjali Facebook fejn ħeġġeġ lil kulħadd biex jiffirmaw petizzjoni biex titħassar iż-żjara statali tal-President tal-Amerika, Donald Trump, l-Ingilttera.

Aqra aktar

Send this to a friend