Ingilterra – Page 6 – One News

Notifiki

Lejn Brexit: Ħafna liġijiet iridu jiġu emendati

Jum wara li l-Prim Ministru Ingliż Theresa May applikat artiklu ħamsin li skatta l-proċess tal-ħruġ tar-Renju Unit mill-Unjoni Ewropea, fil-House of Commons bdiet ħidma sabiex eluf ta’ liġijiet Ewropej jiġu emendati fi ħdan leġislazzjonijiet eżistenti li għandu l-pajjiż.

Dak imlaqqam bħala ‘The Great Repeal Bill’ jinkludi liġijiet sempliċi bħal liġijiet dwar drittijiet tal-ħaddiema, l-ambjent fost l-oħrajn.

Aqra aktar

X’se jiġri mill-Prinċep George?

Tal-Knisja, tal-privat jew tal-Gvern? Mistoqsija diffiċli għall-ġenituri Maltin meta jiġu biex jagħżlu l-ewwel skola għal uliedhom. Deċiżjoni li kellhom jagħmlu ukoll il-ġenituri rjali għal binhom, iżda bid-differenza li għal dawn il-miżata ma kinitx se tkun daqshekk problema biex tiġi mħallsa.

Id-Duka u d-Dukessa ta’ Cambridge se jkunu qed jibgħatu lil Prinċep George fi skola privata f’Londra minn Settembru ta’ din is-sena. Il-ġenituri għazlu l-iskola Thomas’s Battersea li tinsab ftit ‘il bogħod mir-residenza tal-familja, il-Palazz Kensington. Għalhekk, studenti li se jkunu fil-klassi mal-prinċep ċkejken se jkunu jistgħu jgħidu li fil-klassi tagħhom għandhom magħhom prinċep.

Aqra aktar

Dettalji tal-qattiel; kellu 52, missier ta’ tlieta, kien għalliem tal-Ingliż u twieled l-Ingilterra

Huwa Khalid Masood isem il-ġiħadista li qatel tlieta u darab 29 oħra f’Westminster ilbieraħ.

Għandu 52 sena u twieled f’Kent. Qatt ma tressaq b’akkużi relatati ma’ terroriżmu, iżda l-Prim Ministru Theresa May qalet li kien fir-radar tal-MI5 numru ta’ snin. Ma kien hemm ebda sinjal li kien se jwettaq attakk terroristiku.

Madood kien missier ta’ tlieta, kien jgħallem l-Ingliż u kkonverta għall-Iżlam. Kien ukoll body builder.

Minkejja li wettaq numru ta’ reati, u nstab fil-pussess ta’ armi fil-passat, qatt ma kellu akkużi relatati mat-terrur. L-ewwel reat tiegħu wettqu f’Novembru 1983 u l-aħħar wieħed f’Diċembru 2003.

Ilbieraħ ta’ daqqiet ta’ sikkina lill-Pulizija Keith Palmer b’żewġt’iskieken, wara li qatel lill-omm ta’ żewġt’itfal Aysha Frade u turist Amerikan Kurt Cochran.

Omm ta’ żewġt itfal li kienet se tiġbor lil uliedha kienet waħda mill-vittmi

Aysha Frade, Spanjola ta’ 43 sena kienet fi triqitha biex tiġbor liż-żewġt ibniet tagħha ta’ 8 u 11 ‘il sena meta spiċċat maqtula mis-suspettat terrorista iżlamiku bil-karozza.

Kienet waħda mill-erbgħa maqtula fl-attakk tal-bieraħ, u li ħalliet ħafna oħra midruba. Illum il-familja tagħha spjegaw kif jinsabu mkissra u mfarrka b’dak li ġara.

Qarib ta’ din l-omm, John Frade ta’ 43 sena spjega li hekk kif sema’ li l-mara ta’ kuġinuh kienet waħda mill-vittmi spiċċa inħasad immens u qatt ma stenna li xi ħaġa bħal din setgħet tiġri viċin daru.

Aqra aktar

Ħamsa mejta u 40 midruba; l-aggressur ispirat minn terroriżmu internazzjonali

Ħames persuni mietu u mill-inqas erbgħin sfaw midruba wara li persuna b’vann saqet mal-bankina f’Westminster. Ilbieraħ ukoll pulizija miet b’daqqiet ta’ sikkina, u ftit wara l-agressur inqatel b’tiri mill-Pulizija qrib il-Parlament Ingliż.

L-uffiċjal mejjet huwa PC Keith Palmer, ta’ 48 sena, li jidher fir-ritratt hawn taħt. Huwa missier u Pulizija.

Il-Prim Ministru Ingliż Theresa May iddsekriviet l-attakki bħala “sick” u “depraved”, filwaqt li spjegat li jolqtu l-valuri tal-ħelsien, id-demokrazija, u l-libertà tal-espressjoni.

Isem l-agressur għadu ma ġiex komunikat mill-Pulizija. Madanakollu aktar jafu min hu u kien ispirat minn terroriżmu internazzjonali relatat mal-Istat Iżlamiku.

Aqra aktar

AĠĠORNAT: Pulizija u mara fost dawk li tilfu ħajjithom fl-attakk

  • Erba’ persuni tilfu ħajjithom wara li karozza nstaqet fuq folla fuq Westminster Bridge
  • Pulizija u mara fost il-persuni li tilfu ħajjithom fl-attakk
  • Fost il-midruba hemm tliet studenti Franċiżi

L-inħawi ta’ Westminster f’Londra,  li jissimbolizzaw it-tmexxija tar-Renju Unit, sfaw fil-mira ta’ attakk terroristku għal ħabta tal-erbgħa neqsin kwart ta’ waranofsinhar ħin Malti. 

Jidher li minn tal-inqas erba’ persuni, fosthom uffiċjal tal-Pulizija u mara, inqatlu wara li sensiela ta’ tiri minn arma tan-nar instemgħu jidwu madwar Westimnster Bridge barra l-Palazz ta’ Westminster, fejn hemm il-Parlament Ingliż.

Aqra aktar

Fid-29 ta’ Marzu tibda t-triq ‘il barra għar-Renju Unit

Se jkun fid-29 ta’ Marzu li r-Renju Unit jitlob li jidħol fis-seħħ Artiklu 50 tat-Trattat tal-Unjoni Ewropea li jarah jibda t-triq biex ma jibqax membru. 

r-rappreżentant permanenti tar-Renju Unit fl-Unjoni Ewropea, Sir Tim Barrow, informa b’dan lill-Unjoni Ewropea t-Tnejn filgħodu fejn qal li wieħed għandu jistenna l-ittra ta’ May f’dik id-data. Jidher li qabel tibgħat l-ittra May trid tmur l-Irlanda ta’ Fuq u l-Iskozja. 

David Davis, li fil-Kabinett ta’ May huwa responsabbli minn Brexit, qal li dawn se jkunu l-iktar negozjati importanti għall-pajjiż f’ġenerazzjoni.

Is-sbuħija Maltija tkaxkar l-unuri fl-Ingilterra

Is-sbuħija Maltija spikkat f’żewġ konkorsi separati li saru lbieraħ fl-Ingilterra. Dan hekk kif il-mudell Malti Neil Scerri rnexxielu jirbaħ il-konkors internazzjonali tal-moda Top Model Worldwide Search li saret f’Hilton Metropole. Scerri mhux biss intagħżel bħala l-mudell rebbieħ, minn 42 finalist, iżda rnexxielu ukoll jimpressjona fir-ritratti hekk kif rebaħ ukoll il-kategorija Best Photographic Looks.

Aqra aktar

Koppja li qed tistenna tarbija tħejji pjan biex il-missier jingħaqad mal-ISIS

Raġel miżżewweġ intbagħat il-ħabs fuq akkużi terroristiċi wara li pprova jmur fuq ġita lejn is-Sirja biex jingħaqad ma’ Daesh, ISIS. Iżda mhux hu biss ingħata sentenza ta’ ħabs, dan hekk kif martu li qed tistenna tarbija miegħu wkoll spiċċat f’ċella.

Ijaz Khan, ta’ 29 sena, ħejja pjan biex jingħaqad flimkien ma’ membru tal-familja ta’ martu li kien diġà ħarab mill-pajjiż lejn is-Sirja.

Khan kien arrestat fl-Ajruport ta’ Manchester wara li l-Pulizija rċevew informazzjoni li kien qed jippjana biex imur Ateni u wara minn hemm imur is-Sirja.

Aqra aktar

Filmat: hekk ħasibha l-Prinċep William!

Il-prinċep William iffesteġġja bil-kbir hekk kif membri oħra tal-familja rjali kienu qiegħdin fl-isbaħ raqda biex jistrieħu għall-avvenimenti tal-Commonwealth li kienu qiegħdin jistennewhom, imma l-prinċep ma ħasibiex l-istess.

Il-mexxej futur tal-Commonwealth mogħni b’ħafna doni imma żgur mhux ippremjat bid-don taż-żfin. Il-prinċep mar btala bejn l-irġiel u deher jiffesteġġja l-lejl f’post ta’ divertiment tal-iskii f’Verbier l-Iżvizzera.

Aqra aktar

Send this to a friend