Notifiki

Fi ftit sigħat jitneħħew tyres mormija llegalment f’Wied il-Qlejgħa

Numru ta’ tyres li ġew mormija llegalment f’Wied il-Qlejgħa tneħħew kmieni dalgħodu mill-ħaddiema ta’ Parks Malta. Dan l-att irresponsabbli seħħ ftit jiem wara li l-Gvern għamel ftehim mal-għaqda ambjentali Nature Trust biex issir rijabilitazzjoni tal-wied magħruf ukoll bħala Chadwick Lakes.

Fuq il-profil tagħha fuq facebook, il-Ministru Miriam Dalli rreaġixxiet għal dan l-att u qalet li xi ħadd irresponsabbli u egoist mar jarmi l-ħmieġ li seta’ ntrema legalment f’post ieħor. Dr Dalli rringrazzjat il-ħaddiema ta’ Parks Malta li ħadu azzjoni mal-ewwel.

Semmiet ukoll li xi skart kien inġabar u mitfugħ fil-ġenb. Hija staqsiet għalfejn wieħed għandu jħammeġ u talbet għall-koperazzjoni ta’ kulħadd fl-isfond tal-ħidma tal-Gvern biex tinżamm l-indafa fil-widien u jkun hawn iżjed spazji miftuħa.

Bonġu,

Ftit jiem biss wara li ħabbarna ftehim ma’ Nature Trust – FEE Malta biex issir riabilitazzjoni ta’ Chadwick…

Posted by Miriam Dalli on Saturday, February 6, 2021

 

Agħmel rapport jekk tagħraf lil dan ir-raġel

Filmati minn cameras tas-sigurtà juru raġel jarmi skart goff illegalment fi Triq l-Annunzjata, Tas-Sliema.

Id-Diviżjoni tat-Tindif u l-Manutenzjoni qed titlob l-għajnuna tal-pubbliku biex ikun identifikat ir-raġel li wettaq dan ir-reat. Jidher li dan ipparkja l-vann tiegħu viċin ta’ sit ta’ kostruzzjoni u ħalla l-iskart tiegħu biswit dar privata fl-imsemmija triq.

Dawk li għandhom kwalunkwe informazzjoni jistgħu iċemplu lid-Diviżjoni fuq 1718 jew jagħmel kuntatt fuq il-paġna soċjali tagħhom fuq Facebook:

https://www.facebook.com/CleanMalta/

“L-art okkupata minn imnasab hi ikbar mid-daqs tal-Belt Valletta” – Birdlife

  • CABS jgħidu li Segretarju Parlamentari Malti “qed jgħix fis-sħab”

Aktar minn terz tal-imnasab li qed jintużaw tul dan l-istaġun tal-insib fil-ħarifa mhumiex reġistrati u huma illegali, waqt li l-kumplament tas-siti permessi mill-Wild Birds Regulation Unit (WBRU) f’siti Natura 2000 possibbilment imorru kontra r-regolamenti għall-ħarsien tal-ħabitats. Dan qalitu Birdlife Malta fi stqarrija li ppublikat ftit tal-ħin ilu.

BirdLife Malta u l-Kumitat Kontra l-Qtil tal-Għasafar (CABS) ħabbru li llum qed jiżvelaw ir- riżultati ta’ stħarriġ separat li għamlu tul l-istaġun tal-insib tal-2016, “wara diversi rapporti li tressqu quddiem l-awtoritajiet tal-infurzar dwar numru ta’ siti tal-insib madwar Malta u Għawdex”.

Aqra aktar

Send this to a friend