Notifiki

Jum ta’ infurzar mill-awtoritajiet f’diversi lokalitajiet

Tul il-jum tal-Ħadd, diversi uffiċjali mill-awtoritajiet tal-infurzar f’pajjiżna komplew b’ħidmiethom biex jassiguraw li individwi u sidien ta’ stabbilimenti, iħarsu l-miżuri restrittivi mill-awtoritajiet tas-saħħa b’rabta mal-pandemija.

Fost l-oħrajn, il-Ħadd waranofsinhar inqabdu madwar sittin persuna, il-maġġoranza anzjani, waqt logħba tombla fil-Ħamrun, li twaqqfet ħesrem wara rapport li sar lil Transport Malta.

Din l-attività ġiet meqjusa bħala illegali, skont id-direttivi l-ġodda li tħabbru ftit tal-jiem ilu, u l-uffiċjali tal-infurzar immultaw lill-organizzatur.Aqra aktar

Il-Pulizija timmulta numru ta’ persuni li kissru r-regoli fil-Ħamrun u fil-promenades

Matul il-jum tas-Sibt, il-Pulizija ħarrket diversi persuni li ħarġu jiċċelebraw ir-rebħa ta’ Ħamrun Spartans u kisru r-regolamenti maħruġa kontra l-imxija tal-COVID-19.

Il-Pulizija kkonfermat dan fi stqarrija fejn fiha qalet ukoll li apparti għaċ-ċelebrazzjoni fil-Ħamrun, il-Pulizija mmultat ukoll numru ta’ persuni li kienu fi spazji pubbliċi bħal promenades u li kienu fi gruppi akbar minn dak li suppost.

ONE News jinsab infurmat li l-ewwel għan tal-Pulizija fil-Ħamrun kien li tferrex il-gruppi ta’ nies li nġabru qaqoċċa u wara ftit ġie kollox taħt kontroll, tant li filgħaxija kienet lejla kwieta.

Matul l-aħħar jiem intensifikat il-ħidma t’infurzar madwar il-gżejjer Maltin, bil-forzi tal-ordni, uffiċċjali mill-Awtorità Maltija għat-Turiżmu u spetturi tas-Sanità għamlu diversi rondi madwar il-pajjiż kollu fosthom f’residenzi privati.

Fl-istqarrija l-Pulizija qalet ukoll li dawn ir-rondi diġà bdew matul il-ġurnata tal-Ħadd fosthom f’postijiet fejn isiru l-picnics u postijiet oħra li jiffrekwentaw in-nies.

Il-Pulizija qalet li jekk xi ħadd jara min jikser id-direttivi tal-awtoritajiet tas-saħħa b’rabta mal-imxija, wieħed jista’ jirrapporta billi jċempel fuq 21 224 001.

AQRA WKOLL

Spezzjonijiet kontinwi mill-MTA s-Sibt filgħaxija

AĠĠORNAT: Ħadd ma weġġa’ wara ħruġ ta’ gass f’kumpless tal-ħwienet fil-Ħamrun

AĠĠORNAT: Ħadd ma weġġa’ wara ħruġ ta’ gass, aktarx CO2 f’kumpless tal-ħwienet fil-Ħamrun.

Diriġenti tal-kumpless li tkellmu ma’ ONE News qalu li kulħadd ġie evakwat u l-operat tal-kumpless reġa’ kompla normali ftit tal-ħin wara.

Membri tal-Protezzjoni Ċivili assiguraw li m’hemmx periklu.

Għalkemm kien hemm xi rapporti ta’ ħruq, jirriżulta li ma kien hemm l-ebda nirien fil-kumpless Daniel’s.

AKTAR QABEL: Membri tal-Protezzjoni Ċivili jinsabu fil-kumpless tal-ħwienet Daniel’s, fil-Ħamrun fejn intalbet l-assistenza minħabba xamma ta’ gass.

Il-kumpless jinsab fi Triq San Ġużepp fil-Ħamrun u minnufih ġew evakwati n-nies.

Minn informazzjoni li kiseb ONE News ħareġ xi gass fil-kumpless iżda rapporti oħra qed jgħidu li jista’ jkun hemm xi nirien.

Fuq il-post hemm ukoll tim mediku b’ambulanza u anki l-pulizija.

Send this to a friend