ħal luqa – One News

Notifiki

FILMAT: L-Irxoxt ta’ Ħal Luqa jingħata l-kulur

Ingħatat il-kulur l-iskultura fl-injam tal-kewba, xbiha ta’ Ġesù Kristu irxuxtat, b’detallji li tassew jiġbdu l-għajnejn, magħmulha b’tant reqqa mill-iskulturi Għawdxin Michael u Adonai Camilleri Cauchi.

ONE News mar il-garaxx tal-benefattur, Emanuel Ciappara, li fih kien qed isiru l-aħħar irtokki fuq l-istatwa. Hemmhekk stajna naraw ix-xogħol tal-artisti li minn tnaqqix fl-injam, li kien l-aktar proċess diffiċli, iffurmat statwa li tpaxxi l-għajnejn.Aqra aktar

Raġel iweġġa’ gravi waqt li kien qed juża conveyor belt fi stamperija f’Ħal Luqa

Raġel ta’ 30 sena mill-Kosta tal-Avorju qed isofri minn ġrieħi gravi wara li weġġa’ fi stamperija f’Ħal Luqa.

L-inċident seħħ għall-ħabta tat-08:00 tat-Tlieta filgħodu meta r-raġel sofra xi ġrieħi waqt li kien qed jagħmel xi xogħol fuq il-conveyer belt fl-istamperija.

Fuq il-post issejħet ambulanza li ħadet lir-raġel minnufih l-Isptar Mater Dei għall-kura. Aktar tard huwa ġie ċċertifikat li qed isofri minn ġrieħi gravi.

L-investigazzjonijiet tal-Pulizija dwar dan il-każ għadhom għaddejjin.

BIL-FILMAT: Żagħżugħ imut f’inċident ikrah tat-traffiku f’Ħal Luqa

Inċident fatali tat-traffiku erbat ijiem qabel it-tmiem tas-sena ħasad il-ħajja ta’ Nolan Farrugia ta’ 21 sena mis-Siġġiewi.

L-inċident traġiku seħħ bejn mutur u trakk taż-żibel fi Triq Ħal Qormi, Ħal Luqa, tefgħa ta’ ġebla ’l bogħol mill-uffiċċji tal-Korporazzjoni għas-Servizzi tal-ilma.

L-inċident seħħ għall-ħaba tal-10:15am, meta għal xi raġuni seħħet ħabta bejn mutur li kien misjuq mill-vittma u trakk. Fuq il-post intbagħtu ambulanza u ħaddiema tal-Protezzjoni Ċivili biex jassistu lill-vittma. Madankollu ż-żagħżugħ miet mad-daqqa u ġie ċċertifikat mejjet fuq il-post. Sorsi qalu li l-vittma kien ilu xahar biss isuq il-mutur.

Jidher li mal-ħabta, il-vittma, tkaxkar bil-mutur tat-tip tat-tip Kymco Agility, ħabat ma’ trakk tal-kostruzzjoni li kien qed jinstaq minn raġel ta’ 56 sena li jgħix Ħal Għaxaq.  Jidher li l-vittma tkaxkar għal bosta metri qabel ma spiċċa taħt il-bankina. Is-sewwieq tat-trakk deher maħsud bix-xena quddiemu u kellu jingħata għajununa mit-tim mediku li mar fuq il-post biex jassisti lill-vittma.

Sorsi fuq il-post qalu lil one.com.mt li ftit tal-minuti wara li seħħ l-inċident, xufier ta’ karozza tal-Linja li kienet nieżla lejn Ħal Qormi, waqaf biex jagħti l-għajnuna.

Dwar il-każ infetħet inkjesta mmexxija mill-Maġistrat tal-Għasssa Gabriella Vella, waqt li l-pulizija għadha qed tinvestiga l-każ.

Ara wkoll:

Il-vittma huwa Nolan Farrugia ta’ 21 sena- kien ilu jsuq il-mutur xahar biss

 

Send this to a friend