Giovanna Debono – One News

Notifiki

Giovanna Debono fl-attività tal-PN f’Għawdex

Attività politika tal-Partit Nazzjonalista f’Għawdex inbidlet f’tislima lill-eks Ministru Giovanna Debono. Ir-raġel tagħha qed ikun akkużat fil-Qorti ta’ Għawdex li meta hi kienet Ministru kien iħaddem skema ta’ ‘work for votes’, fejn huwa allegat kienu jagħmlu xogħol fil-privat bi pjaċir imħallas minn fondi pubbliċi. Dan għall-kostitwenti ta’ Giovanna Debono li fin-Nadur Chris Said qal selmilha. “Insellem lil Giovanna Debono li qiegħda fostna,” qal Chris Said.

Aqra aktar

Espert tal-Qorti jikkonferma l-firem tar-raġel ta’ Giovanna

Meta kompla jinstema’ il-każ kontra Anthony Debono, ir-raġel tal-eks Ministru ta’ Għawdex, kien ippreżentat rapport ta’ espert tekniku li kkonferma li l-kaligrafija fuq għadd kbir ta’ invoices analizzati kienu tal-istess Debono.

Bħala parti minn proċess biex ikun stabbilit jekk kienx Debono li ffirma ċerti dokumenti relevanti għall-investigazzjoni, kienu analizzati iktar minn elf dokument u fuq 280 minnhom kien hemm il-firma ta’ Anthony Debono. Dawn jikkonfermaw kif kien hu li qed japprova ix-xogħolijiet li saħansitra ssemmew mill-whistleblower fil-każ magħruf bħala ‘work for votes.’

Aqra aktar

Jikkonfermaw xogħol b’intervent tar-raġel ta’ Giovanna…ġieli kellem lill-pulizija

Xhieda kkonfermaw fil-Qorti kif b’intervent ta’ Tony Debono, ir-raġel tal-eks Ministru ta’ Għawdex Giovanna Debono, sarilhom xogħol fi proprjetà tagħhom mingħajr ma ħallsu għalih. L-ewwel żewġ xhieda dalgħodu kellhom kwistjoni b’ħitan fl-għelieqi.

F’każ minnhom fl-għalqa biswit tax-xhud u f’ieħor fil-proprjetà tiegħu. Huma rrakkontaw dwar dan fil-Qorti billi wieġbu d-domandi tal-prosekuzzjoni u dawk tad-difiża, li minbarra li kienet iebsa xi kultant dehret rasha sħuna wkoll. Tant li f’ħin minnhom l-avukat difensur ta’ Tony Debono, Joe Giglio, qal li kellu joħroġ mill-awla għax ma setax jifhem għax il-prosekuzzjoni għażlet li ttella’ x-xhud.

Aqra aktar

Busuttil b’tislima speċjali lil Giovanna Debono

F’Għawdex Simon Busuttil sellem lil ħadd ħlief Giovanna Debono, li qal ‘għamlet xogħol kbir għal Għawdex’.

Ir-raġel tal-eks Ministru jinsab akkużat li x-‘xogħol kbir’ li kienet tagħmel Giovanna, kienet tagħmlu għal nies privati, minn but in-nies.  L-eks Ministru  u żewġha saru wiċċ familjari mal-Qorti t’Għawdex, għaliex Anthony Debono huwa akkużat li kien imexxi dipartiment importanti taħt il-Ministeru, fi żmien li martu kienet Ministru. Kien imexxi dan id-dipartiment b’ċertu awtonomija u lil hinn mir-regoli stabbiliti li Diretturi f’dipartimenti oħra kienu jsegwu.

Aqra aktar

Joġġezzjonaw il-ħruġ ta’ dettalji mill-kontijiet ta’ Giovanna Debono

Id-difiża ta’ Anthony Debono, ir-raġel tal-eks Ministru Giovanna Debono, oġġezzjonat li fil-Qorti jkunu ippreżentat tagħrif minn kontijiet bankarji tal-eks Ministru. Illum kienu lesti biex jixhdu r-rappreżentanti ta’ erba banek ewlieni dwar l-allegat każ ta’ xiri ta’ voti f’Għawdex, iżda eventwalment inqala battibekk bejn il-prosekuzzjoni u d-difiża li wassal biex il-Maġistrat bagħat il-każ lura għand l-Avukat Ġenerali biex jiddeċiedi dwar din ix-xhieda tar-rappreżentanti tal-banek.

Aqra aktar

Send this to a friend