Delia jattakka lura l-pariri Kostituzzjonali li qed jimbuttaw dawk li sfiduċjawh

Fi stqarrija l-Ġimgħa filgħaxija, il-Kap tal-Partit Nazzjonalista Adrian Delia ħareġ jattakka lid-deputati li sfiduċjawh għall-argument tagħhom li l-President ta’ Malta għandu jneħħi lil Delia minn Kap tal-Oppożizzjoni u floku jaħtar lil Therese Comodini Cachia.

B’referenza għall-istqarrija tad-deputati li sfiduċjawh, li qalilhom li mhumiex magħrufa għaliex ivvutaw kontrih f’vot sigriet, Delia qal li mhux xieraq li l-President George Vella jintilef f’dibattitu pubbliku fuq materja sensittiva.

Dan f’kuntest li d-deputati Nazzjonalisti li sfiduċjaw lil Delia ħarġu stqarrija b’pariri Kostituzzjonali li jgħidu li Delia għandu jitneħħa.

Adrian Delia qal li se jibqa’ leali lejn it-tesserati u l-ġurament li ħa bħala Kap tal-Oppożizzjoni.

ARA: Jinġabru aktar minn €6,200,000 fl-Istrina

“Dan huwa l-karattru tal-poplu Malti, dan huwa l-veru poplu Malti ilhi meta jiġi mgħajjat, meta jiġi mgħajjat biex jingħaqad m’hawnx bħalu. Grazzi, grazzi minn qalbi!”

Dawn kienu l-ewwel kelmiet li lissen il-President ta’ Malta George Vella hekk kif sar magħruf li nġabru aktar minn sitt miljun u mitejn elf ewro għall-Istrina.Aqra aktar

Il-President ta’ Malta jerġa’ jappella għall-kalma u biex inħallu l-istituzzjonijiet jaħdmu

F’indirizz qasir lin-nazzjon, il-President ta’ Malta George Vella reġa’ appella għall-kalma f’dan il-mument delikat għall-pajjiżna. “Ningħaqdu biex flimkien, bla ma nħarsu lejn wiċċ ħadd naraw li nħallu l-istituzzjonijiet jagħmlu xogħolhom u li sseħħ il-ġustizzja”, saħaq il-President tar-Repubblika. Dr. Vella żied jgħid li b’hekk biss nistgħu bil-mod il-mod nibdew lura t-triq għan-normalità.

 

Il-President ta’ Malta qal hemm stennija minnu biex ikun strument biex jiġi evitat l-agħar jekk is-sitwazzjoni fil-pajjiż tkompli tiggrava. Tenna li huwa qed jagħmel kollox li titlob il-Kostituzzjoni ta’ Malta. Huwa fakkar li fi stqarrija li ħareġ nhar il-Ħadd li għadda spjega x’inhuma parametri li tħallih taħdem fihom il-Kostituzzjoni ta’ Malta.

Send this to a friend