ferut – One News

Notifiki

AĠĠORNAT: Raġel ta’ 27 sena jinqatel fi sparatura l-Imqabba u ieħor jittieħed l-isptar… il-pulizija tarresta persuni ftit wara l-każ

09:09: Fi stqarrija l-pulizija tgħid li l-vittma huwa raġel ta’ 27 sena u nqatel bi sparatura fl-Imqabba. Qalet li żagħżugħ ieħor ta’ 17-il sena ddaħħal l-isptar. Spjegat kif l-investigazzjonijiet dwar dan il-każ, li qed jitmexxew mill-Iskwadra tal-Omiċidji fi ħdan d-Dipartiment tar-Reati Maġġuri, flimkien mal-Pulizija tad-Distrett, għadhom għaddejjin. Il-pulizija kkonfermat dak li rrapporta ONE News aktar qabel li aktar dettalji se jingħataw waqt konferenza tal-aħbarijiet li se ssir fl-10:30am fid-Depot, il-Floriana.

07:05: ONE News huwa infurmat li l-pulizija arrestat żewġ persuni suspettati li allegatament kienu involuti fil-qtil ta’ raġel. B’rabta ma’ dan il-każ, raġel ieħor ittieħed l-isptar u minn informazzjoni li ksibna ma jinsabx fil-periklu tal-mewt iżda indarab gravi.

Il-pulizija rnexxielha tarresta żewġ persuni f’Ħal Kirkop ftit tas-sigħat wara l-każ li ħalla żewġ kuġini milquta minn sparaturi. Ir-raġel deher mejjet mal-art fi Triq il-Konvoj ta’ Santa Marija, fl-Imqabba iżda mhux eskluż li seta’ miet qabel.

Fil-fatt issemma wkoll li l-isparaturi setgħu seħħew barra l-Imqabba, fil-limiti tal-Qrendi u imbagħad wieħed miż-żewġ persuni milquta baqa’ sejjer l-Imqabba fejn waqaf fi triq li sa ftit tal-ħin kien hemm in-nies qed igawdu spettaklu pirotekniku li kien għaddej bħala parti mill-festival internazzjonali tan-nar.

Nifhmu wkoll li l-isparaturi setgħu saru minn persuna jew aktar li kienu fuq mutur. F’mument minnhom il-karozza Renault li kien fiha l-vittma waqfet fil-post fejn instab mejjet ir-raġel.

Fuq il-post dehret preżenza qawwija tal-pulizija, tim mediku u ambulanzi kif ukoll esperti forensiċi li priservaw ix-xena tar-reat. It-triq ingħalqet mill-pulizija u anki nfetħet inkjesta Maġisterjali. Mhux eskluż ukoll li l-pulizija ssejjaħ lill-ġurnalisti biex tindirizza konferenza tal-aħbarijiet u tispjega d-dettalji tan-natura tal-każ.

00:08: Malti tilef ħajtu fl-Imqabba u ieħor ittieħed l-isptar wara sparatura.

Il-każ seħħ tard l-Erbgħa filgħaxija għall-ħabta tal-11:30pm fi Triq il-Konvoj ta’ Santa Marija fl-Imqabba.

Raġel mejjet fl-Imqabba wara sparatura

Geplaatst door ONE.com.mt op Woensdag 29 juli 2020

Mill-ewwel indikazzjonijiet jidher li kien hemm persuni nvoluti fi sparatura li ħalliet raġel mejjet fuq il-post.

Fuq il-post hemm preżenza qawwija ta’ uffiċjali tal-Pulizija kemm tad-distrett u kif ukoll tar-Rapid Intervention Unit.

Qed jassistu wkoll ambulanzi mill-isptar Mater Dei flimkien ma’ membri mis-Soċjetà tas-Salib l-Aħmar.

Ara wkoll:

DALWAQT: Konferenza tal-aħbarijiet mill-pulizija b’rabta mal-qtil ta’ persuna li nstab mejjet fl-Imqabba

Żagħżugħ ta’ 17-il sena ferut gravi wara li tilef il-kontroll tar-rota u ħabat ma’ ‘bollard’

Żagħżugħ ta’ 17-il sena minn Ħaż-Żabbar qed isofri minn ġrieħi gravi wara li tilef il-kontroll tar-rota li kien qiegħed isuq u ħabat ma’ bollard. 

L-inċident seħħ għall-ħabta tal-10:15pm tat-Tlieta fi Triq Santa Tereża, Bormla. Fuq il-post issejjaħ tim mediku mill-Isptar Mater Dei li ħa lill-vittma l-isptar għal aktar kura. Aktar tard huwa ġie ċċertifikat li qed isofri minn ġrieħi gravi. Aqra aktar

Raġel ferut gravi wara li ttajjar minn karozza f’Ħal Lija

Raġel ta’ 36 sena minn San Pawl il-Baħar spiċċa fertu gravi wara li ntalaqt minn karozza f’Ħal Lija. L-inċident seħħ għall-ħabta tas-6:15pm tal-Ħamis fi Triq il-Mosta, Ħal Lija, meta r-raġel intlaqat minn karozza tat-tip BMW Z4 misjuqa minn raġel ta’ 29 sena minn San Ġwann.

Fuq il-post issejħet ambulanza li ħadet lill-vittma l-isptar Mater Dei biex jingħata l-kura meħtieġa. Aktar tard huwa ġie ċċertifikat li qed isofri minn ġrieħi ta’ natura gravi. L-investigazzjonijiet tal-Pulizija għadhom għaddejjin.

Surġent ferut wara sejba ta’ droga

Waqt ħidma li saret matul il-lejl mill-Iskwadra ta’ Kontra d-Droga, ġew arrestati tmien persuni. Sebgħa persuni Maltin li l-eta` tagħhom tvajra bejn it-18 u s-36 sena, ġew arrestati f’diversi stabbilimenti f’San Ġiljan wara li nstabu fil-pussess ta’ sustanza suspettata kokaina.

Aqra aktar

Send this to a friend