Kingsley Oikhena, ta’ 26 sena min-Niġerja, iżda joqgħod iż-Żejtun, ma ngħatax il-ħelsien mill-arrest wara li ġie mixli li pprova jweġġa’ gravi lil sieħbu li jgħix miegħu, fl-istess appartament. Huwa ġie akkużat wkoll li weġġgħuu ħafif u li kien qed iġorr sikkina fil-publiku mingħajr liċenzja tal-pulizija.
Żagħżugħ ta’ 17-il sena minn Ħaż-Żabbar qed isofri minn ġrieħi gravi wara li tilef il-kontroll tar-rota li kien qiegħed isuq u ħabat ma’ bollard.
L-inċident seħħ għall-ħabta tal-10:15pm tat-Tlieta fi Triq Santa Tereża, Bormla. Fuq il-post issejjaħ tim mediku mill-Isptar Mater Dei li ħa lill-vittma l-isptar għal aktar kura. Aktar tard huwa ġie ċċertifikat li qed isofri minn ġrieħi gravi. Aqra aktar
Raġel ta’ 36 sena minn San Pawl il-Baħar spiċċa fertu gravi wara li ntalaqt minn karozza f’Ħal Lija. L-inċident seħħ għall-ħabta tas-6:15pm tal-Ħamis fi Triq il-Mosta, Ħal Lija, meta r-raġel intlaqat minn karozza tat-tip BMW Z4 misjuqa minn raġel ta’ 29 sena minn San Ġwann.
Fuq il-post issejħet ambulanza li ħadet lill-vittma l-isptar Mater Dei biex jingħata l-kura meħtieġa. Aktar tard huwa ġie ċċertifikat li qed isofri minn ġrieħi ta’ natura gravi. L-investigazzjonijiet tal-Pulizija għadhom għaddejjin.
Waqt ħidma li saret matul il-lejl mill-Iskwadra ta’ Kontra d-Droga, ġew arrestati tmien persuni. Sebgħa persuni Maltin li l-eta` tagħhom tvajra bejn it-18 u s-36 sena, ġew arrestati f’diversi stabbilimenti f’San Ġiljan wara li nstabu fil-pussess ta’ sustanza suspettata kokaina.
Send this to a friend