L-Ewropa se ssabbat il-bieb f’wiċċ it-Turkija?

Nhar it-Tlieta li ġej membri Ewroparlamentari se jiddibattu jekk għandux ikun imwaqqaf immedjatament il-proċess ta’ tkabbir tal-Unjoni li jinkorpora ftehim mat-Turkija.

Membri fi ħdan il-Parlament se jkunu qed jivvotaw favur jew kontra riżoluzzjoni, b’ħafna jinsistu li kunċetti fundamentai bħas-saltna tad-dritt (rule of law), id-drittijiet umani, il-libertà tal-espressjoni, il-libertà fil-mezzi tax-xandir u n-nuqqas ta’ diskriminazzjoni mhumiex suġġetti li dwarhom wieħed għandu jinnegozja.

DAQSHEKK vjaġġar kif ġieb u laħaq lejn pajjiżi Ewropej fejn m’hemmx bżonn viża

L-Unjoni Ewropea żvelat pjanijiet għal sistema ġdida ta’ kontrolli ta’ sigurtà fuq vjaġġaturi li għandhom permess jidħlu l-Ewropa mingħajr viża, fi sforz biex jitwaqqfu l-estremisti.

Persuni minn sittin pajjiż fejn hemm waiver fuq il-visa, inkluż l-Istati Uniti, se jkollhom iħallsu €5 u jimlew dokumenti online. Wara, jingħataw permess jivjaġġaw lejn wieħed mis-26 pajjiż Ewropew li fihom m’hemmx bżonn visa.

Il-Kummissarju responsabbli mis-sigurtà fl-Unjoni Ewropea, Julian King, qal li billi jwaqqfu individwu li għandhom potenzjal joħolqu problemi u jżommuhom milli jersqu lejn l-Ewropa, tkun imtejjba s-sigurtà interna fi ħdan l-Unjoni.

Aqra aktar

Alfred Sant: l-għażla ta’ Trump se taffetwa Brexit

L-Ewroparlamentari Alfred Sant qal li minkejja l-iskuntentizza dejjem tinfirex fl-Ewropa, it-ton prevalenti fl-Unjoni Ewropea huwa kif l-Unjoni tiġi integrata aktar biex jiġi evitat it-tieni Brexit minħabba li dan huwa perikoluż ħafna.

“Dawk li qed jitkellmu favur Ewropa Federali għandhom jikkonsolidaw dak li nkiseb sa issa,” wissa l-Ewroparlamentari Malti Alfred Sant waqt Konferenza dwar il-Brexit, lejlet il-Presidenza ta’ Malta tal-Unjoni Ewropea.   

Aqra aktar

Il-Prim Ministru  tal-Olanda u l-Prim Ministru tas-Slovakja f’laqgħat f’Malta mal-Prim Ministru Joseph Muscat

 

Il-Prim Ministru tal-Olanda Mark Rutte u tas-Slovakja Robert Fico għada se jkunu Malta għal taħdidiet mal-Prim Ministru Joseph Muscat.

Il-laqgħat se jsiru fil-Berġa ta’ Kastilja.

Din hija l-ewwel laqgħa ta’ dak magħruf bħala t-trio tal-Presidenza tal-Kunsill tal-Unjoni Ewropea li se tkun saret f’Malta, qabel ma pajjiżna jieħu f’idejh il-Presidenza f’Jannar li ġej.

Aqra aktar

Ftehim storiku bejn l-UE u l-Kanada se jkun iffirmat għada

L-Unjoni Ewropea u l-Kanada għada jiffirmaw il-ftehim ta’ bejniethom magħruf bħala Comprehensive Economic and Trade Agreement (CETA).

Dan wara li r-reġjun Belġjan Wallonia żamm milli dan il-ftehim iseħħ. Xi ħaġa li setgħet isseħħ hekk kif il-ftehim ta’ negozju mal-Kanada kien jeħtieġ li l-istati kollha tal-Unjoni Ewropea jaqblu miegħu.

Nuqqas ta’ ftehim li kien wera d-diżuappunt għalih anke l-Prim Ministru Joseph Muscat.

Fi tweets, il-President tal-Kunsill Ewropew Donald Tusk, u l-Prim Ministru Kanadiż Justin Trudeau wrew l-ottimiżmu tagħhom li fl-aħħar se jitlaqqa’ Summit li fih mistenni jkun iffirmat dan il-ftehim.

Aqra aktar

Il-pubbliku jixtieq li l-Parlament Ewropew jiddiskuti aktar l-ugwaljanza

Il-pubbliku jagħżel l-ugwaljanza bejn l-irġiel u n-nisa bħala l-aktar suġġett li għandu jingħata prijorita’ fil-Parlament Ewropew, bil-maġġoranza jissuġġerixxu li din għandha tiġi aktar diskussa fuq livell Ewropew. Biex ikun hemm ugwaljanza bejn is-sessi jeħtieġ li l-Parlament jindirizza l-paga ugwali, tiffaċilita bejn ix-xogħol u d-doveri tal-familja u l-ġlieda kontra l-vjolenza domestika. Hekk kif propju mill-illum tissokta l-ħidma fil-Parlament Ewropew, jidher li dan is-suġġett huwa parti mill-aġenda Ewropea u li se nkunu qed naraw proposti leġiżlattivi f’dan ir-rigward.

Aqra aktar

Il-Kummissjoni Ewropea tapprova l-ħolqien tal-Malta Development Bank

Il-Kummissjoni Ewropea sabet li l-pjanijiet ta’ Malta għall-istabbiliment ta’ bank ta’ żvilupp huma konformi mar-regoli tal-UE dwar l-għajnuna mill-Istat.

Il-bank se jwettaq attivitajiet mhux kummerċjali sabiex jiffaċilita l-aċċess għall-finanzjament għall-SMEs u biex jappoġġa l-investiment fl-infrastruttura, mingħajr ma jfixkel indebitament il-kompetizzjoni.

F’Lulju 2016, Malta nnotifikat lill-Kummissjoni bil-pjanijiet biex tappoġġa l-ħolqien tal-Malta Development Bank (MDB) b’injezzjoni ta’ kapital ta’ €200 miljun u garanziji u eżenzjonijiet mit-taxxa b’valur ta’ madwar €55 miljun.

Aqra aktar

Il-viżjoni wara Brexit

L-iktar mexxejja Ewropej b’saħħithom tkellmu dwar il-viżjoni tagħhom għal Unjoni Ewropea mingħajr ir-Renju Unit.

Il-Prim Ministru Taljan Matteo Renzi laqa lill-Kanċillier Ġermaniż Angela Merkel u lill-President Franċiż Francois Hollande fil-gżira Ventotene viċin Napli.

Il-mexxejja ltaqgħu hekk kif is-sens ta’ ewroxettiċiżmu fl-Unjoni Ewropea qiegħed dejjem jikber, filwaqt li tibqa għaddejja l-kriżi tal-immigrazzjoni u dik ekonomika.

Renzi qal li jixtieq jikteb kapitlu għall-futur li jkun iffukat fuq id-difiża komuni, sigurta u tkabbir ekonomiku, speċjalment billi jkun indirizzat il-qgħad fost iż-żgħażagħ.

Aqra aktar

Send this to a friend