Edward Scicluna – Page 7 – One News

Notifiki

“Bi Gvern sod il-pajjiż jirreżisti l-attakki” – JM

Il-Prim Ministru Joseph Muscat saħaq li se tkun qed tingħata importanza lill-kwistjoni tal-Malta Files u l-Gvern se jkun sod fuq id-difiża tas-sistema ta’ tassazzjoni u tar-reġistrazzjoni tal-kumpaniji tal-pajjiż. Il-Prim Ministru tenna li għandna nkunu kburin bis-sistema li għandna f’pajjiżna u li jeħtieġ li nħarsuha.

Il-Prim Ministru spjega li mhux vera li pajjiżna għandu kumpaniji offshore u sigrieta kif qed jiġi rrapportat fl-attakk li qed tagħmel il-midja internazzjonali fuq pajjiżna. Qal ukoll li dan l-attakk ilu jinħema u jaf sar minħabba l-Presidenza Maltija.

Huwa qal li s-sistema finanzjarja ta’ pajjiżna ilha l-istess minn meta sirna membri tal-Unjoni Ewropea u din is-sistema ġiet approvata mill-Kummissjoni Ewropea u l-OECD u għalhekk dan l-attakk għandu l-għan li jagħti daqqa’ lil pajjiżna.

Aqra aktar

Il-miżuri tal-PN jiswew €320 miljun u jdaħħlu lil pajjiżna fl-EDP

Il-miżuri tal-Partit Nazzjonalista jiswew €320 miljun u jdaħħlu lil pajjiżna fi proċedura ta’ defiċit eċċessiv (EDP).

Spjega dan il-Minsitru Edward Scicluna, li f’konferenza tal-aħbarijiet fisser, miżura b’miżura, dak li qed jipproponi Gvern Laburista u dak li qed jgħid li se jagħmel Gvern Nazzjonalista. Dan tal-aħħar qed jipproponi miżuri li saħansitra mhumiex costed jew sostenibbli.

Il-Ministru Scicluna qal li l-elettorat irid jevalwa l-miżuri li ilu jisma’ bihom permezz ta’ tliet kriterji. Irid isaqsi kemm se jiswew, jgħinux lil min għandu ħafna flus jew inkella lil min hu fil-bżonn, u kemm se jibbenefikaw bies minnhom.

Aqra aktar

B’Busuttil fit-tmun, it-tbassir tal-Kummissjoni Ewropea jista’ jisfa fix-xejn

It-tbassir li għamlet il-Kummissjoni Ewropea għal pajjiżna huwa xhieda li l-proposti li għamel u wettaq il-Partit Laburista wasslu għas-suċċess. Iżda jekk wieħed jagħżel li jbiddel ir-rotta, dan kollu jista’ jintilef.

F’konferenza tal-aħbarijiet, il-Ministru Edward Scicluna spjega li t-tbassir li għamlet l-Kummissjoni huwa wieħed aktar pożittiv minn ta’ qabel. Dan it-tbassir juri li t-tkabbir ekonomiku ta’ pajjiżna qed ikompli jiżdied u l-qgħad qed ikompli jinżel.

Aqra aktar

Ħaddiema tal-korpi u oħrajn se jaraw l-inġustizzji tal-passat indirizzati

Waħda mill-miżuri li tħabbru fil-budget ta’ 2017 kienet illi jkun hemm fond apposta biex jindirizza dawk l-anomaliji tal-passat li sarrfu f’inġustizzji għal bosta persuni.

Dan flimkien ma’ proposta oħra li kienet fil-manifest elettorali ta’ dan il-Gvern fejn intqal li dawn l-aggravji se jkunu indirizzati magħtul il-medda tas-snin.

Kien għalhekk illi din is-sena ġew imwarrba tmin miljun ewro sabiex jibdew jingħataw xi pagamenti bl-aktar mod kontabbli u trasparenti.

Waqt konferenza tal-aħbarijiet il-Minsitri Michael Farrugia u Edward Scicluna spjegaw li l-gruppi ta’ ħaddiema identifikati  li se jkunu qed jidħlu f’din l-iskema huma kif ġej:

  1. Ex ħaddiema tal-korpi li kienu qed jagħtu servizz  lill- dipartimenti tal-Gvern qabel 1979, iżda li kienu bdew jaghmlu parti mis-servizz pubbliku wara Jannar tal-1979;
  2. Ex ħaddiema tax-xatt li kellhom liċenzja biex jahdmu bejn l-4 t’April 1973 u l-1 ta’ Ġunju 2009;
  3. Uffiċjali tal-korp tal-pulizija fir-ranks ta’ kuntistabbli, surġent jew surġent maġġur li ma tħallsux ghal overtime li ghamlu bejn 1 ta’ Jannar 1993 u l 31 ta’ Diċembru 2009;
  4. Ex ħaddiema tal-Malta Electricity Board;
  5. Possibiltà ta’ ħaddiema oħra

Aqra aktar

Wegħda mwettqa għall-ġenituri li jridu jittrasferixxu n-negozju lit-tfal

Ilum tnediet skema li kienet mħabbra fl-aħħar Baġit, jiġifieri t-tnaqqis tal-boll, minn 5% għal 1.5%, għal meta ġenitur jittrasferixxi n-negozju lit-tfal tiegħu. Dan għandu jgħin ħafna negozji tal-familja biex jibqgħu mexjin ’il quddiem.

Ħabbru t-tnedija l-Minsitri Chris Cardona u Edward Scicluna.

Il-Ministru Cardona qal li kif ħareġ ċar mir-riċerka u konsultazzjoni pubblika,  is-suċċessjoni tan-negozji tal-familja hija l-aktar proċess ta’ sfida li n-negozji tal-familja jkollhom jgħaddu minnu minħabba li, jekk ma jsirx tajjeb, jista’ jirriżulta t-tmiem tan- negozju tal-familja.

Aqra aktar

Send this to a friend