L-Amerka uffiċjalment reġgħet saret firmatorja tat-trattat ta’ Pariġi dwar it-tibdil fil-kliem.Aqra aktar
Donald Trump b’attakk personali lejn eks-kollega Repubblikan McConnell
L-eks President Amerikan Donald Trump infexx f’attakk personali lejn is-Senatur Repubblikan Mitch McConnell.Aqra aktar
Is-Senat Amerikan ma jsibx ħati lil Trump b’rabta mal-irvellijiet fil-Capitol Hill
Is-Senat Amerikan ma sabx lil Donald Trump ħati li inċita l-vjolenza u instiga l-irvellijiet li seħħew lejn tmiem it-terminu Presidenzjali tiegħu, fil-Capitol Hill. Waqt is-smigħ tal-ġuri fis-Senat, wara li fil-Kamra tar-Rappreżentanti, Trump ġie impeached għat-tieni darba, is-Senat reġa’ ħelisha lil Trump.
Dik deskritta bħala rebħa għal Trump waslet wara li numru sew ta’ Repubblikani ma vvutawx biex Trump jinstab ħati. Fil-fatt kien hemm bżonn 17-il Senatur Repubblikan li jivvutaw kontra Trump. Il-maġġoranza tas-Senaturi sabu lill-eks President Amerikan ħati iżda biex xi ħadd jinstab ħati kien hemm bżonn żewġ terzi tas-Senaturi li jivvutaw favur il-ħtija ta’ Trump. Fil-fatt kienu 57 Senatur li sabu lil Trump ħati kontra 43 Senatur li sabuh mhux ħati.
B’dan l-iżvilupp l-eks President Amerikan jista’ jerġa’ jikkontesta l-elezzjoni Presidenzjali tal-2024. Dan kien l-iktar ġuri ta’ impeachement qasir fl-istorja politika Amerikana hekk kif ġie konkluż f’ħamest ijiem.
Fis-6 ta’ Jannar, waqt attività politika barra l-White House f’Washington DC, Trump u wliedu fost oħrajn appellaw lill-folla quddiemhom biex ma jċedux u ma jaċċettawx ir-riżultat tal-elezzjoni Presidenzjali mirbuħa minn Joe Biden. Trump kien talab lin-nies biex jiġġieldu għall-kawża tiegħu. Trump baqa’ sal-aħħar ma jikkonċedix u anki ħadha kontra Mike Pence, dak iż-żmien il-Viċi President tal-Istati Uniti.
Fil-ħin li l-Kungress Amerikan kien qed jiċċertifika r-riżultat tal-elezzjoni, numru ta’ dimostranti favur Trump taw is-salt u daħlu fil-Capitol Hill, il-binja fejn hemm il-qalba tal-Gvern Amerikan. F’dawn l-irvellijiet mietu ħames persuni.
Id-Demokratiċi Amerikani jwissu li Trump jista’ jerġa’ jinstiga l-vjolenza jekk ma jaffaċċjax l-ġustizzja dwar l-irvellijiet ta’ Jannar
Id-Demokratiċi Amerikani qed jitolbu biex l-eks President Donald Trump jinżamm responsabbli tal-irvellijiet imdemmija f’Capitol Hill f’Jannar li għadda, għaliex jekk le, l-istorja kapaċi tirrepeti ruħha.Aqra aktar
Is-Senat Amerikan jgħaddi l-proċess għall-impeachment kontra Trump
Is-Senat Amerikan ivvota biex jibqa’ għaddej il-proċess kontra l-eks president tal-Istati Uniti Donad Trump b’rabta mal-irvellijiet imdemmija f’Capitol Hill f’Jannar li għadda.Aqra aktar
Is-Summit dwar il-klima jista’ jkun ‘l-aħħar ċans’ għad-dinja
Kelliem għall-Gvern Amerikan dwar it-tibdil fil-klima qal li s-Summit dwar il-Klima tan-Nazzjonijiet Uniti li se jsir f’Novembru li ġej fir-Renju Unit huwa l-aħħar ċans sabiex jiġu evitati l-konsegwenzi ambjentali globalment.Aqra aktar
It-tieni impeachment kontra Trump jitressaq quddiem is-Senat
Membri mill-Kamra tad-Deputati fl-Amerika ressqu d-dokumenti tal-impeachment kontra l-eks President tal-Istati Uniti Donald Trump quddiem is-Senat.
Id-disa’ membri, li ġew maħtura mill-Ispeaker tal-Kamra Nancy Pelosi, wasslu d-dokumenti t-Tnejn filgħaxija.
L-impeachment kontra Trump tressaq dwar akkużi li hu kien inċita l-attakki fatali li saru nhar is-sitta ta’ Jannar fil-Capitol Hill.
Għalhekk, b’dan il-pass issa formalment jibda l-proċess tas-Senat kontra l-eks President, u li mistenni jibda x-xahar id-dieħel.
Il-proċess fis-Senat jieħu l-forma ta’ ġuri.
Il-Kamra tad-Deputati tat it-tieni impeachment lil Donald Trump nhar it-tlettax ta’ Jannar, ġimgħa qabel ma uffiċjalment ħalla l-kariga.
Trump huwa l-ewwel President fl-istorja tal-Istati Unti li ngħata żewġ impeachments waqt li kien qed iservi fl-ogħla kariga fil-Whitehouse.
L-amministrazzjoni ta’ Biden ser tirrevedi l-ftehim ta’ Trump mat-Taliban
L-amministrazzjoni tal-President Amerikan il-ġdid Joe Biden, ser tkun qed tirrevedi l-ftehim li Trump għamel mat-Taliban.Aqra aktar
Joe Biden beda jreġġa’ lura deċiżjonijiet ta’ Trump
Ftit tal-ħin wara li ħa l-ġurament biex sar is-46 President tal-Amerika, Joe Biden iffirma 15-il ordni eżekuttiva.Aqra aktar
Donald Trump iħalli l-White House għall-aħħar darba bħala President tal-Amerka
Għall-ħabta tat-8:00 ta’ filgħodu ħin Amerikan, Donald Trump deher iħalli l-White House flimkien ma’ martu Melania bil-ħelikopter tal-Marine One. Minn hawn huwa niżel fil-bażi militari ta’ Andrews f’Maryland.Aqra aktar