BIL-FILMAT: Nazzjonalisti ta’ Delia jkomplu jintwerew il-bieb ta’ barra

Nazzjonalisti li kienu jappoġġjaw lill-eks Kap Nazzjonalista Adrian Delia qed ikomplu jkunu murija l-bieb ta’ barra tad-Dar Ċentrali.  Fosthom l-eks membru fil-Kumitat Sezzjonali Nazzjonalista f’tas-Sliema Tony Galea li spiċċa fil-mira tal-fazzjoni Busuttil u tqaċċat ukoll mis-sala tal-għadd tal-voti.

Żvelat dan il-gazzetta ‘Kullħadd’ li spjegat kif Galea ġie sfiduċjat mir-rappreżentanti tal-Partit Nazzjonalista stess fil-Kummissjoni Elettorali.  Dan bl-iskuża li qalu li huwa “wisq partiġjan.”

Aqra aktar

RIŻENJA WARA LI GRECH SAR KAP: “Mela l-PN tar-Repubblika u tal-Occupy Justice?” – Deborah Mifsud

Deborah Mifsud, li ftit sigħat wara li Bernard Grech laħaq Kap tal-Partit Nazzjonalista ħabbret li mhux se tibqa’ tirrappreżenta l-partit fil-Kunsill Lokali ta’ Birkirkara, staqsiet x’riedet il-klikka li reġgħet ħakmet il-partit.

Mifsud qalet, “Il-klikka taf x’iridu? Li r-Repubblika tieħu over. Mela l-Partit Nazzjonalista tar-Repubblika? Mela l-Partit Nazzjonalista tal-Occupy Justice?”Aqra aktar

Daqshekk deputati tal-PN fil-Palazz ta’ Sant’Anton… l-attenzjoni ddur fuq id-Dar Ċentrali

20:40: L-attenzjoni ddur fuq id-Dar Ċentrali hekk kif barra l-istamperija bdew jinġabru n-nies ta’ Delia. Dawn l-attivisti u tesserati Nazzjonalisti jinsabu bir-ragħwa f’ħalqhom u esprimew ir-rabja tagħhom mal-ġurnalist Brian Hansford. Nies ta’ Delia nstemgħu jidgħu u jgħidu kliem faħxi wara li deputati Nazzjonalisti marru għand il-President ta’ Malta biex dan jaħtar lil Therese Comodini Cachia bħala Kap tal-Oppożizzjoni.

20:35: Nifhmu li għal-lejla daqshekk laqgħat bejn il-President ta’ Malta u deputati Nazzjonalisti. Illum il-President ta’ Malta George Vella tkellem ma’ għaxar deputati u għada mistenni jitkellem ma’ 20 deputat u filgħaxija, jekk ikun il-każ, mistenni joħroġ stqarrija bl-isem tal-Kap tal-Oppożizzjoni l-ġdid.

19:59: Għadu kif deher dieħel għal-laqgħa mal-President ta’ malta, id-deputat Nazzjonalista Mario Demarco.

19:25: Jidher ukoll li waslu wkoll Karl Gouder u Jason Azzopardi.

19:04: Deputati Nazzjonalisti oħra ntlemħu fil-Palazz ta’ Sant’Anton huma Ivan J. Bartolo, Beppe Fenech Adami u Hermann Schiavone.

18:44: Għall-ħabta tas-sebgħa neqsin kwart tal-lejlal-Palazz tal-President f’Sant’Anton id-deputati Nazzjonalisti Beppe Fenech Adami u Ivan Bartolo. Iż-żewġ deputati ħarġu wara kwarta mil-laqgħa mal-President George Vella.

 

Aktar kmieni: Għall-ħabta tal-erbgħa nieqes għoxrin dehru deħlin fil-Palazz id-deputati nazzjonalisti Claudette Buttigieg u Chris Said sabiex jipproponu l-isem ta’ Therese Comodini Cachia biex tkun il-Kap tal-Oppożizzjoni l-ġdid flok Adrian Delia.

Ftit tal-ħin wara Delia deher ukoll dieħel fil-Palazz għal-laqgħa mal-President fejn ħareġ wara madwar siegħa.

Matul il-jum tal-Ħamis One.com.mt ħabbar kif Il-fazzjoni ta’ Simon Busuttil li sfiduċjat lil Adrian Delia minn Kap Nazzjonalista, bħalissa tinsab f’konfużjoni u f’paniku hekk kif riedet isem ieħor.

Iżda, il-kobba mistennija titħabbel iżjed hekk kif is-sorsi ta’ ONE News fost iż-żewġ fazzjonijiet fil-Partit Nazzjonalista qed jgħidu li hemm deputati fost id-dsatax li sfiduċjaw lil Adrian Delia fil-lejl ta’ bejn it-Tlieta u l-Erbgħa, li biddlu fehmthom.

Bil-kundizzjoni li tibqa’ anonima, persuna qrib il-fazzjoni Delia qalet lil ONE News li dan l-iżvilupp qajjem iżjed paniku fost il-fazzjoni ta’ Simon Busuttil li trid tassigura u ssostni s-saħħa numerika wara Therese Comodini Cachia.

Dan kollu qed jitpoġġa f’kuntest li Claudio Grech kien il-kandidat oriġinali għall-kariga ta’ Kap tal-Oppożizzjoni u li daqq l-irtirata wara li l-affarijiet komplew jikkumplikaw ruħhom u ma riedx joħroġ għonqu f’din il-konfużjoni sħiħa.

Fid-dawl li ttieħed vot sigriet biex ġie sfiduċjat Adrian Delia, il-President ta’ Malta mistenni jitkellem ma’ kull deputat fuq il-bank tal-Oppożizzjoni, inkluż ma’ Marlene Farrugia u Godfrey Farrugia li wkoll kienu ġew eletti f’dik meqjusa bħala l-koalizzjoni ta’ konfużjoni.

BREAKING: Adrian Delia sfiduċjat… 19-il deputat kontrih

1:40: Il-ġurnalisti daħlu fid-Dar Ċentrali fejn Adrian Delia mistenni jindirizza konferenza tal-aħbarijiet.

1:22: Minn ħin għall-ieħor il-ġurnalisti qed jistennew lil Adrian Delia biex joħroġ jagħti kummenti. Clyde Puli saħaq li għandu jitkellem Delia u anki toħroġ stqarrija.

1:15: Dehru ħerġin numru ta’ deputati Nazzjonalisti. Uħud ġew mgħajjra tradituri minn partitarji Nazzjonalisti ta’ Delia u deputati oħrajn, magħrufa li jappoġġjaw lil Delia ntlaqgħu minn ċapċip. Fost oħrajn, l-attivisti Nazzjonalisti li jinsabu barra nfexxew jgħajtu u jgħajru bi tradiment hekk kif ħareġ Claudio Grech. Min-naħa l-oħra bdew iċapċpu hekk kif ħareġ Clyde Puli.

1:05: Attivisti u tesserati Nazzjonalisti ta’ Delia jinsabu diżullużi u rrabjati. Instemgħu jgħajtu hekk kif ONE News żvela li 19-il deputat sfiduċja lil Adrian Delia. “Issa tieħduh il-vot”, instemgħet waħda mit-tesserati hekk kif barra d-Dar Ċentrali żdiedet it-tensjoni.

0:58: Sorsi fil-laqgħa qalu li 19-il membru parlamentari sfiduċja lil Adrian Delia. Kienu 11-il deputat li vvutaw favur Delia.

0:50: ONE News jinsab f’pożizzjoni li jiżvela li bħalissa għaddeja l-votazzjoni ta’ sfiduċja f’Adrian Delia. Is-sorsi tagħna fil-laqgħa qalu li d-deputati qed jivvutaw bħalissa.

00:45: Il-partitarji u t-tesserati li jinsabu barra d-Dar Ċentrali u li jappoġġjaw lil Adrian Delia qed juru l-għadab u r-rabja tagħhom għad-deputati Nazzjonalisti li baqgħu qatt m’aċċettaw li Delia ġie elett demokratikament mit-tesserati. “Aħna għażilnih Kap u ħadd ma jneħħih jekk mhux aħna”, instema’ wieħed jgħid, b’attivist ieħor talbu biex ibaxxi leħnu hekk kif resqu lejh xi ġurnalisti li hemm barra d-Dar Ċentrali. Dan kollu qed iseħħ fl-isfond li l-grupp parlamentari Nazzjonalista mistenni jressaq vot minn ħin għall-ieħor biex jisfiduċja lil Delia u li dwar il-vot hemm kwistjoni taħraq jekk għandux ikun vot sigriet jew le.

00:35: Barra d-Dar Ċentrali tinħass ċerta stennija għall-eżitu tal-vot ta’ sfiduċja f’Adrian Delia. Numru mdaqqas ta’ partitarji u attivisti Nazzjonalisti ta’ Adrian Delia jidhru anzjużi. Jeżisti kordinament ta’ kif se joħorġu n-nies mid-Dar Ċentrali li tinsab imsakkra, bl-uffiċjali tas-sigurtà tal-Partit Nazzjonalista jinsabu hemm għal-lest li jista’ jinqala’. Sa issa s-sorsi tagħna qed jibqgħu jgħidu li kompliet tisħon il-qiegħa dwar kif għandu jittieħed il-vot ta’ sfiduċja fil-Kap. Adrian Delia qed jibqa’ jsostni li ma jitteħidx vot sigriet.

00:15: Nifhmu li l-pulizija tista’ tkun qed teskorta lid-deputati Nazzjonalisti wara l-vot ta’ sfiduċja f’Adrian Delia. Sadanittant, il-partitarji Nazzjonalisti li jappoġjaw b’ruħhom u b’ġisimhom lil Adrian Delia għadhom barra jistennew xi aħbar dwar il-Kap tagħhom. Jeżisti wkoll pjan biex jiġi eskortat Adrian Delia wara l-laqgħa tal-grupp parlamentari Nazzjonalista.

23:40: Issa l-laqgħa ilha għaddejja għal madwar erba’ sigħat u ġiet innutata iżjed preżenza ta’ pulizija barra d-Dar Ċentrali. Il-bieb prinċipali tad-Dar Ċentrali huwa msakkar u ntlemaħ uffiċjal tal-pulizija jidħol fil-binja tal-istamperija minn bieb ta’ garaxx fil-ġenb.

23:15: Adrian Delia qed jinsisti li l-vot ta’ sfiduċja fih għandu jittieħed fil-miftuħ u mhux permezz ta’ vot sigriet. “Bix-show of hands”, ġie kwotat jgħid Delia mis-sors ta’ ONE News fil-laqgħa taħraq. Fil-fatt issa l-laqgħa kompliet tisħon u jidher li hemm diskussjoni mqanqla u ħarxa dwar jekk il-vot għandux ikun wieħed sigriet jew id-deputati għandhom juruh fil-miftuħ jekk għandhomx fiduċja jew le fil-Kap Adrian Delia.

22:50: Is-sorsi tagħna jgħidu li ġiet imfassla l-mistoqsija ta’ sfiduċja f’ Adrian Delia.

22:15: Minn ħin għall-ieħor mistenni jittieħed il-vot ta’ sfiduċja permezz ta’ vot sigriet. Is-sorsi ta’ ONE News fil-laqgħa mifnija bil-ġlied qed jgħidu li dan il-vot huwa imminenti li jittieħed wara li Adrian Delia baqa’ jirrifjuta li jirriżenja minn jeddu. Nifhmu li saret pressjoni biex Delia jitlaq bil-kwiet, bil-Kap Nazzjonalista juri li mhux se jċedi.

22:00: Id-deputat Nazzjonalista Therese Comodini Cachia tgħaddi botti lil Adrian Delia fuq il-profil tagħha fuq facebook. Fuq il-midja soċjali ssib l-appoġġ tad-deputat Nazzjonalista Jason Azzopardi. Hija qalet li l-ġurnalisti u s-sorsi tagħhom m’għandhomx ikunu fil-mira. Dan wara li t-Times irrappurtat komunikazzjoni kontinwa bejn Adrian Delia u Yorgen Fenech wara li kien magħruf li n-negozjant Fenech huwa s-sid tal-kumpanija 17 Black.

21:50: Attivisti Nazzjonalisti li jappoġġjaw lil Adrian Delia wrew l-għadab tagħhom għad-deputati Nazzjonalisti li qed jagħmlu ħsara lil Kap. Dawn huma siltiet minn kummenti tal-attivisti ma’ Brian Hansford.

Aktar kmieni:

ONE News jista’ jiżvela li quddiem il-grupp parlamentari Nazzjonalista se titressaq mozzjoni biex jitressaq vot ta’ sfiduċja fil-Kap Adrian Delia.

Wara li din il-mozzjoni mistennija tgħaddi, jittieħed il-vot ta’ sfiduċja fil-Kap b’vot sigriet minn fost il-grupp parlamentari Nazzjonalista.

Is-sorsi ta’ ONE News fil-laqgħa qalu li l-laqgħa tal-grupp parlamentari li sa issa ilha għaddejja tliet sigħat hija kkaratterizzata minn ġlied.

Adrian Delia huwa Kap tal-Partit Nazzjonalista u Kap tal-Oppożizzjoni li qed jaffaċċja pressjoni permezz ta’ vot ta’ sfiduċja wara rapport tat-Times il-Ħadd li għadda li fih ġew ippubblikati messaġġi u komunikazzjoni kontinwa bejn Delia u s-suspettat mandant fil-qtil ta’ Daphne Caruana Galizia, Yorgen Fenech.

Dawn il-messaġġi saru wara li sar magħruf li Yorgen Fenech huwa s-sid tal-kumpanija 17 Black. Barra d-Dar Ċentrali, tispikka preżenza tal-pulizija u n-nies u attivisti Nazzjonalisti leali lejn Adrian Delia.

Fil-fatt tal-fazzjoni Delia mmobilizzaw in-nies biex dawn imorru l-istamperija llejla u jesprimu l-appoġġ għall-Kap. Dawn in-nies instemgħu jgħajtu li min qed jagħmel ħsara u deni lil Delia minn għada mhux se jibqgħu hemm.

Din kienet referenza ċara għal dawk id-deputati tal-fazzjoni ta’ Simon Busuttil li jridu jtajru lil Kap Adrian Delia.

BIL-FILMAT: Deputati Nazzjonalisti jiltaqgħu fid-Dar Ċentrali u jisfidaw lil Delia

 

22:30: Adrian Delia jiżgiċċa u ħareġ minn bieb tal-ġenb. Filwaqt li meta nfetaħ il-bieb tad-Dar Ċentrali l-ġurnalisti miġburin barra ngħataw l-impressjoni li l-Kap ħiereġ mill-bieb prinċipali u jagħti l-kummenti u jwieġeb il-mistoqsijiet tal-ġurnalisti, f’daqqa waħda ngħalaq il-bieb prinċipali u ntfew id-dwal. Nies li jkunu s-soltu ma’ Delia ngħaddilhom messaġġ biex jitilqu l’hemm.

22:20: Barra d-Dar Ċentrali nġabru nies ta’ Delia, u nfetaħ il-bieb prinċipali tal-istamperija. Stennija jekk hux se joħroġ il-Kap Adrian Delia jagħti kummenti.

22:00: Numru ta’ deputati Nazzjonalisti dehru ħerġin. Ħarġu f’daqqa flimkien, Jason Azzopardi, David Thake u Jason Azzopardi. Ħadd minnhom ma kkummenta iżda kemm Azzopardi u anki Aquilina dehru jitbissmu.

21:15: Adrian Delia deher jidħol fil-laqgħa li damet tliet sigħat.

Aktar kmieni: Numru ta’ Deputati Nazzjonalisti llejla ltaqgħu mingħajr il-Kap Nazzjonalista wara r-rapport tat-Times li Adrian Delia kellu komunikazzjoni kontinwa mas-suspettat mandant tal-qtil ta’ Daphne Caruana Galizia, Yorgen Fenech.

Ir-rapport tat-Times jgħid li Delia kellu messaġġi ma’ Fenech wara li kien magħruf li n-negozjant huwa s-sid tal-kumpanija 17 Black,

Din il-laqgħa qed issir anki jekk il-Kap Adrian Delia ħareġ stqarrija l-Ħadd filgħodu jsostni li se jlaqqa’ grupp parlamentari aktar tard din il-ġimgħa, iżda ċertu deputati ħassew li għandhom jiltaqgħu xorta mingħajru mill-aktar fis, f’mossa meqjusa bħala waħda ta’ sfida għall-Kap.

Fost id-deputati preżenti f’din il-laqgħa mingħajr Delia hemm Jason Azzopardi, Karol Aquilina, Beppe Fenech Adami, Ryan Callus, Ivan Bartolo, Karl Gouder, Claudette Buttigieg, Kevin Cutajar, Chris Said, Claudio Grech, Stephen Spiteri, Mario de Marco, David Thake, Roberta Metsola, David Casa, Kristy Debono u Herman Schiavone.

Dawn l-aħħar żewġ deputati kienu meqjusa bħala deputati leali lejn il-fazzjoni Delia iżda fl-aħħar ġimgħat kompla joħroġ ċar li qed jiddistakkaw ruħhom mill-Kap.

Il-kumplament tad-deputati ġejjin mill-fazzjoni ta’ Simon Busuttil u fi Frar li għadda kienu parti minn dawk imsejħa bħala s-sbatax-il eroj blu.

Għal-laqgħa ma jidhirx li hemm lanqas iż-żewġ Viċi-Kapijiet tal-Partit Nazzjonalista.

Il-Ħadd filgħodu t-Times irrappurtat ukoll li bosta deputati kienu rrabjati għall-aħħar rapporti żvelati minn Delia, iktar u iktar għaliex sa ftit tal-jiem ilu, Delia ċaħad li kellu kuntatt ma’ Yorgen Fenech wara li kien magħruf li huwa s-sid ta’ 17 Black.

Dawn id-deputati jinsabu rrabjati għaliex qed isostnu li Delia gideb u wisq iżjed gideb lilhom.

Kif sar magħruf li għaddejja din il-laqgħa, barra d-Dar Ċentrali nġemgħu xi nies ta’ Delia u li dawn dejjem ġie bżonnhom il-Kap meta kien hemm min ried itajjarlu rasu.

Il-bieb prinċipali tal-istamperija huwa magħluq iżda ċertu deputati dehru deħlin mill-entratura tal-medialink.

Dan l-aħħar żvilupp isegwi dak li ġara sa żewġt iħdud ilu meta f’laqgħa storbjuża, Delia affaċċja Deputati wara allegazzjonijiet serji li saru li hu ġie offrut flus m’għand Yorgen Fenech biex il-kampanja ta’ David Casa tkun imminata u dan ma jitlax fil-Parlament Ewropew fl-aħħar elezzjoni li saret f’Mejju tas-sena l-oħra.

Din l-allegazzjoni saret minn David Thake, illum deputat tal-Partit Nazzjonalista u ssemma wkoll Pierre Portelli.

 

Mill-grupp tal-PN: Said urtat b’Mifsud Bonnici

Fost l-argumenti li qamu f’laqgħa tal-Grupp Parlamentari Nazzjonalista li saret ilbieraħ reġa’ kien hemm ieħor ma’ Chris Said. Id-Deputat Għawdxi li fl-aħħar ġimgħat kien iebes fi kliemu kontra l-Kap Adrian Delia jidher li kien imwarrab meta l-PN ġie biex jieħu l-pożizzjoni tiegħu dwar l-emendi fuq il-ħatra tal-Avukat Ġenerali. Saħansitra, Chris Said qal li jħossu mweġġa’ bil-fatt li kien injorat u l-anqas ikkonsultat dwar x’pożizzjoni għandu jieħu l-Partit Nazzjonalista fuq il-bidliet li qed jipproponi l-Gvern.

Fil-fatt, f’isem il-PN fil-Parlament, tkellem fit-tul Carm Mifsud Bonnici, eks Ministru tal-Ġustizzja li llum huwa l-kelliem ewlieni għall-Affarijiet Barranin. Mifusd Bonnici huwa qrib ħafna ta’ Adrian Delia u kien il-bniedem li ġie kkonsultat meta Delia keċċa għal ftit żmien lil Simon Busuttil mill-grupp parlamentari.

Fil-fatt fil-Parlament kien l-istess Mifsud Bonnici li tkellem fit-tul u ħabbar li l-Oppożizzjoni Nazzjonalista se tivvota kontra minkejja li Chris Said huwa r-rappreżentant tal-PN fuq kumitat għall-bidliet tal-kostituzzjoni.
Dan kien biss battibekk wieħed minn laqgħat li tant kienet taħraq li kellha tiġi aġġoranta għal lum. Bl-aħbar ewlenija tkun li din kienet laqgħa inkonklussiva li li ma waslet għal imkien.

JISPLODU L-VALUR TAL-BINI BIEX ISERRĦU MOĦĦ IL-PARTITARJI

  • Jgħidu li għandhom b’€25 miljun meta għandhom BI €13.9 miljun

Quddiem kriżi finanzjarja mingħajr preċedent l-establishment tal-Partit Nazzjonalista għamel sforz biex juri lill-partitarji li minkejja li żdiedu d-djun il-partit għandu biżżejjed assi biex jagħmlu tajjeb għal dak li jista’ jinqala’.

Fi kliem ieħor biex iwassal il-messaġġ li jekk hemm bżonn iktar x’jinbiegħ dan ikun jista’ jsir fiż-żmien li ġej għax hemm minn fejn.

Biex għamel dan ma’ The Malta Independent il-Partit Nazzjonalista qal li għandu assi li jlaħħqu l-valur ta’ €25 miljun, iżda l-kontijiet ippreżentati quddiem il-Kummissjoni Elettorali stess juru mod ieħor.Aqra aktar

SKUMDITÀ KBIRA TIRRENJA FIL-PN DWAR IL-LIĠI TAL-UGWALJANZA

Iktar deputati tal-Partit Nazzjonalista qed jagħmlu dikjarazzjonijiet li juru kemm huma skomdi bil-liġi tal-ugwalanza fiż-żwieġ.

Xi ħaġa li mhix sorpriża wara li l-gazzetti tal-Ħadd irrapportaw kif laqgħa tal-grupp Parlamentari dwar is-suġġett kienet waħda taħraq għaliex ħafna deputati nħasdu meta saru jafu li mhux se jkun hemm sempliċi bidla fl-isem tal-liġi tal-Unjoni Ċivili u fl-aħħar intlaħaq kompromess li jkun hemm vot iva, anke jekk għal ħafna hu ta’ konvenjenza għaliex qabel l-elezzjoni ġenerali il-Partit Nazzjonalista qal li jaqbel ma’ żwieġ bejn persuni tal-istess sess.

Iżda, ladarba beda d-dibattitu pubbliku deputati tal-PN inkixfu dwar verament x’jaħsbu. L-iktar li dejjaqhom hu li minflok mara u raġel se jkun użat it-terminu kojugi biex il-liġi ma toħloqx diskriminazzjoni.

Skont id-deputat Nazzjonalista Clyde Puli dan ifisser li l-liġi qisha ta’ xi pajjiż komunist.

Aqra aktar

Send this to a friend