Tissaħħaħ is-sezzjoni marittima tal-Protezzjoni Ċivili

Ġie mħabbar investiment ta’ €105,000 f’tagħmir ġdid għas-sezzjoni marittima tal-Protezzjoni Ċivili. It-tagħmir jinkludi drone van u drone li jista’ jintuża taħt il-baħar għat-tiftix ta’ emerġenza kif ukoll għal aktar sigurtà u taħriġ għall-uffiċjali tas-sezzjoni. Aqra aktar

BIL-FILMAT: Nirien jaħkmu garaxx fil-Qawra

Tard it-Tlieta filgħaxija nirien ħakmu parti minn garaxx li jinsab taħt blokka appartamenti fi Triq l-Iskuna fil-Qawra.

Immedjatament fuq il-post issejħu membri mid-Dipartiment tal-Protezzjoni Ċivili li daħlu fil-garaxx u bdew b’ħidma sabiex jitfu n-nirien.

Fl-istess waqt numru ta’ residenti li jgħixu fl-istess blokka ġew evakwati minħabba l-periklu li kien hemm.

Minn informazzjoni li kiseb one.com.mt jidher li fil-garaxx kien hemm numru ta’ vetturi.

Jidher li ħadd ma weġġa’ f’dan il-każ madankollu fuq il-post wasal ukoll tim mediku mill-Isptar Mater Dei.

Il-każ qed jiġi investigat mill-Pulizija tad-Distrett tal-Qawra.

BIL-FILMAT: Kif is-sajf jaffetwa n-nirien?

Is-sitwazzjoni tan-nirien fil-Greċja qed tkompli teskala, hekk kif eluf ta’ familji qed jiġu evakwati minn djarhom minħabba n-nirien qawwija fil-pajjiż.

Dwar din il-firxa ta’ nirien f’pajjiż bħal Greċja, tkellimna mal-Uffiċjal tas-Salvataġġ tal-Protezzjoni Ċivili, Kevin Pace.

Huwa qal ma’ ONE News li meta jkollok firxa ta’ medda ta’ art kbira jwassal biex ikun hemm spazju kbir li jtellgħu t-temperaturi.

Aqra aktar

Inawgurata statwa bis-sehem tal-Protezzjoni Ċivili

Xena mhux tas-soltu għall-uffiċjali mid-Dipartiment tal-Protezzjoni Ċivili, li l-Ħadd filgħodu assistew għall-inawgurazzjoni ta’ statwa fuq il-Kappella tal-Madonna tal-Anġli f’Baħar iċ-Ċagħaq.Aqra aktar

Send this to a friend