Mistoqsi dwar il-partita tal-futbol tal-Ħadd li ġej, id-Deputat Prim Ministru u Ministru tas-Saħħa Chris Fearne spjega li l-Kummissarju tal-Pulizija diġà għamel l-arranġamenti meħtieġa biex isir l-infurzar meħtieġ peress li huwa antiċipat li ħafna nies jinġabru flimkien biex isegwu l-partita bejn l-Ingliżi u t-Taljani.
Min-nhar l-Erbgħa li ġej, erbatax ta’ Lulju, kull min jidħol Malta irid ikun imlaqqam u jkollu ċertifikat tal-vaċċin.Aqra aktar
Għall-ħabta tal-4 ta’ waranofsinhar, id-Deputat Prim Ministru u Ministru għas-Saħħa Chris Fearne flimkien mas-Supretendent għas-Saħħa Pubblika, il-Professur Charmaine Gauci, ser ikunu qed jindirizzaw konferenza tal-aħbarijiet.Aqra aktar
Kovid l-Imqareb.
Dan huwa isem il-ktieb bil-Malti li ġie ppreżentat lis-Supretendent tas-Saħħa Pubblika, il-Professur Charmaine Gauci mill-Aġenzija Nazzjonali tal-Litteriżmu.Aqra aktar
Aktar minn sittin fil-mija tal-adulti f’Malta huma mlaqqma b’minn tal-inqas l-ewwel doża tal-vaċċin kontra l-Coronavirus.
Ma’ ONE News, fil-jum li ġew rilaxxati numru ta’ miżuri fil-pjan meqjus tal-Gvern, is-Supretendent tas-Saħħa Pubblika l-Professur Charmaine Gauci qalet li numru sostanzjali mill-persuni li tlaqqmu f’pajjiżna, ħadu ż-żewġ dożi tal-vaċċin.
Qalet li hekk kif illum komplew jonqsu l-miżuri, huwa kruċjali li jibqgħu jiġu segwiti l-mezzi ta’ mitigazzjoni.
Filwaqt li appellat biex kull min hu eliġibbli, jirreġistra biex jitlaqqam, saħqet fuq l-importanza li meta nattendu fil-postijiet li qed jinfetħu, inżommu d-distanza, nilbsu l-maskri u naħslu idejna ta’ spiss.
“B’dawn l-affarijiet kollha flimkien, nibqgħu mexjin, inżommu n-numri baxxi u jkollna kontroll tas-sitwazzjoni biex nibqgħu għaddejjin mill-pandemija bl-inqas impatt possibbli”, temmet il-Prof. Gauci.
Fl-aġġornament mediku ta’ kull nhar ta’ Ġimgħa, is-Supretendent tas-Saħħa Pubblika, il-Professur Charmaine Gauci qalet kif kien hemm 15,000 persuna li għandhom ’il fuq minn 50 sena li applikaw online u rċievew l-appuntament sabiex jitlaqqmu.Aqra aktar
Malta għalissa mhux se tkun qed tagħti l-vaċċin kontra l-Covid-19 tal-Johnson & Johnson.
Dan fuq rakkomandazzjoni tal-Aġenzija Ewropea tal-Mediċini.Aqra aktar
In-numru ta’ każijiet attivi ta’ Covid-19 f’Malta niżel taħt l-elfejn u issa hawn 1,853 każ.Aqra aktar
L-Assoċjazzjoni Maltija għall-Mediċina Pubblika laqgħet il-miżuri mħabbra mill-Gvern u l-awtoritajiet tas-saħħa nhar il-Ħamis li għadda biex tkompli tiġi mrażżna l-imxija tal-Covid-19 u tenniet l-appoġġ tagħha lis-Supretendent tas-Saħħa Pubblika, il-Professur Charmaine Gauci.Aqra aktar
Il-Professur Charmaine Gauci rrimarkat li l-età medja ta’ persuni li ħadu l-infezzjoni tal-Covid-19 din il-ġimgħa kienet ta’ 38.9 sena.
Xi ħaġa pożittiva li fi kliem is-Supretendent tas-Saħħa Pubblika, turi li l-anzjani u dawk l-aktar meqjusa vulnerabbli fis-soċjetà, qegħdin jiġu protetti bil-vaċċin.
Fl-aġġornament mediku ta’ kull nhar ta’ Ġimgħa, is-Supretendent tas-Saħħa Pubblika qalet li n-numru ta’ każijiet fid-djar tal-anzjani qegħdin stabbli fid-dawl li l-maġġoranza tar-residenti u l-ħaddiema issa tlaqqmu.
Charmaine Gauci qalet li l-ikbar ammont ta’ każijiet trasmessi fl-aħħar ġimgħa, huma persuni mill-istess dar, attivitajiet soċjali u fuq il-post tax-xogħol.
Send this to a friend