buġibba – Page 3 – One News

Notifiki

Jidħol f’fażi oħra x-xogħol ta’ manutenzjoni mad-dawra ta’ Buġibba sal-Qawra

Ix-xogħol tal-proġett ta’ manutenzjoni tat-triq mad-dawra ta’ Buġibba u l-Qawra ser ikompli matul l-iljieli bejn it-Tnejn u l-Ħamis.

Ix-xogħol ta’ manutenzjoni u asfaltar ser ikompli min-naħa tal-pont ta’ Buġibba direzzjoni lejn Triq it-Trunċieri, f’fażijiet differenti.

Ix-xogħol f’dawn il-partijiet tat-triq ser isir billejl bejn l-10.00 ta’ filgħaxija u t-8.00 ta’ filgħodu mil-lum sa nhar il-Ħamis 11 ta’ Mejju.

Matul dawn l-erbat iljieli, Transport Malta avżat li dawn il-partijiet tat-triq ser ikunu magħluqa għat-traffiku.

Aqra aktar

MALTA LI QED TINBIDEL

F’dan ir-ritratt tista’ tara x-xogħol fit-toroq li jagħmlu d-dawra ta’ Buġibba. Fil-bidu ta’ April tħabbar li se jkun qed isirilhom manutenzjoni estensiva b’investiment ta’ €3.5 miljun, li huma parti mill-flus li nġabru permezz tal-kontribuzzjoni ambjentali li jħallsu t-turisti.

Bħala parti mill-manutenzjoni, qed isir re-surfacing tat-toroq.

Dan hu proġett li ilu mistenni ferm hekk kif l-istat tat-toroq f’din iż-żona qed jagħtu dehra mill-iktar kerha lill-lokalità ta’ Buġibba. Il-proġett huwa maqsum f’ħames fażijiet, u din hija waħda minnhom.

Aqra aktar

7,000 se jerġgħu jsibu Buġibba għal Lost&Found

Fi tmiem il-ġimgħa d-dieħla madwar 7,000 persuna se jerġgħu jkunu San Pawl il-Baħar għal festival tal-mużika Lost & Found. Festival li sar għall-ewwel darba f’pajjiżna sentejn ilu u s-suċċess ta’ dakinhar donnu wassal biex l-organizzaturi jerġgħu ifittxu lil pajjiżna għal darba wara oħra.

Fil-fatt, anke s-sena li għaddiet sar Malta u din id-darba mhux se jkun eċċezzjoni. Biex ma’ Jannar u Frar tajbin f’dawk li huma wasliet ta’ turisti Buġibba se tkun qed tħares il’ quddiem b’eluf ta’ żgħażagħ mistennija jimlew il-lukandi u l-istabbilimenti tal-ikel u x-xorb bejn sessjoni ta’ żfin u oħra fi tmiem il-ġimgħa li ħafna se jkunu qed ifittxuha għal ftit mistrieħ.

Toroq f’Buġibba mill-€0.50 tat-turisti

  • IL-GVERN PREĊEDENTI DEJJEM FARFAR FUQ IL-KUNSILL LOKALI
  • KIENU ILHOM JINTALBU SNIN

It-toroq li jagħmlu d-dawra ta’ Buġibba se ssirilhom manutenzjoni estensiva b’investiment ta’ €3.5 miljun li huma parti mill-flus li nġabru permezz tal-kontribuzzjoni ambjentali li jħallsu t-turisti.

Kontribuzzjoni ambjentali ta’ €0.50 kull lejl u li ma tistax taqbeż il-€5.

Minn wara l-Għid sa qabel is-sajf se jkun qed jsir proprju re-surfacing tul il-kosta, mill-Qawra għal Buġibba sa San Pawl il-Baħar. Dan hu proġett li ilu mistenni ferm hekk kif l-istat tat-toroq f’din l-akwata qed jagħtu dehra mill-iktar kerha. Il-Kunsilll Lokali ta’ San Pawl il-Baħar, b’mod partikolari meta kellu tmexxija tal-Partit Laburista kien ilu jitlob lill-gvern biex jidħol għal dan il-proġett.

Aqra aktar

Investiment ta’ €3.5 miljun biex t-toroq ta’ Buġibba ma jibqgħux f’telqa u abbandun

Investiment ta’ tliet miljun u ħames mitt elf ewro se jwassal biex wara snin twal ta’ stennija, it-toroq tax-xatt ta’ Buġibba jieħdu r-ruħ wara li għal snin twal tħallew fi stat ta’ telqa.

Dan hekk kif fi ftit ġimgħat, minn wara l-festi tal-Għid, se jibda xogħol ta’ manutenzjoni fejn se jsir ‘re-surfacing’ tat-toroq li jagħmlu parti mid-dawra tal-kosta ta’ Buġibba.

Dan il-proġett se jinqasam f’ħames fażijiet.

L-ewwel fażi minn Triq il-Knisja sa Triq Santa Marija. It-tieni fażi minn Triq Santa Marija sa Misraħ il-Bajja. It-tielet fażi minn Misraħ il-Bajja sal-Akkwarju Nazzjonali. Ir-raba fażi mill-Akkwarju sa Triq l-Istammar u l-ħames u l-aħħar fażi minn triq l-Istammar sa Triq il-Fugass.

Aqra aktar

Ġieli rajthom jarmaw bl-oġġetti mal-front ta’ Buġibba jew il-Qawra?

Il-Ministru għall-Intern u s-Sigurtà Nazzjonali Carmelo Abela Matul spejga fil-Parlament li tul is-sena 2016, kien hemm tnax-il każ fejn il-Pulizija sabu persuni li qed jarmaw mingħajr permess f’Buġibba u l-Qawra.

Dawn kienu qed jarmaw b’oġġetti fuq il-front – xena li sirna narawha ta’ spiss.

Il-Ministru spjega li l-permessi għal dan it-tip ta’ negozju huma maħruga mit-Trading Licences Unit. F’kull każ fejn matul din is-sena instabu li persuni ħadmu mingħajr permess, inħarrgu it-taħrikiet meħtieġa.

Send this to a friend