Il-Partit Nazzjonalista ried imur kontra r-rakkomandazzjoni tal-kumitat Ornis biex jinfetaħ l-istaġun tal-kaċċa għas-summien.Aqra aktar
Fenech Adami kontra proċess aktar trasparenti
Fil-bidu tad-diskussjoni fl-istadju tat-tieni qari tal-abbozz ta’ liġi li jemenda l-att dwar il-ħatra tal-kummissarju tal-pulizija, id-Deputat Nazzjonalsita Beppe Fenech Adami attakka l-proposta tal-Gvern li se tneħħi s-setgħa tiegħu li jaħtar il-kummissarju tal-Pulizija. Aqra aktar
Salvini jikxef il-ġlieda fid-distrett ta’ Birkirkara
Kummenti tal-Kunsillier Justin Schembri dwar l-Eks Ministru Taljan, Matteo Salvini, kixfu l-ġlieda li hemm fil-Partit Nazzjonalista fid-distrett ta’ Birkirkara. Aqra aktar
Beppe Fenech Adami jwissi li Delia ma jistax jinjora lil min ivvota le
Id-deputat Nazzjonalista Beppe Fenech Adami, esponent ewlieni mill-fazzjoni Busuttil, mar jitkellem mal-Independent u ma’ The Times of Malta dwar il-vot ta’ fiduċja tas-Sibt li għadda fil-konfront ta’ Delia.
It-Times sejħet lil Beppe Fenech Adami, bħala wieħed mid-deputati Nazzjonalisti kritiċi tal-Kap Nazzjonalista Adrian Delia. Filfatt Fenech Adami kien wieħed minn ta’ quddiem fil-kampanja kontra Delia, biex jiġi sfiduċjat minn Kap u ma jibqax imexxi lill-Partit Nazzjonalista.Aqra aktar
“Beppe Fenech Adami għandu ħafna x’jispjega lill-Membri tal-Korpi Dixxiplinati”- il-PL
Hu ironiku kif Beppe Fenech Adami indirizza konferenza tal-aħbarijiet biex jattakka promozzjonijiet li saru fl-Armata sitt snin ilu. Fi stqarrija, il-Partit Laburista qal li kien ikun aħjar kieku Beppe Fenech Adami skuża ruħu talli ma daħħalx id-dritt ta’ sħubija f’Unions lill-korpi dixxiplinati kollha meta kien defacto Ministru tal-Intern.
Kien ikun aħjar li kieku Beppe Fenech Adami spjega għala meta kien defacto Ministru tal-Intern, ma ħallasx l-over-time dovut lill-pulizija u kellu jkun dan il-Gvern biex jagħmel ġustizja mal-Pulizija Kien ikun aħjar li kieku Beppe Fenech Adami jispjega x’għamel hu meta kien responsabbli mill-Armata u kellu akkumulati 288 ilment fuq promozzjonijiet. Aqra aktar
BIL-FILMAT: Buttigieg u Fenech Adami jiffirmaw biex Delia jitlaq
Id-Deputati Nazzjonalisti Beppe Fenech Adami u Claudette Buttigieg huma fost id-Deputati Nazzjonalisti li taw l-appoġġ tagħhom u ffirmaw dikjarazzjoni li qiegħda ddur fil-Grupp Parlamentari, li permezz tagħha juru li m’għandhomx appoġġ fil-Kap Nazzjonalista Adrian Delia.
Beppe Fenech Adami jgħid li l-elezzjoni ħafret in-nuqqasijiet tal-PN
L-eks Kap tal-Partit Nazzjonalista Beppe Fenech Adami ddikjara li t-telfa elettorali li ġarrab il-partit Nazzjonalista ħaffret in-nuqqasijiet gravi li wettqu amministrazzjonijiet Nazzjonalisti fil-Gvern.
Mistoqsi waqt il-programm Dissett jekk intrefgħetx ir-responsabbiltà politika għan-nuqqas serju ta’ gvernijiet nazzjonalisti li baqgħu jirrifjuta li jdaħħlu d-dritt tal-avukat waqt l-interrogazzjoni mill-Pulizija u li kawża ta’ dan, bosta kriminali qed jispiċċaw illiberati, Fenech Adami qal li r-responsabbiltà ntrefgħet għax illum il-Partit Nazzjonalista qiegħed fl-Oppożizzjoni.Aqra aktar
Il-Partit Laburista jemmen fir-rispett dejjem
Inċidenti sfortunati jew atti ta’ individwi rresponsabbli qatt m’għandhom ikunu politiċizzati.
Tal-PN jirreaġixxu bi qrusa għall-għotja ta’ €5 miljun lil Puttinu
Esponenti ewlenin tal-Partit Nazzjonalista rreaġixxew bi qrusa għall-aħbar li l-istat se jkun qed jgħaddi għotja ta’ €5 miljun lil Puttinu Cares għal proġett ġdid ta’ appartamenti f’Londra.
Ilbieraħ filgħodu l-poplu sebaħ kuntent għall-aħbar li mal-ġenerożità tiegħu kien hemm l-istat ukoll li rrikonoxxa l-ħidma kbira ta’ Puttinu u ta wkoll l-impenn tiegħu favur dan il-proġett. Iżda, dan xejn ma niżel tajjeb ma’ esponenti ewlenin tal-Partit Nazzjonalista b’mod partikolari d-deputati Simon Busuttil, Beppe Fenech Adami u Jason Azzopardi li użaw il-midja soċjali biex jattakkaw din l-għotja u tefgħu lil Puttinu Cares f’nofs dibattitu partiġjan.
BFA webbes rasu u baqa’ ma rranġax l-illegalitajiet fil-villa tiegħu
Id-deputat u l-Eks Viċi Kap tal-Partit Nazzjonalista Beppe Fenech Adami baqa’ jwebbes rasu u ma rranġax l-illegalitajiet fil-villa tiegħu fil-Għargħur. Dan minkejja li wara li applika biex jissanzjona partijiet mill-proprjetà u jagħmel xi tibdil ieħor, kien impenja ruħu li se jirranġa dak li ma kellux skont il-permess, fost oħrajn f’żona ODZ.
Iżda, meta ġie għall-mument tal-prova Beppe Fenech Adami reġa’ m’osservax il-liġi u m’għamel xejn minn dak imwiegħed. Biex meta l-applikazzjoni tiegħu telgħet quddiem il-Kummissjoni għall-Ippjanar għal deċiż- joni finali, din il-Kummissjoni ma kellhiex għażla għajr li tirrifjuta l-permess b’mod unanimu. L-abbużi ta’ Fenech Adami jmorru lura għal qabel l-elezzjoni ġenerali meta l-gazzetta Kullħadd kienet fost dawk li żvelaw l-aġir tal-Eks Viċi Kap tal-Partit Nazzjonalista b’rabta mal-proprjetà tiegħu li għandha valur miljunarju.