attakk – One News

Notifiki

Numru ta’ persuni midruba wara sparaturi fiċ-ċentru ta’ Vjenna

Numru ta’ persuni ndarbu wara sparaturi fiċ-ċentru ta’ Vjenna.

Mill-ewwel informazzjoni rappurtata mill-midja internazzjonali jidher li seħħ attakk b’armi tan-nar fi triq viċin Sinagoga fiċ-ċentru tal-kapitali Awstrijaka.

Il-Ministeru għall-Intern tal-pajjiż qal li wieħed mill-allegat aggressuri nqatel u ieħor għadu mfittex.

Fi Vjenna bħalissa hemm preżenza qawwija ta’ pulizija u n-nies qed jiġu mitluba jżommu ‘l bogħod mill-post fejn seħħew l-isparaturi.

Intant, fi tweet il-Prim Ministru Robert Abela qal kif jinsab maħsud b’din l-aħbar u kkundanna bil-qawwi l-attakki terroristiċi. Huwa sellem lill-qraba tal-vittmi ta’ dan l-attakk.

 

 

 

“L-Oppożizzjoni tinjora l-fatti biex terġa’ tattakka l-armata” – il-PL

Fi stqarrija l-Partit Laburista qal li l-kelliem tal-Oppożizzjoni Nazzjonalista għall-Intern, Beppe Fenech Adami, reġa’ rrikora għal stqarrija mgħaġġla u partiġġjana bbażata biss fuq dak li qara fil-midja soċjali. Il-Partit Laburista qal li fl-istess ħin, il-Partit Nazzjonalista injora stqarrijiet uffiċjali li jmeru għal kollox il-konklużjonijiet tal-kelliem tiegħu, fosthom dik li xi ħadd, li allegatament għamel il-ħażin, sab xi forma ta’ protezzjoni.

Hawnhekk il-Partit Laburista rrefera l-Oppożizzjoni Nazzjonalista fi stqarrija uffiċjali maħruġa mill-Forzi Armati ta’ Malta, li fiha hemm ċar iddikjarat li suldat wieħed biss li rrifjuta li jagħmel it-test għad-droga ġie mkeċċi mmedjatament mill-Forzi Armati.

“Li Beppe Fenech Adami u l-Partit Nazzjonalista ma jitilfux okkażjoni waħda biex jattakkaw l-armata kulħadd jafha. Ilhom snin mhedija f’attakk insensat fuq it-tmexxija tal-armata, liema attakk anke l-Qorti ġabitu fix-xejn”, saħaq il-Partit Laburista.

Intqal kif il-Forzi Armati wrew li quddiem kull tip ta’ allegazzjonijiet huma sodi favur id-dixxiplina u kif intqal mill-Forzi Armati ta’ Malta stess, jekk minn inkjesta interna dwar dan il-każ jirriżulta li hemm ħtieġa ta’ passi oħra, dawn jittieħdu.

“Beppe Fenech Adami qed juri bil-kontra. Għaliex jagħti kenn lil min l-għemil tiegħu qajjem ħafna mistoqsijiet biex jattakka lil min ħa passi kull meta ġie quddiemu aġir mhux denju ta’ membru tal-armata”, temm jgħid il-Partit Laburista.

Minuta silenzju għat-tliet vittmi t’attakk fl-Ingilterra

Minuta silenzju għall-vittmi t’attakk f’Reading, l-Ingilterra. Liema attakk seħħ is-Sibt filgħaxija fejn tliet persuni nqatlu u persuna oħra għadha qed tingħata l-kura f’dak li qed jitqies bħala att terroristiku.
Il-Kunsillier tal-lokal stieden lin-nies sabiex jingħaqdu f’din il-minuta silenzju permezz tal-paġna ta’ Facebook tal-kunsill stess. Aqra aktar

Send this to a friend