annimali – Page 9 – One News

Notifiki

Villaġġ tal-Milied fl-Għammieri

Is-sibt u l-Ħadd ir-Razzett tal-Gvern fl-Għammieri, se jiftaħ il-bibien tiegħu għall-pubbliku u se jinbidel f’villaġġ tal-Milied.

Baned u korijiet tal-Milied se jtellgħu spettaklu biex idaħħlu lill-pubbliku fl-atmosfera tal-Milied. Se jkun hemm armati wkoll diversi gabbani li jbiegħu ikel, xorb u affarijiet tal-Milied.

Aqra aktar

L-Annimali fuq il-catwalk fil-Peru!

Fuq il-catwalk imdorrijin naraw il-mudelli, iżda fil-Peru huma l-annimali li qed jisirqu l-attenzjoni!

Dan hekk kif huma wkoll daħlu fl-ispirtu tal-Milied, u b’ilbies aħmar u assoċjat ma’ dan iż-żmien ferrieħi, xejn inqas minn tmenin annimal – klieb, fniek, u anki fkieren, ħadu sehem fil-kompetizzjoni annwali msejħa “Pet Noel” f’Lima.

Aqra aktar

Tonfoq $700 fuq qattus “sphynx” – imma kien qattus komuni mqaxxar

Mara minn Alberta fil-Kanada spjegat kif xi ħadd qarraq biha meta persuna biegħilha qattus li hi ħasbet li kien tar-razza Sphynx. Il-qattus li hi xtrat fil-fatt ma kienx sphynx iżda qattus ta’ razza komuni li tqaxxar mis-sid preċedenti.

Il-mara qalet kif il-qattus “deher qishu tar-razza sphynx għax miskin kien litteralment bla suf, irqiq immens u rasu b’forma simili għal ta’ dik ir-razza.”

Joanne Dyck, il-mara li nefqet $700 fuq dan il-qattus, qalet kif dan il-qattus kien vera mgerrex u lanqas ried jintegra ma’ wieħed mill-qtates tagħha.

Aqra aktar

Ħasibha impjant minn sider mara u mar jiġri għand il-Pulizija. Imma kienet xi ħaġa oħra…

Forsi l-iktar aħbar stramba qatt irrapportata minn mezzi tax-xandir internazzjonali kbar, bħall-BBC.

Raġel bagħat brama lill-Pulizija Awstraljana għaliex ħaseb li kienet “breast implant” u li fiha kien hemm evidenzi dwar każ kriminali.

Ir-raġel bagħat “oġġett tond ġo basket” lill-uffiċjali f’Maroochydore, aktar kmieni l-ġimgħa d-dieħla. Ħaseb li kienet ġejja minn xi impjant f’sider xi mara li kienet għerqet jew inkella li kienet inqatlet.

Il-Pulizija bdew ħidma minnufih minħabba l-allegazzjoni li seta kien sar inċident jew delitt – iżda irriżulta li kienet brama li wieħed jista’ faċilment isib fi Queensland. Tip ta’ brama li tirrita l-ġilda meta tmissha, imma mhix perikoluża. Probabli r-raġel tfixkel għax il-brama spiċċat mingħajr tentakli, aktarx għax ittieklu mill-ħut jew riżultat tal-impatt tal-mewġ.

Ħbieb kbar minkejja d-differenzi

Ħbiberija stramba bejn fekruna bl-isem ta’ Leonardo u baqra bl-isem ta’ Simon bdiet meta t-tnejn li huma ltaqgħu f’ċentru tal-Annimali Selvaġġi fit-Tajlandja.

Leonardo kien ġie salvat minn zoo f’Bangkok fis-sena 2013 u Simon wasal fiċ-Ċentru f’Jannar li għadda wara li tilef sieq waħda kawża ta’ inċident sfortunat.

Aqra aktar

B’sieq waħda, imma salva lejl kiefer f’Halloween

Lejlet Halloween, kelb midrub safa imwaddab minn tieqa ta’ karozza miexja u tħalla għall-mewt.

Fortunatament żewġ nisa b’qalb tajba ġabru lill-kelb u ħaduh fl-eqreb għassa tal-Pulizija, fi New York fl-Istati Uniti. Il-Pulizija li kien qed imexxi dak il-ħin, Jon David-Hill, iddeċieda li jċempel lill-għaqda li tħares id-drittijiet tal-annimali, li qalulu li minħabba l-feriti gravi li kellu l-kelb, ma setgħu jagħmlu xejn ħlief iraqqduh.

Aqra aktar

Aktar ħut aljen f’Malta

Iktar ħut aljen qed jiffrekwenta l-ibħra territorjali Maltin, bl-aħħar skoperta tkun dik tal-ħuta Niger Hind, speċi li qatt ma dehret fl-ibħra Mediterranji, u normalment tghix fil-Lvant tal-Atlantiku u f’partijiet tal-Afrika. Immedjatament beda l-istudju fuq din l-ispeċi, kif spjegat aħjar il-Kap tal-grupp għall-konservazzjoni biloġika u tar-riċerka fl-Universita ta’ Malta, Adriana Vella.

“Din il-ħuta hija mhux biss ġdida għal Malta iżda anke għall-Mediterran kollu. Bħala grupp ta’ konservazzjoni, ilna naħdmu f’dan il-qasam u s’issa skoprejna sitt ħut aljeni ġodda bl-ibħra tagħna”. 

Aqra aktar

Send this to a friend