Notifiki

Għasfur RARISSIMU fl-Ewropa jintlemaħ Malta

Eman Portelli membru kaċċatur ta’ Kaċċaturi San Ubertu sab għasfur rari hafna, Olive Backed Pipit (Anthus hodgsoni).

Tant hu rari, anke fl-Ewropa, li m’hawnx isem bil-Malti għalieh. Dan magħruf li jqatta s-sajf fil-Pakistan, l-Indja, in-Nepal, iċ-Ċina, il-Korea, il-Ġappun, l-Ażja Ċentrali u r-Russja, imma kważi qatt fl-Ewropa.

Aqra aktar

Kummenti pożittivi dwar ix-xelters għall-qtates f’San Ġwann

Fi grupp għal dawk li jħobbu l-annimali fuq is-sit soċjali ta’ facebook tpoġġa dan ir-ritratt ta’ ‘djar’ għall-qtates li jgħixu bla saqaf fuq rashom u li l-unika tama ta’ ħajja jridu jsibuha fit-toroq Maltin. Kienu bosta l-kummenti ta’ tifħir u pożittivi dwar dawn ix-xelters għall-annimali fil-bandli ta’ San Ġwann.

Aqra aktar

Klieb “miljunarji” jitwieldu f’Malta

Il-klieb huma popolari ferm fost il-Maltin, kemm bħala kumpanija, kif ukoll bħala membru tal-familja stess. Ħafna dilettanti jagħżlu li jmorru għal livell aktar professjonali u jnisslu l-klieb minn razzez puri.

Sa ġimgħa ilu ħadd ma kien jobsor li jnissel mir-razza Tibetan Mastiff f’pajjiżna; razza pura u popolari fil-kontinent Ażjatiku, però ħafna inqas fl-Ewropa.

Aqra aktar

Tal-ħamiem jgħidu li se jispiċċaw il-Qorti mal-Awtorità tal-Ippjanar

NISKOPRU L-ISPORTS TAL-ĦAMIEM U NISTAQSU DWAR IT-TGERGIR TAL-ĠIRIEN

Ġieli l-lofts tal-ħamiem jittellgħu fuq il-bjut (ġieli anki ta’ blokki ta’ appartamenti) b’mod li jkerrhu l-ambjent. Fost oħrajn stħarriġna kemm huma permessi dawn il-lofts u kemm suppost li dak li jkun iżomm ħamiem fihom.

Sibna li hemm fehma differenti bejn il-verżjoni uffiċjali tal-Awtorità tal-Ippjanar u r-rappreżentant tad-dilettanti tal-ħamiem meta mistoqsija dwar x’jirregola l-gallinari tal-ħamiem, magħrufa wkoll bħala pigeon loft.

Filwaqt li l-kelliem tal-Awtorità jispjega kif tiddeċiedi l-istess entità, il-President tal-Federazzjoni tal-Ħamiem tat-Tiġrija jgħid mod ieħor u saħansitra jargumenta li l-Federazzjoni daqs tazza ilma tispiċċa l-Qorti mal-Awtorità tal-Ippjanar.

“Il-MEPA m’għandha x’taqsam xejn mal-pigeon racing. Il-MEPA tirregola strutturi. Mela jekk jien, fid-dar tiegħi għandi struttura illegali, tista’ tkellimni, iżda fil-MEPA m’hemm l-ebda policy li tirregola pigeon loft. Jiġifieri xi darba, mal-MEPA se nispiċċaw il-Qorti, għax m’hemm l-ebda policy,” jgħid Farrugia.

Aqra aktar

FILMAT: Se jirtiraw bla nkwiet

Ftit tal-jiem ilu ħarġet l-aħbar li daħlet fis-seħħ liġi li tgħid li l-klieb tas-servizz ma jistgħux jitraqqdu.

Liġi li mmarkat bħala regola darba għal dejjem prassi li diġa kienet teżisti fil-korp tal-pulizija u li issa trid tkun estiża għall-korpi dixxiplinati kollha. Abraham Abela żar il-Kavallerija tal-Korp tal-Pulizija.

Aqra aktar

Send this to a friend