adrian delia – One News

Notifiki

Fil-Kunsill Ġenerali Delia jgħid lil dawk li sfiduċjawh li ma waslux bil-Kostituzzjoni biex ineħħuh

Il-Ġimgħa filgħaxija tlaqqa’ Kunsill Ġenerali ieħor tal-Partit Nazzjonalista fl-eqqel tal-kriżi u l-inkwiet intern fil-partit f’tal-Pietà.

Il-membri tal-ogħla organu tal-Partit Nazzjonalista qed jiġu mitluba jagħżlu jekk it-tesserati jivvutawx vot ta’ konferma tal-Kap Adrian Delia jew issirx tellieqa oħra għal Kap tal-partit.

Iż-żewġ fazzjonijiet, jiġifieri dik ta’ Delia u ta’ Simon Busuttil imbuttaw għażliet differenti fost il-kunsilliera.

Fil-Kunsill Ġenerali tkellem il-Kap Adrian Delia li fetaħ attakk fuq id-deputati li sfiduċjawh u pruvaw jneħħuh minn Kap tal-Oppożizzjoni.

Aqra aktar

Adrian Delia jressaq protest ġudizzjarju kontra Jason Azzopardi fuq qlajjiet malafamanti

Il-Kap Nazzjonalista Adrian Delia ressaq protest ġudizzjarju fil-konfront tad-Deputat Nazzjonalista Jason Azzopardi minħabba li dan allegatament xerred qlajjiet malafamanti fil-konfront ta’ Delia.

Delia hawnhekk irrefera għal numru ta’ messaġġi li rċivew terzi persuni mingħand Jason Azzopardi li fost l-oħrajn jgħidu :‘And you have no idea of the hundreds of other messages in the mobile of Fenech in 2019 relating to the payment to Delia of €50,000 and pledge of €100,000 more if Casa was not elected. You have no idea what I have been holding up inside me since January. Know once and for all that the man is a pathological liar’.

Fil-protest ġudizzjarju li fetaħ, Delia issa qed jistaqsi x’kienet ir-raġuni li jekk hu minnu li Jason Azzopardi kellu informazzjoni dwar dan f’Jannar li għadda, ma użahiex dakinhar stess. Hawn allega wkoll li Azzopardi, li tant jitkellem dwar is-saltna tad-dritt, ma jridx li l-votanti tal-Kunsill Ġenerali jivvutaw b’serenità u jitħallew jieħdu deċiżjoi importanti għall-Partit Nazzjonalista mingħajr xi influwenza qarrieqa.

Adrian Delia talab lil Jason Azzopardi biex jieqaf jagħmel allegazzjonijiet foloz dwaru li jistgħu jxekklu l-proċess demokratiku tal-Partit.

Id-deputati li sfiduċjaw lil Delia jgħidu li kien żball tagħhom li Delia sar Kap

Id-deputati li sfiduċjaw lil Kap Nazzjonalista Adrian Delia, qegħdin jgħidu lil kunsilliera Nazzjonalisti sabiex jivvotaw li jmorru għal elezzjoni għal Kap Nazzjonalista, għax se jtuhom l-għażla.

Id-deputati li sfiduċjaw lil Kap qed jargumentaw mal-kunsilliera li kien żball tagħhom li Delia sar Kap, għax ma tawx għażla wiesgħa lil kunsilliera u t-tesserati fl-elezzjoni li saret għal Kap fl-elfejn u sbatax.

Għaldaqstant, din id-darba d-deputati li sfiduċjaw lil Kap qegħdin imorru b’lista ta’ kandidati li lesti li joħorġu sabiex Adrian Delia ma jibqax Kap.

Aqra aktar

David Casa jitkellem kontra Delia fil-Qorti

L-ewroparlamentari Nazzjonalista David Casa għażel li jiftaħ attakk ieħor fuq il-Kap Nazzjonalista Adrian Delia, waqt li kien qed jixhed fl-inkjesta pubblika b’rabta mal-qtil ta’ Daphne Caruana Galizia.

Casa huwa wieħed mid-dsatax-il deputat li sfiduċja lil Adrian Delia fil-laqgħa tal-grupp parlamentari.

Aqra aktar

Illejla jissokta Kunsill Ġenerali jaħraq fl-isfond ta’ intriċċi kbar li qed iseħħu fil-PN

Illejla jitlaqqa’ Kunsill Ġenerali ieħor tal-Partit Nazzjonalista fl-eqqel tal-kriżi u l-inkwiet intern fil-partit f’tal-Pietà.

Il-membri tal-ogħla oragnu tal-Partit Nazzjonalista qed jiġu mitluba jagħżlu jekk it-tesserati jivvutaw vot ta’ konferma tal-Kap Adrian Delia jew issirx tellieqa oħra għal Kap tal-partit.

Iż-żewġ fazzjonijiet, jiġifieri dik ta’ Delia u ta’ Simon Busuttil qed jimbuttaw għażliet differenti fost il-kunsilliera.

Aqra aktar

Send this to a friend