2018 – Page 101 – One News

Notifiki

BIL-FILMAT: L-Imdina tiġbor ikel minn madwar id-dinja

Daqs erba’ sekli u nofs ilu kienet belt Assedjata bin-nies imġewħa jistennew li kollox jgħaddi b’wiċċ il-ġid u llum il-belt is-siekta nbidlet f’festival internazzjonali tal-ikel.

Fi tmiem din il-ġimgħa fil-foss tal-Imdina qed jittella’ dan il-festival tal-ikel minn kull rokna tad-dinja.

Filfatt dan il-festival infetaħ mill-Prim Ministru Joseph Muscat.

Aqra aktar

BIL-FILMAT: Żewġt uċuħ ta’ De Marco b’rabta mal-ħasil tal-flus… jikxfu l-Ministru Scicluna

Il-Ministru għall-Finanzi, il-Professur Edward Scicluna, żvela l-interess veri tad-deputat Nazzjonalista Mario De Marco fejn jidħlu kwistjonijiet ta’ ħasil ta’ flus.

F’artiklu fit-Times of Malta l-Professur Scicluna tkellem fuq ir-rapport tal-European Banking Authority dwar istituzzjonijiet Maltin u spjega fid-dettall il-ħidma tal-gvern Malti kontra l-ħasil ta’ flus u t-tisħiħ tal-istituzzjonijiet li jaħdmu f’dan il-qasam. Fil-fatt l-aħħar xhur u snin kienu implimentati bidliet importanti ħafna li l-Ministru Scicluna jispjega f’ċertu dettall.

Peró kien hemm każ li ma kienx magħruf pubblikament li l-Ministru Scicluna għamel referenza għalih.

Mar lura għas-sajf tal-2015 meta ma’ De Marco kien qed jitkellem miegħu fuq emendi għall-att kontra l-ħasil ta’ flus.

Scicluna tkellem dwar kif Mario De Marco, avukat tal-kriminal, kien qed jirrappreżenta lill-oppożizzjoni fil-biċċa xogħol delikata li jkunu emendati l-liġijiet Maltin kontra l-ħasil ta’ flus.

Iżda, f’jum minnhom telaq mgħaġġel minn laqgħa fuq is-suġġett u mar l-Imrieħel fejn għandhom l-uffiċini l-FIAU u l-MFSA.

Dan għamlu biex jhedded istituzzjoni li ftit minuti qabel kien qed jiddiskuti mal-Ministru Scicluna kif suppost għandha tissaħħaħ. De Marco kien qed jiddefendi b’kemm kellu saħħa klijenti bl-isem ta’ Fanplay. Taljani li kienu qed jiffaċjaw akkużi serji ta’ rabtiet ma’ organizazzjonijiet kriminali bħal Ndrangheta u saħansitra kien hemm mandat ta’ arrest ewropew fil-konfront tagħhom. L-istituzzjonijiet Maltin kienu rtirawlhom il-liċenzja u dan minħabba suspetti ta’ ħasil ta’ flus. Peró De Marco kellu l-wiċċ imur jiġġieled u jhedded biex jaqbeż għalihom fl-istess ħin li f’isem il-PN kien mistieden biex jgħin fil-bidliet leġiżlattivi kontra l-ħasil ta’ flus.

De Marco huwa l-istess kelliem tal-PN li qed jitlob għar-riżenja tal-Ministru Edward Scicluna u fl-artiklu tiegħu Scicluna ma joqgħodx lura milli jitkellem dwar din it-talba u jesponi l-ipokrezija tal-kelliema tal-Partit Nazzjonalista. Għax De Marco hu biss wieħed minnhom.

 

BIL-FILMAT: Qanpiena ġdida tieħu post oħra ta’ 500 sena fl-Imdina

Kmieni l-Erbgħa filgħodu l-Katidral tal-Imdina ingħata qanpiena ġdida bl-isem ta’ Maria Paola. F’kummenti ma’ One News, il-Kampanoloġista Kenneth Cauchi spjega kif dan ġara wara li inspezzjonijiet fuq il-qniepen l-oħra preżenti irriżulta li l-eqdem qanpiela kient f’riskju li tikolassa. Minkejja li kien tiswijiet kienu possibli, minħabba l-eta tal-qanpiena li inħadmet fl-1499, ġie rikomandat li ssir qanpiena ġdida

Bażikament ir-replacement tal-qanpiena fonduta fl-1499. Attwalment din kienet l-eqdem qanpiena ġol-ġżejjer Maltin li kienet għadha tintuża f’kampnar. Ta’ qabilha kienet tal-1370, niżżilniha mill-kampnar fl-2008 u din kienet in-next runner up pero’ għal raġunijiet ta’ sigurta’, din ċediet mill-kuruna tagħha, sewwejniha kif nistgħu biex din tkun tista’ tintuża  pero minħabba l-eta konsiderevoli li kellha ġie deċiż li tmur parti mill-kollezzjoni li hemm fil-mużew tal-Katidral.

Din il-qanpiena l-ġdida ikkumisjonata mill-kapitlu tal-istess katidral u li tiżenn 170 kilo ġiet maħduma mill-funderija Paccard ġewwa Annecy fi Franza u n-nota li d-doqq tireplika kemm jista’ jkun in-nota tal-qanpiena l-antika. Barra minn hekk, fuq il-qanpiena wieħed jista’ jinnota wkoll il-figuri tal-Madonna kif ukoll dik ta’ San Pawl li huwa l-qaddis titulari tal-istess katidral.

Ir-replacement tagħha sar ġo Franza fil-Funderija Pacard apposta biex omoġenja anka fid-disinn u l-ħoss tal-qniepen preżenti li hawn fil-katidral xogħol ta’ Prospero Barigozzi li saru fl-1958 biex ikun hawn armonija kemm f’dak li huwa diżinn u anka f’intonazzjoni.

Kenneth Cauchi kompla jisġjega x-xogħolijiet għadhom għaddejin fil-katidral li jinkludi fost l-oħrajn xogħolijiet oħra ta’ restawr.

Bħalissa għaddej xogħol ta’ restawr anka fil-fittings l-oħra tal-qniepen. Għandna xi travi wkoll li kkorodjaw minħabba li l-Imdina hija esposta għal ħafna elementi u dawn bilfors kellhom jinbidlu. Nittamaw li nlestu dan f’qasir żmien.

Fiċ-ċerimonja tal-inawgurazzjoni l-qanpiena l-ġdida giet imbierka mill-Isqof ta’ Malta Msgr. Charles J. Scicluna.

 

BIL-FILMAT: 200 delegat minn madwar l-UE ospitati fin-Nadur

Mitejn delegat minn għadd ta’ għaqdiet differenti madwar l-Unjoni Ewropea, se jiġu f’pajjiżna biex iqattgħu ħamest ijiem jgħixu fin-Nadur, Għawdex.

Dan wara li n-Nadur intgħażel biex jospita l-avveniment annwali magħruf bħala ċ-‘Charter European of Rural Communities’. Iżda d-delegati li se jkunu f’pajjiżna mhux biss se jiddiskutu t-tema tas-solidarjetà, iżda se jduqun wkoll parti mill-kultura u t-tradizzjonijiet Għawdxin.

Filfatt, dawn il-mitejn delegat se jkunu ospitati minn familji Għawdxin fin-Nadur, biex jesperjenzaw kemm jistgħu l-ħajja Għawdxija.

Il-Ministru għal Għawdex, Justyne Caruana, spjegat kif wara d-diskussjoni li se ssir, se jinkiteb rapport uffiċjali, li se jiġi ppreżentat lill-Kummissjoni Ewropea.

Aqra aktar

Trump jaffaċċja kritika għax iddefenda lir-Russja

Il-President Amerikan Donald Trump qed jaffaċċja baraxx ta’ kritika fl-Istati Uniti, wara li ddefenda lir-Russja dwar akkużi t’indħil fl-elezzjoni Presidenzjali tal-elfejn u sittax.

Waqt summit mal-President Russu Vladimir Putin fil-kapitali Fillandiża Helsinki, Trump ikkontradixxa aġenziji Amerikani meta qal li r-Russja ma kellha l-ebda raġuni biex tagħmel dak li qed tkun akkużata bih.

L-Ispeaker tal-Kamra tar-Repubblikani fil-Kungress qal li Trump għandu jara li r-Russja mhix alleat tal-Istati Uniti.

Aqra aktar

Grecia Bezzina tirbaħ l-OGAE Vision Song Contest f’Berlin

Il-kantanta Grecia Bezzina rebħet l-OGAE Vision Song Contest li sar f’Berlin is-Sibt 14 ta’ Lulju 2018.  

It-talenti ta’ Grecia ntlaqgħu ferm tajjeb hekk kif hija rebħet wara li kisbet 210 punti, minn voti tal-ġurija u vot tal-pubbliku preżenti għall-festival fil-kapitali Ġermaniża.Malta kisbet 38 punt iżjed mill-pajjiż li ġie fit-tieni post.  

Dan il-festival kkontestat minn tmien pajjiżi oħra ntrebaħ minn Malta għat-tieni darba. Grecia Bezzina interpretat il-kanzunetta Everything t’Anna Vissi tal-Eurovision 2006.  Dan il-festival jippromovi l-kanzunetti tal-Eurovision Song Contest u kull pajjiż jibgħat kantanta li tinterpreta kanzunetta li tkun ħadet sehem f’edizzjonijiet passati tal-Eurovision. 

Aqra aktar

Iċ-champions tad-dinja lura f’pajjiżhom

Il-Franċiżi jinsabu fis-seba’ sema’ wara li għat-tieni darba fl-istorja tagħhom irnexxielhom jirbħu t-Tazza tad-Dinja li saret fir-Russja.

Il-Franċiżi rebħu t-tieni Tazza tad-Dinja wara li għelbu lill-Kroazja b’rebħa ta’ erba’ bi tnejn f’logħba sabiħa li kien fiha spettaklu ta’ gowls, iżda wkoll ta’ kontroversja bl-użu tas-sistema tal-VAR li wasslet ukoll għall-penalty favur it-tim Franċiż.

Il-Franċiżi reġgħu għollew it-tazza, l-aktar waħda prestiġġjuża fid-dinja tal-futbol wara għoxrin sena meta fi Franza stess, il-kowċ nazzjonali Franċiż Didier Deschamps kien għolla wkoll it-Tazza tad-Dinja bħala l-captain tat-team nazzjonali Franċiż b’rebħa fuq il-Brażil.

Aqra aktar

L-isptar wara li tinqeleb b’karozza f’Birzebbugia

Tfajla minn Birzebbugia ttieħdet l-isptar wara li nqalbet bil-karozza.

Minn informazzjoni li kiseb One.com.mt kienu għall-ħabta tal-17:30 ta’ filgħaxija meta t-tfajla ta’ 19-il sena li kienet qed issuq karozza tal-għamla Skoda Fabia ħabtet ma’ SUV Nissan Qashqai  misjuqa minn mara Ingliża ta’ 45-il sena minn Marsaskala. Mal-impatt l-karozza misjuqa mit-tfajla Maltija nqalbet.

Aqra aktar

Tinżamm arrestata fuq akkużi ta’ ‘pickpocketing’

Evdokiya Zlatkova ta’ 23 sena mill-Bulgarija nżammet taħt arrest fuqi akkużi ta’ ‘pickpocketing.’

Hija tressqet il-Qorti iktar kmieni llum wara li l-bieraħ inqabdet fil-mument tipprova tisraq minn basket ta’ mara li kienet għadha kif telgħet fuq tal-linja, f’Triq it-Torri Tas Sliema.

Fil-Qorti Zlatkova wieġbet mhux ħatja għall-akkużi miġjuba kontriha u talbet ukoll għall-ħelsien mill-arrest.

Madankollu l-Maġistrat Yana Micallef Stafrace ma laqgħetx din it-talba hekk kif Zlatkova ma għandiex indirizz fiss. L-ispettur Jonathan Ransley li żied jgħid li l-Bulgara baqgħet ma provdietx informazzjoni dwar fejn toqgħod f’Malta.

Zlatkova dehret inkwetata ferm bid-deċiżjoni tal-Qorti hekk kif kienet pjanata ssiefer lura lejn il-Bulgarija, fis-17 ta’ Lulju.

 

BIL-FILMAT: Malta tegħleb pajjiżi bħal Monaco fil-qasam tal-Blockchain

“The law that was passed July 4th is by far the most clear and the most friendly legislation of anywhere in the world”

Hekk ddeskriva l-leġislazzjoni li adotta pajjiżna ftit tal-jiem ilu dwar is-servizzi tal-blockchain, is-Sur Michael Terpin, Kap Eżekuttiv tal-konfernza CoinAgenda. Konferenza li qed tittella’ f’pajjiżna f’lukanda ewlenija f’San Ġiljan u li qed tittratta l-futur tal-blockchain.
Tul l-konferenza nġabru taħt saqaf wieħed għexieren ta’ mħuħ li ħadmu jew għadhom qed jaħdmu fuq innovazzjonijiet fid-dinja tal-blockchain biex flimkien jiddiskutu l-passi neċessarji għall-futur ta’ din it-teknoloġija.

Mistoqsi dwar l-iskop tal-konferenza f’Malta, is-Sur Terpin qal li f’Malta sabu pajjiż li jistà jservi ta’ eżempju għad-dinja kollha fil-qasam tal-blockchain.
Qal li l-fatt li l-Prim Ministru Joseph Muscat kien preżenti u għadda messaġġ pożittiv dwar il-blockchain, hi turija ċara tal-impenn li għandu dan il-pajjiż għall-ġejjieni ta’ dan is-settur.

“We really wanted to go to a nation that is progressing towards being a friendly jurisdiction for blockchain. We were looking at Gibraltar and we are really glad that we chose Malta most especially because the Prime Minister gave a very positive message to those present at the conference”

Is-Sur Terpin stqarr li minkejja li ħafna kienu jaħsbu li bħal f’setturi oħra, se jkunu minn ta’ quddiem pajjiżi kbar, din il-leġislazzjoni poġġiet il-Malta fuq quddiem nett mad-dinja kollha.

“It was just a question whether it would be Monaco or Singapore or HongKong and I really think that Malta has come to the forefront of the world with its legislation and I really hope that the talk this morning resonates around the world that Malta really means business.”

Intant, akkumpanjat mis-Segretarju Parlamentari għall-Ekonomija Diġitali Silvio Schembri, f’diskors li għamel f’din il-konferenza, Il-Prim Ministru Joseph Muscat stqarr li dan kien pass għaqli biex il-kumpaniji li jridu jinvestu f’Malta jsibu struttura ta’ serħan il-moħħ u trasparenti.

Żied jgħid li issa li Malta għanda struttura regolatorja, jinsab ħerqan biex din it-teknoloġija tkompli tikber u tifjorixxi f’pajjiżna.

 

Send this to a friend