It-tim nazzjonali Malti tal-basketball tan-nisa rnexxielhom jikkwalifikaw għal-logħob tas-semi finali li qed isiru fid-Danimarka.
Alessandro Barbero jmexxi kamp ta’ taħriġ tal-BMX f’Malta
Il-BMX Pro Rider Taljan, Alessandro Barbero mexxa Kamp ta’ Taħriġ interessanti bejn it-22 u l-24 ta’ Ġunju li għaddew. L-Assoċjazzjoni Maltija tal-BMX ospitat dan l-ewwel kamp ta’ taħriġ tal-BMX għal 10 sewwieqa promettenti, li kollha kienu mħarrġa minn Barbero fi tmiem dik il-ġimgħa. Alessandro flimkien mal-kowċ lokali Karl Naja speċifikaw fuq l-aspetti importanti kollha tal-BMX u taw pariri siewja biex is-sewwieqa jtejbu l-livell tagħhom.
Aqra aktar
Maltija tiġi fit-tieni post f’kompetizzjoni tal-qbiż taż-żwiemel fi Sqallija
Rikkieba ta l-ekwestri Maltija għamlet suċċess f’kompetizzjoni fi Sqallija. Din kienet l-ewwel kompetizzjoni barra minn xtutna għal Stephanie Demanuele, li ġiet fit-tieni post fil-kompetizzjoni tal-qbiż tal-metru is-Sibt 23 ta Gunju.
Maltija tikseb suċċess fil-WFF European Championships fil-Ġermanja
Leanne Bartolo kisbet suċċess wara li ħadet sehem fil-WFF European Championships li saru fil-Ġermanja, fejn spiċċat fl-ewwel post fis-sezzjoni tal-aqwa Bikini Figure. Aqra aktar
Żwiemel: Kampjonat Ewropew għas-Sewwieqa Professjonali f’nofs il-ġimgħa
Il-Kampjonat Ewropew għall-Ġerrejja Professjonali se jsir fil-koros ta’ Bjerke in-Norveġja u Aby l-Isvezja nhar l-Erbgħa 27 u l-Ħamis 28 ta’ Ġunju.
Ir-rappreżentant Malti huwa s-sewwieq Rodney Gatt li għalih ser tkun l-ewwel esperjenza f’dan il-Kampjonat li fih ser ikun qed jikkompeti ma’ ħdax fost l-aqwa sewwieqa fl-Ewropa li jinkludu r-rebbieħ tal-aħħar edizzjoni Mika Forss u li s-sena l-oħra spiċċa t-tieni fil-Kampjonat tad-Dinja.Aqra aktar
Riccardo Correa viċin li jsir it-tielet akkwist ta’ Balzan FC
Il-winger mill-Urugwaj, Ricardo Calixto Correa Duarte, mistenni li jingħaqad ma’ Balzan fis-sigħat li ġejjin. Aqra aktar
Eleanor Bezzina tikkwalifika għal-Logħob tal-Mediterran
It-tiratur tal-Air Pistol Eleanor Bezzina kkwalifikat għal-loghob tal-Mediterran meta kisbet skor ta’ 560. Fix-shots finals hija kisbet 132.2 biex spiċċat fis-seba’ post. Aqra aktar
Tiġrijiet taż-żwiemel: Tiġi fi tmiemha l-ewwel fażi tas-sajf
Il-Ġimgħa filgħaxija ġie fi tmiemu l-ewwel fażi tal-Kampjonat tas-sajf hekk kif iż-żwiemel kollha issa ġrew darba fuq distanza ta’ 2140m. L-aħħar 8 tiġrijiet kienu ta’ livell ogħli speċjalment dik riservata għal żwiemel tal-aqwa klassi li fiha ħareġ rebbieħ id-debuttant Zonguldak misjuq minn Salvu Cutajar. Din it-tiġrija kienet waħda ferm mistennija u fejn jidħol spettaklu ta’ ħin ma ddiżappuntatx hekk kif kienet irreġistrata medja ta’ 1’13”6.
Rodney Gatt reġa’ żied żewġ rebħiet oħra qabel il-parteċipazzjoni tiegħu fil-Kampjonat Ewropew għas-sewwieqa professjonali fejn fi Klassi Gold iż-żiemel And Here I Am irreġistra r-raba’ rebħa tiegħu u fi Klassi Silver ħa l-ewwel rebħa staġjonali tiegħu Tempo d’Ecajeul.
Zack Scerri ma’ Gżira United b’mod permanenti
Zack Scerri huwa plejer ta’ Gżira United F.C. hekk kif ftit tal-ħin ilu ffirma kuntratt ta’ 4 snin mal-Maroons. Scerri kien misluf mingħand Hibernians FC matul l-istaġun li għadda iżda issa t-trasferiment sar wieħed permanenti.
Michael Woods mhux ser jibqa’ kowċ ta’ St. Andrews FC
Michael Woods mhux ser jibqa’ kowċ tat-tim tal-kbar ta’ St. Andrews. Woods kien inħatar b’mod temporanju f’Jannar li għadda wara sensiela ta’ bidliet f’dawk li huma kowċis u rnexxielu jzomm lit-tim fl-għola divizjoni tal-futbol Malti. L-ex kowċ ta’ Hibernians FC u Floriana FC kien diġà parti mill-klabb hekk kif kien qed imexxi n-nursery ta’ St. Andrews.