Lokali – Page 6 – One News

Notifiki

Ġirien ta’ Miriam Pace jgħidu li għadhom imkissrin wara t-traġedja

Fil-Qorti llum kompliet il-kumpilazzjoni tax-xhieda b’rabta mal-mewt ta’ Miriam Pace.

Quddiem il-Qorti ppreseduta mill-Maġistrat Joe Mifsud xehdu żewġ ġirieni, b’wieħed minnhom jgħid li hu u familtu għadhom mhux lesti li jerġgħu jmorru f’darhom għax imkissrin wara t-traġedja.

Il-mara tax-xhud ,li kienet ukoll ħabiba ma’ Miriam, qalet li qed tieħu kura psikoloġika.

Aqra aktar

BIL-FILMAT: Said u Buttigieg għand il-President bl-isem propost ta’ Kap tal-Oppożizzjoni

F’konfużjoni u f’paniku, il-fazzjoni ta’ Simon Busuttil, li sfiduċjat lill-Kap Nazzjonalista Adrian Delia, bidlet l-isem ta’ min se jkun Kap tal-Oppożizzjoni.

Il-persuna li kien qed jissemma għal Kap tal-Oppożizzjoni kien id-deputat nazzjonalista Claudio Grech, iżda għal ħabta tat-tlieta u kwart ta’ wara nofsinhar fil-jum tal-Ħamis ħarġet l-aħbar li l-fazzjoni li sfiduċjat lil Delia, qablet li Therese Comodini Cachia tkun il-Kap tal-Oppożizzjoni.

Claudio Grech, li kien qed jissemma għall-Kap tal-Opożizzjoni, irrifjuta li jidħol f’din il-konfużjoni sħiħa.

Is-sorsi tagħna qalu li Claudio Grech ried li jsir Kap Nazzjonalista iżda b’Adrian Delia mhux lest li jwarrab minn Kap tal-partit, Grech daqq l-irtirata u qal lid-deputati li huwa jrid karriera politika fit-tul u mhux jinħaraq issa.

Aqra aktar

Therese Comodini Cachia għall-Kap tal-Oppożizzjoni wara li Claudio Grech irrifjuta li jidħol f’din il-konfużjoni

Deputati li sfiduċjaw lil Adrian Delia sejrin għand il-President ta’ Malta fil-Palazz ta’ Sant’Anton bl-isem ta’ Therese Comodini Cachia biex tkun il-Kap tal-Oppożizzjoni l-ġdid.

Il-fazzjoni ta’ Simon Busuttil li sfiduċjat lil Adrian Delia minn Kap Nazzjonalista, bħalissa tinsab f’konfużjoni u f’paniku hekk kif riedet isem ieħor.

Aqra aktar

Jinżamm arrestat wara li ġiegħel lil bintu ta’ anqas minn 15-il sena tiżżewweġ

Sirjan ta’ tlieta u erbgħin u li ismu ma jistax jissemma’ fuq ordni tal-Qorti,  ma ngħatax-il ħelsien mill-arrest wara li tressaq il-Qorti akkużat li kkaġuna ġrieħi ħfief fuq bintu u li ġiegħlha tiżżewweġ raġel partikolari.

Quddiem il-Qorti ħareġ kif il-pulizija rċeviet rapporti dwar din il-vjolenza domestika fuq Facebook. L-aħħar każ seħħ it-Tlieta li għadda, hekk kif fil-Qorti ħareġ li din il-vjolenza fuq bintu ta’ anqas minn ħmistax-il sena kienet ilha għaddejja għal diversi snin.

Aqra aktar

Il-gazzetti fosthom in-Nazzjon b’artikli dwar l-istorja kerha fil-PN 

“Insistew li l-vot jittieħed b’mod sigriet għax ħafna minnhom m’għandhomx il-kuraġġ li jqumu u jgħidu x’jaħsbu.”

Hekk iddikjara l-editorjal tal-gazzetta The Malta Independant b’reazzjoni għall-iżviluppi politiċi u l-kriżi fil-Partit Nazzjonalista.

L-editorjal sostna li d-19-il Deputat Parlamentari li sfiduċjaw lil Adrian Delia fis-satra tal-lejl waqt laqgħa tal-Grupp Parlamentari t-Tlieta filgħaxija m’għamlu xejn ta’ ġid għall-Partit Nazzjonalista għaliex ma ppreżentawx soluzzjoni.

Aqra aktar

20,000 moviment ta’ passiġieri fil-ġimgħa li ilu miftuħ l-ajruport

F’ġimgħa mill-ftuħ mill-ġdid tal-Ajruport Internazzjonali ta’ Malta, pajjiżna laqa’ 20,000 turist li ġew fuq ‘il fuq minn 220 titjira u 11-il vjaġġ bil-katamaran.

Dan ħareġ waqt żjara li għamlet il-Ministru għat-Turiżmu Julia Farrugia Portelli f’numru ta’ lukandi. Hawnhekk kien spjegat ukoll kif minbarra li t-turiżmu intern kien u għadu qed jirrikorri tajjeb ukoll, is-sidien tal-lukandi qed iħarsu ‘l quddiem biex jilqgħu iżjed turisti fiż-żmien li ġej, hekk kif mill-ġimgħa d-dieħla l-ajruport Malti se jiftaħ għal aktar destinazzjonijiet.

Aqra aktar

Appoġġ kbir għall-MPE Alex Agius Saliba fuq żewġ Riżoluzzjonijiet PETI f’sessjoni Plenarja fi Brussell

Illum il-Parlament Ewropew approva b’maġġoranza kbira fuq żewġ riżoluzzjonijiet importanti, ibbażati fuq is-Seduti fil-Kumitat għall-Petizzjonijiet.

Il-MPE Alex Agius Saliba, fil-kapaċità tiegħu ta’ Koordinatur fil-Kumitat għall-Petizzjonijiet u bħala l-kelliem tal-S&D dwar ir-riżoluzzjoni li tikkonċerna persuni b’diżabilitajiet intellettwali, tkellem fuq kif il-pandemija COVID-19 esponiet id-diskriminazzjoni persistenti inaċċettabbli li jiffaċċjaw il-persuni b’diżabilitajiet intellettwali ta’ kuljum u fuq in-nuqqasijiet serji fis-sistemi tal-kura u l-appoġġ tal-Istati Membri għal għadd ta’ gruppi fis-soċjetà li jinsabu fir-riskju. Huwa rrimarka li sfortunatament, matul il-perjodu tal-lockdown,ħafna individwi u familji tħallew iżolati u mingħajr appoġġ essenzjali bl-għeluq ta’ ċentri vitali ta’ għoti ta’ kura u ta’ tagħlim.

Aqra aktar

Send this to a friend