Il-Viċi Kap tal-Partit Nazzjonalista Robert Arrigo talab għar-riżenja tad-deputati Nazzjonalisti li vvutaw kontra Adrian Delia.
Dan għamlu waqt kummenti li ta lill-midja barra d-Dar Ċentrali l-Ħamis filgħaxija ftit mumenti qabel mal-Kap Nazzjonalista Adrian Delia indirizza konferenza stampa fejn attakka lill-fazzjoni tal-eks-Kap Nazzjonalista Simon Busuttil.
Il-Ħamis filgħaxija, il-Kap Nazzjonalista Adrian Delia mar fuq l-istazzjon televiżiv tiegħu u fetaħ attakk tremend fuq min sfiduċjah. Aqra aktar
Delia mar fuq l-istazzjon radjunfoniku tal-Partit Nazzjonalista fejn kompla jagħmilha ċara li mhux se jirrenżja minn Kap tal-partit.
Delia ddikjara dan fl-istess ħin li grupp ta’ deputati Nazzjonalisti ltaqgħu fil-binja tal-Parlament biex fi kliemhom stess ifasslu pjan biex jaħtru persuna minn fosthom biex jinħatar Kap tal-Oppożizzjoni.
Il-Kap Nazzjonalista Adrian Delia tenna li hu se jibqa’ fil-kariga ta’ Kap tal-Partit Nazzjonalista sabiex jirrispetta l-mandat tat-tesserati.
Fuq l-istazzjon tiegħu huwa fetaħ attakk fuq id-deputati li sfiduċjawh.
20:40: L-attenzjoni ddur fuq id-Dar Ċentrali hekk kif barra l-istamperija bdew jinġabru n-nies ta’ Delia. Dawn l-attivisti u tesserati Nazzjonalisti jinsabu bir-ragħwa f’ħalqhom u esprimew ir-rabja tagħhom mal-ġurnalist Brian Hansford. Nies ta’ Delia nstemgħu jidgħu u jgħidu kliem faħxi wara li deputati Nazzjonalisti marru għand il-President ta’ Malta biex dan jaħtar lil Therese Comodini Cachia bħala Kap tal-Oppożizzjoni.
20:35: Nifhmu li għal-lejla daqshekk laqgħat bejn il-President ta’ Malta u deputati Nazzjonalisti. Illum il-President ta’ Malta George Vella tkellem ma’ għaxar deputati u għada mistenni jitkellem ma’ 20 deputat u filgħaxija, jekk ikun il-każ, mistenni joħroġ stqarrija bl-isem tal-Kap tal-Oppożizzjoni l-ġdid.
19:59: Għadu kif deher dieħel għal-laqgħa mal-President ta’ malta, id-deputat Nazzjonalista Mario Demarco.
19:25: Jidher ukoll li waslu wkoll Karl Gouder u Jason Azzopardi.
19:04: Deputati Nazzjonalisti oħra ntlemħu fil-Palazz ta’ Sant’Anton huma Ivan J. Bartolo, Beppe Fenech Adami u Hermann Schiavone.
18:44: Għall-ħabta tas-sebgħa neqsin kwart tal-lejlal-Palazz tal-President f’Sant’Anton id-deputati Nazzjonalisti Beppe Fenech Adami u Ivan Bartolo. Iż-żewġ deputati ħarġu wara kwarta mil-laqgħa mal-President George Vella.
Aktar kmieni: Għall-ħabta tal-erbgħa nieqes għoxrin dehru deħlin fil-Palazz id-deputati nazzjonalisti Claudette Buttigieg u Chris Said sabiex jipproponu l-isem ta’ Therese Comodini Cachia biex tkun il-Kap tal-Oppożizzjoni l-ġdid flok Adrian Delia.
Ftit tal-ħin wara Delia deher ukoll dieħel fil-Palazz għal-laqgħa mal-President fejn ħareġ wara madwar siegħa.
Matul il-jum tal-Ħamis One.com.mt ħabbar kif Il-fazzjoni ta’ Simon Busuttil li sfiduċjat lil Adrian Delia minn Kap Nazzjonalista, bħalissa tinsab f’konfużjoni u f’paniku hekk kif riedet isem ieħor.
Iżda, il-kobba mistennija titħabbel iżjed hekk kif is-sorsi ta’ ONE News fost iż-żewġ fazzjonijiet fil-Partit Nazzjonalista qed jgħidu li hemm deputati fost id-dsatax li sfiduċjaw lil Adrian Delia fil-lejl ta’ bejn it-Tlieta u l-Erbgħa, li biddlu fehmthom.
Bil-kundizzjoni li tibqa’ anonima, persuna qrib il-fazzjoni Delia qalet lil ONE News li dan l-iżvilupp qajjem iżjed paniku fost il-fazzjoni ta’ Simon Busuttil li trid tassigura u ssostni s-saħħa numerika wara Therese Comodini Cachia.
Dan kollu qed jitpoġġa f’kuntest li Claudio Grech kien il-kandidat oriġinali għall-kariga ta’ Kap tal-Oppożizzjoni u li daqq l-irtirata wara li l-affarijiet komplew jikkumplikaw ruħhom u ma riedx joħroġ għonqu f’din il-konfużjoni sħiħa.
Fid-dawl li ttieħed vot sigriet biex ġie sfiduċjat Adrian Delia, il-President ta’ Malta mistenni jitkellem ma’ kull deputat fuq il-bank tal-Oppożizzjoni, inkluż ma’ Marlene Farrugia u Godfrey Farrugia li wkoll kienu ġew eletti f’dik meqjusa bħala l-koalizzjoni ta’ konfużjoni.
Not my leader u jridu li titieħed azzjoni kontra d-deputati li sfiduċjaw lil Adrian Delia.
Din kienet r-reazzjoni tal-partitarji Nazzjonalisti leali lejn il-Kap Nazzjonalista Adrian Delia li ma jridux lil Therese Comodini Cachia tkun il-Kap tal-Oppożizzjoni.
Il-President ta’ Team Start Thomas De Martino, mill-fazzjoni taż-żgħazagħ ta’ Adrian Delia rreaġixxa ukoll għal aħbar dwar Comodini Cachia.
Il-kobba mistennija titħabbel iżjed hekk kif is-sorsi ta’ ONE News fost iż-żewġ fazzjonijiet fil-Partit Nazzjonalista qed jgħidu li hemm deputati fost id-dsatax li sfiduċjaw lil Adrian Delia fil-lejl ta’ bejn it-Tlieta u l-Erbgħa, li biddlu fehmthom.
Linji gwida tal-Awtorità tax-Xandir ser ikunu qed jaraw li tiżdied il-preżenza tan-nisa fuq ix-Xandir Malti. Dan wara li studju fir-Rapport Annwali għas-sena li għaddiet maħruġ mill-Awtorità tax-Xandir wera kif hemm diskrepanza bejn in-numru ta’ preżentaturi irġiel u dawk nisa.
Filfatt, ir-rapport juri kif kważi sebgħa u sittin fil-mija tal-preżentaturi, ġurnalisti u kummentaturi li jippreżentaw programmi ta’ diskussjoni u ġrajjiet kurrenti huma irġiel. Dan filwaqt li ftit iktar minn wieħed u erbgħin fil-mija huma nisa.
Filmat mibgħut lil One.com.mt juri karozza li spiċċat fjamma nar f’temp ta’ ftit sekondi.
L-inċident seħħ l-Erbgħa waranofshinar fi Triq Ġuże Cardona, f’Ħal Qormi meta għal xi raġuni karozza ta’ tip Volkswagen.
Il-Pulizija kkonfermat li ħadd ma weġġa’ f’dan l-inċident.
Adrian Delia deher dieħel fil-palazz ta’ Sant’Anton għal ħabta tal-5:30pm.
Huwa mistenni jiltaqa’ mal-President ta’ Malta George Vella fid-dawl ta’ kriżi politika fil-kamp tal-Oppożizzjoni Nazzjonalista.
Send this to a friend